«

»


Print this Post

சிற்பங்களை அறிவது…


Hoysala_Javagal_Lakshmi_Narashimha_temple-3104

அன்புள்ள ஜெயமோகனுக்கு,

 

மன்மதன் சிறுகதையிலும், இந்தியப் பயணங்கள் பயணக் குறிப்பிலும், மற்றும் பெயர் மறந்து போன உங்களது எழுத்துக்கள் சிலவற்றிலும் சிற்பங்கள் பற்றிய நுணுக்கமான தகவல்களை அறிந்து கொண்டதில் மகிழ்ச்சி. இந்தியப் பயணங்களில், நீங்கள் முதலில் சென்ற தாரமங்கலம் தான் நான் பிறந்த ஊர். இங்குள்ள கைலாசநாதர் கோவில் சிற்பங்களைப் பலமுறைச் சென்று பார்த்துள்ளேன். இருந்தாலும் உங்களின் இ.ப படித்த பின்பு, சென்னையிலிருந்து ஊருக்குச் சென்றதும் முதல் வேலையாக கோவிலுக்குச் சென்று, நீங்கள் குறிப்பிட்டவையும் இன்ன பிறவும் கண்டேன். இருபது வருடங்கள் கண் முன்னே கிடந்த இன்பங்களை நுகராமல் வெறும் காட்சிப் பொருளாய் கண்டதை நினைத்த போது, பல பேர் ஒரு கருத்தைப் பற்றி விவாதிக்கும் ஒரு சபையில் அதைப் பற்றி ஒன்றும் அறியாதவனின் இருப்பால் அவனுக்கு ஏற்படும் சூன்யமான மனநிலை எனக்கும் ஏற்பட்டது.

 

 

சிற்பங்களைப் பற்றியும், கோவில்களைப் பற்றியும் மேலும் அறிய ஆவல் ஏற்பட்டது. ஆனால் எங்கு சென்று அறிந்து கொள்வது?  மீண்டும் சூன்யம். அந்த ஆவல் ஏற்படக் காரணமாய் இருந்த உங்களிடமே கேட்டு விடலாம் என்று தோன்றியது. ஆனால் என்னுடைய மின்னஞ்சலுக்கெல்லாம் பதில் வருமா என்ற தாழ்வு மனப்பான்மையில் அன்று எதுவும் அனுப்பவில்லை. இரண்டு மாதங்கள் பலரிடம் கேட்டும் உருப்படியான தகவல்களைப் பெறவில்லை. உங்களிடமே கேட்டுவிடலாம் என்று மீண்டும் தோன்றியது.  சிற்பங்கள் பற்றி நுணுக்கமாக அறிந்து கொள்ள நூல் ஒன்றைப் பரிந்துரை செய்யுங்கள். கிண்டிலில் இருந்தால் இன்னும் நல்லது

 

செ வேல்முருகன்

 

அன்புள்ள வேல்முருகன்

 

எப்போதும் இந்த வினா வந்தபடியே உள்ளது. சிற்பங்கள் என அடித்து என் இணையதளத்தில் தேடினாலே பல கட்டுரைகள் வரும். சிற்பங்களை முறையாக அறியவேண்டுமென ஆர்வம் கொண்டிருப்பதும் அதற்காக நீங்கள் முயல்வதும் மகிழ்வளிக்கிறது. நினைவில்கொள்க, எந்த நுண்கலையிலும் தொடர்ந்து அதில் ஈடுபடுவதன் வழியாகவே ஆழ்ந்துசெல்ல முடியும். குறைந்தது இரண்டு ஆண்டுக்காலம் தொடர்ச்சியாக சிற்பங்களை பார்த்துக்கொண்டே இருங்கள், கூடவே கொஞ்சம் தெரிந்துகொண்டுமிருங்கள். கண்களே கற்பிக்கும்

 

ஜெ

 

சிற்பக்கலை அறிய…

சிற்பங்களைப் பயில…

கலையறிதல்

கலையின்மை

சிற்பங்களுக்காக ஒரு பயணம்

வாழும் சிற்பங்கள்

நாயக்கர் கலையும் நம் கலை ஆய்வாளர்களும்

கலை -கடிதங்கள் மேலும்…

அருகமர்தல் -ஏ. வி. மணிகண்டன்

இந்திய ஓவியங்களை ரசிப்பதன் தடை என்ன?

இந்தியக்கலை – ஏ .வி. மணிகண்டன் கடிதம்

இந்தியக்கலை -கடிதங்கள்

 

ஆட்டம்

திருவட்டாறு பேராலயம்- ஒரு வரலாறு

தொடர்புடைய பதிவுகள்

  • தொடர்புடைய பதிவுகள் இல்லை

Permanent link to this article: https://www.jeyamohan.in/114365