இளையராஜா-கலை, மனிதன்

நண்பர் முதல்வன் முதல்வன் மீடியா என்ற யூடியூப் பக்கத்தை நடத்தி வருகிறார். மறைந்த நண்பர் வே.அலெக்ஸின் நண்பர். இலக்கிய ஆர்வம் கொண்டவர். அந்த யூடியூப் பக்கத்தில் தொடர்ச்சியாக இளையராஜா பற்றிய நிகழ்ச்சி ஒன்றை நடத்துகிறார். என்னிடம் ராஜா பற்றி பேசும்படிச் சொன்னார். எனக்கு அவருடைய இசைக்கொடையை மதிப்பிடும் தகுதி இல்லை என்று நான் சொன்னேன். அவர் வலியுறுத்தியமையால் கலைக்கும் அதற்கு தன்னை அளித்த தனிமனிதனுக்குமான உறவைப் பற்றிப் பேசலாமென்று ஏற்றேன்