Daily Archive: January 6, 2019

யானை – புதிய சிறுகதை

பள்ளிக்கூடம் போகமாட்டேன் என்பதற்கு அனந்தன் சொன்ன காரணம் வித்தியாசமாக இருந்தது. அவள்  “என்ன?” என்றாள். அவன் தலையைக் கவிழ்த்து முனகலாக “எங்க ஸ்கூலிலே ஆனை இருக்கு” என்றான். “என்னது?” என்றாள். “ம்ம்ம்ம் ஆனை” ஜெயமோகன் எழுதி வல்லினம் இதழில் வெளிவந்திருக்கும் புதிய சிறுகதை- ‘யானை’

Permanent link to this article: https://www.jeyamohan.in/116717

தன்மீட்சி 

வாழ்க்கையின் பெரும்பாலான தருணங்களில் நாம் எதிலாவது மீண்டு மீண்டு அடுத்ததை நோக்கி சென்றுகொண்டிருக்கிறோம். மீட்சியின் தொடரே வாழ்க்கை. ஒவ்வொருநாளும் காலையில் போர்வையை காலால் விலக்கி தூங்கி எழுவது ஒருவகை பிறப்பு என நான் நினைப்பதுண்டு. காலால் உதைத்து எம்பி எழுந்து முகம் வெளிக்காட்டி கருவறைநீங்குதல்.  இருண்ட சிறையிலிருந்து கருப்பாதை வழியாக ஒரு பயணம். ஓர் அதிர்ச்சி, கண்கூச்சம், மூச்சுத்திணறல். சூழ்ந்துகொள்ளும் புதிய உலகம். வாழ்க்கையின் ஒவ்வொரு கண்டடைதலும் ஒரு வகை மீட்சி. அரிதாக நாம் ஆழமாக சிக்கிக்கொள்கிறோம். …

மேலும் »

Permanent link to this article: https://www.jeyamohan.in/116673

ஈரட்டி – கடிதங்கள்

சிரிப்புடன் புத்தாண்டு அன்புள்ள ஜெ ஈரட்டியின் சிரிப்புக்கொண்டாட்டத்தை படங்களிலிருந்து பார்த்தேன். மகிழ்ச்சியில் நானும் கலந்துகொண்டதுபோல் உணர்ந்தேன். இப்படி கூடிக் கொண்டாட்டமாக இருப்பது கல்லூரி நாட்களுடன் முடிவுக்கு வருகிறது. அதன்பின்னரும் கூடுகைகள் உண்டு. பெரும்பாலும் தொழில்நிமித்தம். ஆகவே குடி உண்டு. குடி இருந்தாலே இரண்டு விஷயங்கள் நிகழும். ஒன்று அதீத ஜாக்ரதை வந்துவிடும். அதை மறைக்க செயற்கையான உற்சாகம். ஒருகட்டத்தில் என்ன நிகழ்கிறதென்றே தெரியாது நீங்கள் சொல்வதுபோல என்ன நடக்கிறதென்றே தெரியாமல் மயங்கியிருப்பதை எப்படி கொண்டாட்டம் என்று சொல்லமுடியும் …

மேலும் »

Permanent link to this article: https://www.jeyamohan.in/116787

மு.தளையசிங்கம் – ஒரு நினைவுக்குறிப்பு

எனது வாழ்நாளில் நான் முதல்முதலில் இனம்கண்டு கொண்ட Activist மு.தளையசிங்கம். நான் ஒரு Activist ஆக வாழ்கின்றேனா இல்லையா என்பதை இன்னமும் என்னால் தீர்மானிக்க முடியாதிருந்த போதிலும் அவ்வாறு வாழத்தான் வேண்டும் என்ற ஆர்வத்தை எனக்குப் போதித்த குருவாக மு.தளையசிங்கத்தை குறிப்பிடுவேன். இலங்கையின் முதன்மையான படைப்பாளுமைகளில் ஒருவரும் சிந்தனையாளருமான மு.தளையசிங்கம் பற்றிய ஒரு நினைவுக்குறிப்பு. என் நண்பர் ஆஸ்திரேலியா முருகபூபதி எழுதியிருக்கிறார்.  காலமும் கணங்களும் மு தளையசிங்கம் -முருகபூபதி =================================================== மு.தளையசிங்கம் பற்றி… இலங்கை வாசகர்களும், இலக்கியமும் மு.தளையசிங்கத்தின் …

மேலும் »

Permanent link to this article: https://www.jeyamohan.in/116720

‘வெண்முரசு’ – நூல் இருபது – கார்கடல்-13

வடகாட்டில் நாகர்களின் சிற்றூரான ஐராவதீகம் பிறர் அணுகமுடியாததாகவே இருந்தது. அவ்வண்ணம் ஓர் ஊர் இருப்பதை கதைகள் மீண்டும் மீண்டும் கூறின. மாபெரும் புற்றுகளே வீடுகளென அமைந்த நகரம். மூன்று முகம் கொண்டு எழுந்து நின்றிருந்த மலைமுடிக்கு அப்பால், அதன் ஆறுவிழிகளின் நோக்கால் ஆளப்படும் நிலம். அங்கிருந்து ஊர்களுக்குள் வரும் நாகர்கள் அரவுநஞ்சு கொண்டுவந்து விற்பவர்களாகவும் ஊருக்குள் புகும் அரவுகளை பிடித்துச்செல்பவர்களாகவும்தான் சூழ்ந்திருந்த யாதவர்களால் அறியப்பட்டார்கள். நாகநஞ்சு அருமருந்து என மருத்துவர்களால் சொல்லப்பட்டது. நாகக் கடி ஏற்று நினைவழிந்து …

மேலும் »

Permanent link to this article: https://www.jeyamohan.in/116834