‘வெண்முரசு’ – நூல் இருபத்திநான்கு – களிற்றியானை நிரை – 52

பகுதி ஆறு : இடந்திகழ் எரிமுலை – 2 மைந்தன் சென்றபின் போத்யர் தன் இல்லத்தின் சிறிய திண்ணையிலேயே நாளின் பெரும்பகுதியை கழித்தார். ஒவ்வொரு நாளும் அவர் இளையோன் இல்லத்திலிருந்து எவரேனும் அவருக்கு இரு வேளை அன்னம் கொண்டுவந்து படைத்தனர். முதலில் அவர் தயக்கமும் அச்சமும் கொண்டிருந்தார். முதல் நாள் அவரிடம் வந்து “மூத்தவரே, தாங்கள் விழைந்தால் நான் சமைக்காத அரிசியை கொண்டுவந்து படைக்கிறேன். அதில் தீட்டு இல்லை. தாங்கள் வேண்டுமெனில் தங்கள் அன்னக்கலத்தை திண்ணையில் வைக்கலாம். …

மேலும் »

Permanent link to this article: https://www.jeyamohan.in/129458

காந்தி, இந்துத்துவம் – ஒரு கதை

அன்புள்ள ஜெ இன்று தற்செயலாக உங்களுடைய நீரும்நெருப்பும் என்ற கதையை வாசித்தேன். வெண்கடல் வரும்போதே அந்தக் கதையை வாசித்திருந்தேன். அது அறம் தொகுப்புக்குப் பின்னால் வந்தது. ஆகவே அறம்போலவே அது இருக்கவேண்டுமென்ற எதிர்பார்ப்பு இருந்தது. ஆகவே அதைப்பற்றிய ஓர் ஏமாற்றம் இருந்தது. அதோடு அன்று இணையத்தில் எழுதும் ஒரு சிலர் எதிர்மறையாக எழுதியிருந்தனர். அந்த எண்ணமும் எனக்குள் ஊடுருவியிருக்கலாம். அவர்களெல்லாம் சும்மா வெற்றுவேட்டுக்கள் என்று தெரிய எனக்கு மேலும் சில ஆண்டுகள் ஆகியது இப்போதுதான் வெண்கடலை வாசித்தேன். …

மேலும் »

Permanent link to this article: https://www.jeyamohan.in/129466

ஒளி – வகைமைக்குள் அடங்காத ஜெம்ஸ் பேக்கட்- பிரியம்வதா

ஒளி தொகுப்பு படித்த பிறகு முதலில் நினைவுக்கு எழுந்தது ஒரு ஜெம்ஸ் பேக்கட். பல வண்ணங்களும் பல சுவைகளும் கொண்ட ஜெம்ஸ் பேக்கட் பள்ளிக்கூட சிறுமியாக இருந்த பொழுது என்னை எப்பொழுதும் குதூகலத்தில் ஆழ்த்தும். அதே போன்ற ஒரு அனுபவத்தை ஒளி சிறுகதை தொகுப்பை வாசிக்கையில் அடைந்தேன். பல வண்ணங்கள் ஒரு ஜெம்ஸ் பேக்கட்டுக்குள் புதைந்திருப்பது போல, பல இலக்கிய வகைமைகள் அடங்கியுள்ள தொகுப்பு. மிகை புனைவு (தேள், நட்சத்திரங்கள் பொழிந்துகொண்டிருக்கின்றன), அறிவியல் புனை கதைகள் (சிறகதிர்வு, …

மேலும் »

Permanent link to this article: https://www.jeyamohan.in/129279

பத்து உரைகள் – கடிதங்கள்

பத்துநூல் வெளியீடு உரைகள். அன்புள்ள ஜெ, விஷ்ணுபுரம் விழாவின் பத்து உரைகளையும் கேட்டேன். கடலூர் சீனு, சுனீல்கிருஷ்ணன், சுரேஷ் பிரதீப் உரைகள் சிறப்பாக இருந்தன. விஜயகிருஷ்ணன் பேச்சு என் ஏரியா இல்லை. ஆகவே ஒன்றும் சொல்வதற்கில்லை. மற்றபடி அனைவருமே சுருக்கமாகவும் சிறப்பாகவும் பேசினார்கள். எங்கும் எவரும் மீறிப்போகவோ திசைமாறவோ இல்லை. சுருக்கமாக புத்தகம் பற்றியே பேசினார்கள். கதைச்சுருக்கம் சொல்லிவிட்டு போகவும் இல்லை. இளம்பேச்சாளர்களில் பிரியம்வதாவும், நவீனும் நன்றாகப் பேசினார்கள். நவீன் சுருக்கமாகப் பேசினார். முத்துக்குமார் மிகவும் தணிந்த …

