அன்புள்ள ஜெயமோகன் அவர்களுக்கு,

கடந்த வாரம் சென்றிருந்த ஜம்பை என்ற கிராமத்தைப் பற்றிக் குறிப்பிட விரும்புகிறேன். இந்த ஊர் விழுப்புரம் மாவட்டம் திருக்கோயிலூரில் இருந்து 15 கிலோ மீட்டர் தொலைவில் உள்ளது. இங்கு சப்த கன்னிகள் கோவிலும், ஜம்புனாதர் கோயிலும் 1000 ஆண்டுகள் பழமையானது. ஊருக்கு சற்று வெளியே ஜம்பை மலை என்ற இரண்டு பாறைக்குன்றுகள் உள்ளது. இரண்டிற்கும் நடுவில் இருக்கும் சிறிய நிலப்பரப்பில், பழமையான பானை ஓடுகளும், இரும்புத் துண்டுகளும் காணப்படுகிறது. மலைக்குக் கீழே ராஷ்ட்ரகூடர் காலத்து ஜெயஸ்தா தேவி (தமிழில் மூதேவி) சிலையும், அருகில் ராஷ்ட்ரகூடர் மன்னன் மூன்றாம் கிருஷ்ணனின் கல்வெட்டும் காணப்படுகிறது.

இதற்கு அருகில் ஒரு சிவலிங்கமும் காணப்படுகிறது. இரண்டு குன்றுகளில் தெற்கில் காணப்படும் குன்றிற்கு, தாசிமடம் என்று பெயர். இங்குதான் கி மு ஒன்றாம் நூற்றாண்டைச் சேர்ந்த தமிழ் பிராமி கல்வெட்டும், சமண முனிவர்கள் பயன்படுத்திய உரல் குழியும் இருக்கிறது. அசோகர் காலத்து பிராமி கல்வெட்டு குறிப்பிடும் சத்தியபுத்திரர்கள் அதியமான்களே என்று அந்தக் கல்வெட்டு மூலம் தெரிகிறது. இதன் மூலம் ஒரு நீண்ட காலப் புதிர் விடுபடுகிறது. வடக்கில் இருக்கும் குன்றில் உள்ள குகையில் சமணர் படுக்கைகள் காணப்படுகின்றன. ஊரில் இருக்கும் ஜம்புனாதர் கோவிலிலும் ராஷ்ட்ரகூடர் காலத்து சிற்பங்கள் காணப்படுகின்றன.

ஆலம்பாடி பாறை ஓவியங்கள் கி மு 3000 ஐச் சேர்ந்தவை. பெரும்பாலும் பல்லி, பாம்பு போன்ற உருவங்கள் காணப்படுகின்றன. உணவுக்குழாய் போன்ற உடலின் உள்ளுறுப்புகளும் காணப்படுவதால், இவற்றை X- ரே ஓவியங்கள் என்று அழைக்கிறார்கள். ஒரு மனித முகமூடி போன்ற அமைப்பும் காணப்படுகிறது. இந்த ஊர் விழுப்புரத்தில் இருந்து திருக்கோயிலூர் போகும் வழியில் இருக்கிறது.

என்னுடைய இந்தப் பயணத்திற்கு உதவியவர் திரு. ரமேஷ். தொல்லியல் ஆய்வு மேற்கொண்டு வருபவர். விழுப்புரம் மாவட்ட சமணக்கோவில்கள் குறித்து எம் பில் ஆய்வு செய்தவர். தற்போது முனைவர் பட்ட ஆய்வு முடிக்கவிருக்கிறார். திண்டிவனத்தில் உள்ள ஒரு தனியார் கல்லூரியில் விரிவுரையாளராகப் பணியாற்றுகிறார். நான்கு புத்தகங்கள் எழுதியிருக்கிறார்.

இது குறித்து இணையத்தில் பதிவு செய்தவற்றை இங்கு இணைத்திருக்கிறேன்.

நன்றி.

தங்கள் அன்புள்ள,
சரவணக்குமார்

Wikipedia article

http://en.wikipedia.org/wiki/Jambai_(Tirukkoyilur)

Youtube videos

Jambai

1) http://www.youtube.com/watch?v=icjdfxqBeic&feature=related (1 B.C. Tamil-Brahmi inscription)

2) http://www.youtube.com/watch?v=BAACwzOw2WA&list=UUppaK1uqALtjRqhta8L0EKw&index=3&feature=plcp

3) http://www.youtube.com/watch?v=Z-A8_4ruHZs&feature=BFa&list=UUppaK1uqALtjRqhta8L0EKw&lf=plcp

4) http://www.youtube.com/watch?v=2UDGMqhXy0o&feature=BFa&list=UUppaK1uqALtjRqhta8L0EKw&lf=plcp

5) http://www.youtube.com/watch?v=GE99K3Lkt8c&feature=related

Alampadi rock paintings (3000 B.C.)

1) http://www.youtube.com/watch?v=39kMG1oggB4&feature=related

2) http://www.youtube.com/watch?v=Lbz5LM_mDpA&feature=related

3) http://www.youtube.com/watch?v=4P9jGf06q3M&feature=related