«

»


Print this Post

உரைகள்-கடிதங்கள்


தினமும் உங்களை படித்து வருபவனாயினும், உங்கள் உரைகள் ஒவ்வன்றிலும் புதிதாக 20 விஷயங்களாவது கற்று தேறுகிறேன்.  ஒரு மணி நேர காணொளி என்றால்  2 மணி நேர இலக்கிய போதையில் கிரங்கும் குதூகலம்.  நடுவில் நிறுத்தி, கேட்டவற்றை அசை  போட்டு, மீண்டெழுந்து  தொடர்வது தான்  என் வாடிக்கை .  உங்கள் வாழ்க்கையின் ஒவ்வொரு நொடியினையும் எங்களுக்கான அனுபவமாகியதற்கு  எப்போதும் கடமை பட்டுள்ளோம்.

நன்றி
ரமேஷ்

 

 

அன்புள்ள ஜெ

 

உங்கள் காணொளிகள் என்னைப்பொறுத்தவரை மிகச்சிறந்த வகுப்புகள். காலையில் வேலைசெய்துகொண்டிருக்கையில் தொடர்ச்சியாக அவற்றைக் கேட்டுக்கொண்டிருக்கிறேன். ஆனால் ஓரிரு மாதங்களுக்குள் பல உரைகளை திரும்பத்திரும்பக் கேட்டும்கூட முடிந்துவிட்டன. மீண்டும் கேட்கவேண்டியிருக்கிறது. எனக்கு வாசிப்பதைவிட இது இன்னும்கூட அணுக்கமாக உள்ளது. என்னிடமே எவரோ நேராகப்பேசுவதுபோல உள்ளது. பேருந்தில் பயணம் போகும்போதுகூட கேட்டுக்கொண்டே செல்வேன்.

 

நீங்கள் யூடியூபில் தொடர்ச்சியாக உங்கள் பேச்சுக்களை வலையேற்றலாமே. ஒரு டிவி போலவோ அல்லது ரேடியோ போலவோ. அல்லது நண்பர்களுடனான உரையாடலை போடலாம். மரபிலக்கியம் நவீன இலக்கியம் சார்ந்து நிறையவே பேசியிருக்கிறீர்கள். அவற்றை எல்லாம் நீங்கள் வலையேற்றம் செய்வதென்பது மிகப்பெரிய ஒரு சேவையாக ஆகும் என நினைக்கிறேன்

 

ஆர்.வித்யா

 

அன்புள்ள ஜெ

 

உங்கள் உரைகளின் காணொளிகளை தொடர்ச்சியாக கவனித்துவருகிறேன். பொதுவாக எனக்கு சொற்பொழிவுகள் கேட்பதில் ஆர்வம் உண்டு. ஆனால் ஓங்கிய குரலில் பேசப்படும் சொற்பொழிவுகள் சீக்கிரமே காதுக்குச் சலிப்பை அளித்துவிடுகின்றன. நீங்கள் பேசுவதுபோல உணர்ச்சிகரமாக, அந்தரங்கமாகப்பேசும் பேச்சுக்களே மிகவும் நெருக்கமானவையாக உள்ளன. அவற்றை நான் பலமுறை திரும்பத்திரும்பக் கேட்கிறேன். காந்தியம் தோற்றுப்போகும் இடம் தான் மிகச்சிறந்ததாக என் எண்ணத்தில் உள்ளது. இன்றைக்குமேடைப்பேச்சில் தேவையானது இந்தவகையான ஆத்மார்ந்தமான பேச்சுக்கள்தான்

 

ஜனார்த்தனன்

 

என் உரைகள், காணொளிகள்

தொடர்புடைய பதிவுகள்

  • தொடர்புடைய பதிவுகள் இல்லை

Permanent link to this article: https://www.jeyamohan.in/113929