குமரகுருபரன் விருது

விஷ்ணுபுரம் -குமரகுருபரன் விருது சதீஷ்குமார் சீனிவாசனுக்கு

May 1, 2023

விஷ்ணுபுரம் குமரகுருபரன் விருது கவிஞர் குமரகுருபரனின் மறைவுக்குப்பின் உருவாக்கப்பட்டது. இளம் கவிஞர்களுக்குரிய விருதாக விஷ்ணுபுரம் இலக்கிய வட்டம் மற்றும் கவிதா சொர்ணவல்லி ஆகியோரால் அளிக்கப்படுகிறது.

2017 ஆம் ஆண்டு முதல் அளிக்கப்பட்டு வரும் இவ்விருது 2023 ஆம் ஆண்டுக்கு இளம்கவிஞர் சதீஷ்குமார் சீனிவாசனுக்கு அளிக்கப்படுகிறது. இவ்வாண்டு முதல் பரிசுத்தொகை ரூ ஒரு லட்சம். பாராட்டிதழும் கேடயமும் வழங்கப்படும். விருதுவிழா வரும் ஜூன் 10 குமரகுருபரன் நினைவுநாளை ஒட்டி நடத்தப்படும்.

சதீஷ்குமார் சீனிவாசன் திருப்பூரைச் சேர்ந்தவர். பின்னலாடைத்தொழிலிலும் சிலகாலம் உயிர்மை இதழிலும் பணியாற்றியவர். உன்னை கைவிடவே விரும்புகிறேன் என்னும் முதல் தொகுதி வெளியாகியுள்ளது.