பின் தொடரும் நிழலின் குரல் வாங்க
அன்புள்ள ஜெ
தங்களின் ஆக சிறந்த படைப்புகளில் ஒன்றான பின் தொடரும் நிழலின் குரல் நாவலை சில நிமிடம் முன் தான் முழுவதுமாக படித்து முடித்தேன். நாவலை பல்வேறு தடைகள்,இடைஞ்சல்கள், நேரமின்மை,சோம்பேறிதனம் என கடந்து முடிக்க கிட்டதட்ட தோராயமாக இரண்டரை மாதங்கள் எடுத்து கொண்டேன்.
இந்த புத்தகம் தற்சமயம் பதிப்பில் இல்லை என்றே நினைக்கிறேன்.ஆகையால் தெரிந்த அண்ணனிடம் மன்றாடி பெற்ற பழைய பதிப்பை இரவலாய் பெற்று படிக்க தொடங்கினேன்.முதல் நாள் ஆர்வத்தில் நூறு பக்கங்களை கடந்து படித்தேன்.அதன் பின்னர் சுத்தமாக வேகம் இன்றி போனது.அதன் பின் வேலை தேடி அலைந்து படித்து முடித்திருந்த படிப்புக்கு சம்மந்தம் இல்லா வேலைக்கு சேர அது ஒரு பக்கம் ஒரு நாளில் பத்து முதல் பன்னிரண்டு மணிநேரத்தை பிடிக்க தினமும் முக்கால் மணிநேரம் அரை மணிநேரம் என படித்து முடித்து இருக்கிறேன்.
இது போன்ற ஓன்றை தங்களால் மட்டுமே எழுத மற்றும் தொகுக்க முடியும்.கதை போன்று தொடங்கி கடிதம் ,மொழிபெயர்ப்பு சிறுகதை,நாடகம் என ஒரு உண்மை சம்பவத்தை தங்கள் சந்தித்த நிகழ்வுகள் என நாவல் பல்வேறு தளங்களை தொட்டு செல்கிறது. இதில் நீங்கள் எதை கூறாமல் விட்டிர்கள் முழு உலக தத்துவகங்களையும் சித்தாத்தகளையும் கூறி பெரும் உலகை மட்டும் அல்ல அதற்கு அப்பாற்பட்ட ஒன்றையும் இப்படைப்பில் தங்கள் நிகழ்த்தி காட்டி விட்டிர்கள் என நான் நினைக்கிறேன்.
எல்லா சித்தாந்தங்களும் ஓட்டை படகு தான் அவற்றில் பயணிப்பது தவிர வேறு வழியில்லை இல்லாவிடில் வாழ்க்கை எனும் பெரும் சூழலில் சிக்கி கரையேற முடியாத என சில வரிகள் வரும் அதை எல்லாம் எப்படி பாரட்டி சொல்வது. வேற லெவல் இப்படி கூறினால் தான் ஒரு திருப்தி வருகிறது.
கடைசி நாடகத்திற்கு ஒருவாறு ஒரு விளக்கம் தரப்பட்டிருந்தது.அதை படித்தே குழம்பி போனேன்.அது ஒரு பைத்தியகார ஹாஸ்பிட்டல் இதில் உள்ள பைத்தியங்கள் ஒரு நாடக போடுகிறது அந்த நாடகத்தில் ஒரு பைத்தியகார ஆஸ்பத்திரி என நீண்டு அதில் பல கதாபாத்திரங்கள் வந்து வேறு ஒரு தளமான மனபிறழ்வில் இருந்து திரும்பும் ஒன்றை நிகத்தியுள்ளீர்கள்.நாடகத்தில் பல இடஙகளில் சிரிப்பு என்னை மீறியும் வந்தது. புகாரின்,டிராஸ்கி என அறியாத பல முக்கியமான நபர்களை அறிந்தேன். தியாகம் எனும் ஒன்றில் தான் நம் வாழ்க்கை உருண்டோகிறது என்பதை நாவலில் கண்ட தரிசனமாக நான் எண்ணுகிறேன்.
இப்படிக்கு
மணி
