கி.ரா, அழகிரிசாமி, அபி – மதுரையில் இரண்டு நாட்கள்.
அன்புள்ள ஜெ
அமெரிக்கன் கல்லூரியில் உங்கள் உரையும், அந்த நிகழ்வு பற்றிய குறிப்புகளும் அருமையானவை. அந்த குறிப்புடன் உள்ள இணைப்புகள் வழியாக டேனியல்பூர் நினைவு நூலகம் பற்றி அறிந்துகொண்டேன். நான் அவரைப்பற்றிக் கேள்விப்பட்டதே இல்லை. இத்தனை வரலாற்றுப்பின்புலமும் ஒரே கட்டுரை வழியாக கிடைக்கிறதென்றால் அதற்குக் காரணம் தமிழ் விக்கி என்னும் கலைக்களஞ்சியம்தான். உங்கள் கட்டுரைகளின் இணைப்புகள் எல்லாமே மிகுந்தமுக்கியத்துவம் உடையவையாக ஆகிவிட்டன.
என்.மாணிக்கவாசகம்
அன்புள்ள ஜெ
அமெரிக்கன் கல்லூரி உரை வழக்கம்போல அருமையானது. ஆழமான கருத்துக்களை சரளமாகச் சொல்லிச் செல்கிறீர்கள். யதார்த்தவாதத்தின் பிறப்பும், அது நவீனத்துவத்தில் அடைந்த இறுக்கமும், அதை அழகிரிசாமி – கி.ராஜநாராயணன் இருவரும் கடந்துசென்றதும் அற்புதமான பதிவுகள். மிகச்சிறப்பான உரை. நன்றி.
(உண்மையிலேயே சற்று மெலிந்திருக்கிறீர்கள்)
மகேந்திரகுமார்
