அன்புள்ள ஜெ,

நலமா? பாசிஸம் பற்றிய உங்கள் கட்டுரையைப் படித்தேன். பா.ரஞ்சித் ராஜராஜன் பற்றி பேசியதற்கு எழுந்த எதிர்ப்பை குறிப்பிட்டிருந்தீர்கள். அந்த எதிர்ப்பு ஒரு பல்முனை தாக்குதல். சமீப காலமாக ராஜராஜனை சாதிய ரீதியாக கொண்டாட ஆரம்பித்தவர்களுக்கு ரஞ்சித்தின் ஜாதி அவரை எதிர்ப்பதற்கு முக்கிய காரணம். ராஜராஜனையும் தமிழ் பேரரசுகளையும் ஒரு பண்பாட்டு அடையாளமாக முன்னிறுத்திய திராவிட இயக்கத்தினர் பலருக்கு ரஞ்சித் என்றால் ஏற்கனவே எட்டிக்காய். அப்புறம் இருக்கவே இருக்கிறார்கள் இந்துத்துவர்கள். அந்த சர்ச்சையை ஒட்டி நான் எழுதிய கட்டுரையின் சுட்டி இது.

ராஜராஜன் பற்றி பா. ரஞ்சித் பேசியதும் வரலாறும்

நிச்சயமாக அதில் உங்களுக்கு ஏற்பில்லாத பகுதிகள் உண்டு. முடிந்த வரை ஆதாரங்களைத் தேடித் தேடித் தான் எழுதியிருக்கிறேன். சோழர்கள் எப்படி சைவத்தை சாம்ராஜ்ய ஒருங்கிணைப்புக்கு பயன்படுத்தினார்கள், ஏன் கோயில் கட்டுமானம் முக்கியமானது, கல்வியின் நிலை, நில உடைமை என்று பல புள்ளிகளைக் கட்டுரை தொட்டுச் செல்லும்.

நன்றி

அரவிந்தன்

***