மேலும் »

Permanent link to this article: https://www.jeyamohan.in/129417

‘வெண்முரசு’ – நூல் இருபத்திநான்கு – களிற்றியானை நிரை – 51

பகுதி ஆறு : இடந்திகழ் எரிமுலை – 1 அஸ்தினபுரியின் கிழக்குக் கோட்டைவாயிலுக்கு உள்ளே பெருமுற்றத்தின் விளிம்பென அமைந்திருந்த நூற்றெட்டு அன்னையர் ஆலயங்களில் முதலாவதாக ஓரத்தில் இருந்த புலரியன்னையின் ஆலயத்தின் முகப்பில் எழுபத்திரண்டு சூதர்கள் பன்னிரு குழுக்களாக தங்கள் இசைக்கலங்களுடன் அமர்ந்திருந்தனர். அவர்கள் தங்கள் கைகளில் வைத்திருந்த யாழையும் முழவையும் கிணையையும் சல்லரியையும் மெல்லிய பதற்றத்துடன் உடலோடு அணைத்திருந்தனர். அந்நிகழ்ச்சிக்கு அவர்கள் புதியவர்கள் என விழிகளும் அடக்கப்பட்ட மூச்சுகளும் காட்டின. அன்னையர் ஆலயங்கள் அனைத்தும் வாயில் திறந்து …

மேலும் »

Permanent link to this article: https://www.jeyamohan.in/129457

குடிமக்கள் கணக்கெடுப்பு பற்றி முடிவாக…

குடிமக்கள் கணக்கெடுப்பு குடிமக்கள் கணக்கெடுப்பு குறித்த முதன்மையான ஆவணங்களை எல்லாம் வாசித்துவிட்டேன். அதைப்பற்றிய எல்லா முக்கியமான தரப்புகளையும். மிகமிகக் குறைவாகவே நடுநிலையான, உண்மையைச் சொல்லும் பதிவுகளைக் கண்டேன். பெரும்பாலானவை தங்கள் அரசியலுக்கேற்ப எல்லாவற்றையும் வளைத்துக்கொள்பவை. அதற்கேற்ற தரவுகளை சமைப்பவை. மிகையுணர்ச்சிக் கொந்தளிப்புகள்; இன்றைய சூழலில் ஒருவன் உண்மை நிலையை உணர முதலில் தன்னை எளியகுடிமகனாக நிறுத்தி தன் புரிதலை நம்பி, நீதியுணர்வைச் சார்ந்து பேசவேண்டியிருக்கிறது. இந்த ஆண்டு விஷ்ணுபுரம் விருதுவிழாவிலிருந்து தொடங்கவேண்டும். பெரிய அளவில் நிதியளிக்கும் தொழிலதிபர்கள், …

மேலும் »

Permanent link to this article: https://www.jeyamohan.in/128701

மலேசிய இலக்கிய முகாம் உரைகள்

மலேசியாவில்  கூலிம் இலக்கிய முகாமில் சென்ற ஆண்டு டிசம்பர் 20 முதல் 22 வரை நிகழ்ந்த உரைகளின் தொகுதி. நான் நான்கு உரைகள் ஆற்றியிருக்கிறேன். பேருரைகள் அல்ல. ஒருவகை பயிற்சி உரைகள்.    மரபு இலக்கியம் – ஜெயமோகன்     நாவல் எனும் கலை – ஜெயமோகன்   இலக்கிய விமர்சனம் – ஜெயமோகன்   உலக இலக்கியம் – ஜெயமோகன் நாட்டார் வழக்காற்றியல் – சு.வேணுகோபால்  மலைக்காடு நாவல் விமர்சனம் – சு.வேணுகோபால்  அக்கினி …

