1

ஜெ

தட்சிணாமூர்த்தியும் கருப்பசாமியும்

விக்ரமாதித்தனை நான் இரண்டுமுறை சந்தித்திருக்கிறேன். அன்று ஒரு குறிப்பிட்டவகையான சித்திரம்தான் உருவாகியது. இன்று இக்கட்டுரையை வாசிக்கையில் வேறு ஒரு சித்திரம் மனதில் வருகிறது. அவரது படமும் அதற்கு ஈடுசெய்கிறது

லௌகீகம் எல்லாரையும் வேட்டையாடுகிறது. ஆனால் கனவுகளையே லட்சியமாகக் கொண்டவர்களை அது அடித்துத் துவைத்துப் போட்டுவிடுகிறது. சமநிலை இருந்தால் மட்டுமே அதைக்கடந்து அடுத்தபக்கம் செல்லமுடியும் என்று தோன்றுகிறது

செந்தில்ராஜா

***

அன்புள்ள ஜெ

தட்சிணாமூர்த்தியும் கருப்பசாமியும் என்னும் கட்டுரை மிக நடைமுறை சார்ந்தது. ஆனால் அது இத்தனை கவித்துவமாக இருப்பது ஆச்சரியமானது.

தட்சிணாமூர்த்தி கருப்பசாமியாக ஆவதைப்பற்றி நினைத்துக்கொண்டே இருந்தேன்

ஜெயராமன்

***

ஜெ,

தட்சிணாமூர்த்தியை நான் பார்த்ததில்லை. பலமுறை கருப்பசாமியை கண்டிருக்கிறேன்

நாங்கள் எல்லாம் தட்சிணாமூர்த்தியாக அமர்ந்தவர்கள். கருப்பசாமியைக் கொன்று பீடத்தில் உக்கார வைத்துவிட்டோம். அவர் கருப்பசாமியாக ஆடி மலையேறுகிறார். தன்னையே பலிகொடுக்கிறார்

நீங்கள் ஒரு அந்தரங்கத்திலே கருப்பசாமியை வைத்திருக்கிறீர்கள். அவரை முழுமையாக ஆடவிடுகிறீர்கள்

ராஜா குமாரசாமி