உங்கள் இணையத்தில் திரு கடலூர் சீனு அவர்களின் கடிதம், கட்டுரைக்கென விசிறி வட்டம் உருவாகியிருக்கும் என நினைக்கிறேன். சில வேளைகளில் மிகக் கட்சித்தனமான வாக்கியங்களால் ஒரே பத்தியில் பல விஷயங்களை தாண்டி விடுகிறார். உங்கள் குழுமத்தின் அறிவு செயல்பாட்டையும், கூர்மையையும் தமிழ் இலக்கிய வட்டம் நன்கு அறியும். ஆனால் அதில் பங்கு கொள்ளாத இயலாத என்னை போன்றோருக்கு திரு சீனு அவர்களின் கடித பங்களிப்பு அங்கு நடக்கும் விவாதங்களை “ஒட்டு கேட்ட” மன திருப்தியை அளிக்கிறது.
நன்றி.
ரமேஷ்.
***
அன்புள்ள ஜெ
கடலூர் சீனு நூல்களைப்பற்றி எழுதும் குறிப்புக்களை விரும்பி வாசிப்பவன் நான். அவர் அறிமுகம் செய்யும் நூல்கள் வெவ்வேறு தளங்களைச் சார்ந்தவை. வரலாறு, சமூகவியல், இலக்கியம். ஆனால் அவர் தொடர்ச்சியும் ஒழுங்கும் உள்ள கட்டுரைகளாக ஒருசிலவற்றையே எழுதியிருக்கிறார். பெரும்பாலும் குறிப்புகளாகவே அவை நின்றுவிடுகின்றன. அவர் கட்டுரைகளை எழுதத் தொடங்குவது நல்லது என நினைக்கிறேன். அவைதான் அவர் நினைப்பது என்ன, அவருடைய கோணம் என்ன என்பதை எல்லாம் தெளிவாக விளக்கக்கூடியவை
சாந்தகுமார்
***