மேலும் »

Permanent link to this article: https://www.jeyamohan.in/129221

வைக்கம்,ஈவேரா,ஜார்ஜ் ஜோசப் – கடிதங்கள்

  வைக்கம், ஈவேரா, புதிய கழைக்கூத்துக்கள் வைக்கம், ஈவேரா – என் மதிப்பீடு அன்புள்ள ஜெமோ, பெரியார்-வைக்கம் பற்றிய உங்கள் சமீபத்திய பழ.அதியமானுக்கு எதிரான பதிவை படித்தேன். இதற்கு சில வருடங்கள் முன்பே நீங்கள் எழுதிய கட்டுரைகள் பின் அதற்கான பதிலுரைகளை தொடர்ந்திருக்கிறேன். வைக்கம் போராட்டத்தில் பெரியாரின் பங்களிப்பு சார்ந்த உங்களது வாதம் அல்லது அதன் தொனி இன்னும் என் அறிவுக்கு ஏற்புடையதாக இல்லை. பெரியாரை எப்போதும் பெரியாரிஸ்டுகள் வழியாகவே அணுகி, அதன் மூலமே அளவிட வேண்டுமா …

மேலும் »

Permanent link to this article: https://www.jeyamohan.in/129469

‘வெண்முரசு’ – நூல் இருபத்திநான்கு – களிற்றியானை நிரை – 50

பகுதி ஐந்து : விரிசிறகு – 14 யுதிஷ்டிரன் களைப்புடன் இருந்தார். சுரேசரை வரவேற்கக்கூட அவருடைய குரல் எழவில்லை. சுரேசர் அமர்ந்ததும் அவர் சம்வகையிடம் அமரச்சொல்லும்பொருட்டு திரும்பினார். இயல்பாகவே அவர் விழிகள் விலகிக்கொண்டன, அவர் அமரும்படி சொல்லவில்லை. சம்வகை சுவர் அருகே நின்றாள். சுரேசர் அவளை திரும்பி நோக்கிவிட்டு யுதிஷ்டிரனிடம் “பேரரசி விடுத்த ஆணை குறித்து செய்தி அனுப்பியிருந்தேன்” என்றார். “ஆம், அது அரசியின் ஆணை. நம் அனைவரையும் ஆள்வது அவள் சொல்” என்றார் யுதிஷ்டிரன். சுரேசர் …

மேலும் »

Permanent link to this article: https://www.jeyamohan.in/129450

வைக்கம், ஈவேரா – என் மதிப்பீடு

வைக்கம், ஈவேரா, புதிய கழைக்கூத்துக்கள் அன்புள்ள ஜெமோ, பெரியாரின் மறுபக்கம் என்ற பேரில் ம.வெங்கடேசன் எழுதிய கட்டுரை இது. விரிவான மூலநூல் ஆதாரங்களுடன் உள்ளது. மறுப்பு தெரிவிப்பவர்கள் இதைத்தான் மறுக்கவேண்டும். வைக்கம் போராட்டத்தில் காந்தியே ஈடுபடவில்லை, அவர் வைக்கம் போராட்டத்தை உண்மையில் எதிர்த்தார், பெரியார்தான் நடத்தினார் என்று திகவினர் சொன்னதற்கு எதிரான விரிவான ஆதாரங்கள் அவர்களின் தரப்பினர் எழுதிய நூலில் இருந்தே எடுத்து அளிக்கப்பட்டுள்ளன. http://www.tamilhindu.com/2009/09/periyar_marubakkam_part16/?fbclid=IwAR0x7E6wiBE-SwnLQYkarTSvC9JM2dRXf4YjMw2W7cu0L7oU3pi280grH04 ஈவெராவின் மறுபக்கத்தை வெளிக்கொண்டுவந்தமைக்கு நன்றி. ஸ்ரீனிவாஸ் *** அன்புள்ள ஸ்ரீனிவாஸ், …

மேலும் »

Permanent link to this article: https://www.jeyamohan.in/129445

Older posts «

» Newer posts