புதுச்சேரி கம்பன் கழகத்தில் 2018 ல்‘‘அணிகளின் அணி நடை – கம்பனின் காவிய இயல்’’ என்னும் தலைப்பில் ஓர் உரை ஆற்றினேன். அதன்பின் இப்போதுதான் கம்பன் பற்றிய உரையை ஆற்றுகிறேன். ஐந்தாண்டுகளுக்குப்பின் இன்று, 8 ஜூலை 2023ல் கோவையில். கம்பன் பற்றிய உரையை ஆற்றும்போது ஒரு தடுமாற்றம் வந்துவிடுகிறது. ஏனென்றால் கம்பன் கழகம் போன்றவை மரபார்ந்தவை. நான் பேசும் அழகியல்கொள்கைகளும் ஆன்மிகமும் அவர்களுக்கு சரிவர பிடிகிடைக்கிறதா என்னும் திகைப்பு பேச்சினூடாக எனக்குள் ஓடிக்கொண்டே இருக்கும்.
