இரவெல்லாம் மழை முழங்கிக்கொண்டிருந்தது. காலையில் துளிச்சாரலும் காற்றும் சூழ்ந்திருக்க நடக்கச் சென்றேன். இன்று இந்த மண்ணில் படும் முதல் மானுடக்காலடி என்னுடையது. எனக்குமுன் ஒரு நாய் சென்றிருக்கிறது. சில பறவைகள். அனேகமாகக் கொக்குகள். செம்மண்ணில் மழை கூழாங்கற்களை சற்று மேலே தூக்கிப் பரப்பியிருக்கிறது. முன்பு பல ஆயிரமாண்டுகள் தொடர்ந்து பெய்த ஆதிமழையால் இவ்வண்ணம் எழுப்பப்பட்ட கற்களே அதோ அந்த மலைமேல் உச்சிப்பாறைகள் என அமைந்திருக்கின்றன. அந்த மழையில் உருவான ஓடைகளே பள்ளத்தாக்குகள். ஒவ்வொன்றும் கழுவப்பட்டு குளிர்ந்த …
