முகங்களின் தேசம்: குங்குமத்தில் தொடர்

 

Mugam_Desam

அண்ணா,

வணக்கம்,

இன்று வெளிவந்துள்ள குங்குமம் இதழில், தங்களின் புதிய தொடர்  ” முகங்களின்  தேசம்  ”  விரைவில் என்ற அறிவிப்பு (ஸ்கேன் இணைப்பு இம் மின் அஞ்சலோடு இணைத்துள்ளேன்.) கண்டு மகிழ்ச்சி.

பல ஆண்டுகளுக்குப் பிறகு, ஒரு வெகு ஜன வார இதழில் தங்கள் தொடர்.  உங்கள் இணைய தளத்தில் முன்பே இடம் பெற்ற கட்டுரைத் தொடர் ஏதேனும் தான், இத்தொடராக வெளி வருகிறதா? அல்லது, புதிய கட்டுரை / பயணத் தொடரா?  எதுவாக இருந்தாலும், ஒவ்வொரு வாரமும் குங்குமத்தை விலை கொடுத்து வாங்கி படிக்கலாம் என்றிருக்கிறேன்.

அன்புடன்,

ஹார்ட்டா.

 

அன்புள்ள ஹார்ட்டா

நண்பர் நா கதிர்வேலன், கெ.என்.சிவராமன் ஆகியோர் குங்குமத்தில் இருக்கிறார்கள். அவர்களுக்காக இது. வெண்முரசு எழுதும் பணியில் இது ஒரு சுமைதான்

நான் பயணங்களில் சந்தித்த முகங்களின் வழியாக ஒரு இந்தியதரிசனம்- இதுவே கட்டுரையின் பொதுக்கரு. எல்லாம் முன்னரே எழுதியவையாகவே இருக்கும். ஆனால் பயணத்தில் அன்றாடம் எழுதியமையால் சுருக்கமாக வெளிவந்திருக்கும்

ஜெ

 

முந்தைய கட்டுரைசங்கரர் உரை கடிதங்கள் 6
அடுத்த கட்டுரை‘வெண்முரசு’ – நூல் ஒன்பது – ‘வெய்யோன்’ – 24