«

»


Print this Post

வைரஸ்,யுவால் நோவா ஹராரி -கடிதம்


அன்புள்ள ஜெ,

 

வைரஸ் அரசியல் கட்டுரை இந்தத் தருணத்தில் முக முக்கியமானது நன்றி. அதீத செயல்பாடுகளால் வரும் பிரச்சனைகளையும், அந்தச் செயல்பாட்டுக்கு காரணமான சில்லறை அரசியல் பற்றியும் நீங்கள் எழுதியிருந்தது தெளிவைத் தந்தது.

 

எந்த ஒரு நிகழ்வையும் தங்கள் அரசியல் நிலைப்பாட்டுக்கு, வரும் தேர்தல் ஓட்டுக்கு எப்படிப் பயன்படுத்துவது என்று திரித்து அரசியல்வாதிகள் யோசித்தால் கூட பரவாயில்லை, ஒவ்வொருருவருமே அப்ப்டி யோசிக்கப் பயிற்றுவிக்கப்பட்டுவிட்டனர் என்ற நிலை அச்சமூட்டுகிறது.

 

பொழுதுபோக்கு ஊடகமான சினிமா கூட இந்த ஒற்றை அரசியல் கண்ணால் தான் பார்க்கப்படுகின்றது என்பது சமீபத்தில் வந்த இரு அரசியல் திரைப்படங்க்கள் பெருமளவில் முனைப்படுத்தப்பட்ட இந்த இரு  குழுக்களால் பேசப்பட்டது ஆனால், அரசியல் இல்லாத கண்ணும் கண்ணும் கொள்ளையடித்தால் என்ற படம் தான் உண்மையில் திரையரங்குகளில் மக்களால் பார்க்கப்படுகிறது. ஆனால் அவ்விரு படங்க்கள் தான் தமிழகமே பேசுவதாக இவர்கள் ஒரு  மாயையை உருவாக்குகிறார்கள்.

 

 

இன்னொரு ஆச்சர்யம்.. பொதுவாகவே எதிர்மறையாக சொல்கிறார் என விமர்சகர்களால் சொல்லப்படும் யுவால் ஹராரி இந்தத் தருணத்தில் உலகம் பதறி தனிமைப்படுத்தப்பட்டால் பொருளாதாரம் மீள் முடியாமல் சரியும், அதனால் நோய்களை நாம் எதிர்கொள்ளும் திறனும் குறையும். எனவே இந்தத் தருணத்தின் தேவை எதிர்மறை பிரச்சாரமும் தனிமைப்படுத்துதலும் அல்ல. ஒத்துழைப்பே இப்போது முக்கியம் என்றும் எழுதியிருகிறார்.

https://time.com/5803225/yuval-noah-harari-coronavirus-humanity-leadership/ 

 

கொரோனா வைரஸுடனான போரில் மனிதம் தலைமையின்றி நிற்கிறது – யுவால் நோவா ஹராரி

உங்கள் கட்டுரையும், யுவாலின் கட்டுரையும் இந்தத் தருணத்திற்கான சிந்தனையாள்ர்களின் பங்களிப்பு. அதற்கு நன்றிகள்.
அன்புடன்
சுரேஷ் பாபு.

தொடர்புடைய பதிவுகள்


Permanent link to this article: https://www.jeyamohan.in/130178