«

»


Print this Post

பின் தொடரும் நிழலின் குரல் -கடிதங்கள்


பின் தொடரும் நிழலின் குரல் வாங்க

 

அன்புநிறை ஜெ,

இரண்டு வருடங்களுக்கு முந்தைய தினத்தை முகநூல் நினைவுறுத்தியது, தங்களை ஜுராங் இல்லத்தில் வந்து சந்தித்த தினம். இரண்டு வருடங்கள்தானா ஆயிற்று என வியப்பாகவே இருக்கிறது.

நேற்று மாலை முதல் பின் தொடரும் நிழலின் குரல் வாசித்துக் கொண்டிருக்கிறேன். தங்களிடம் சொல்வதில் தயக்கமில்லை,
உங்களை சந்திப்பதற்கும் முன்னரே வாங்கிய நூல், எதனாலோ அறியாத ஒருவரை சந்திப்பது போன்ற தடுமாற்றத்தோடு வாசிப்பதை ஒத்திப் போட்டு வந்திருக்கிறேன். மார்க்ஸிசமும் கம்யூனிசமும் எனக்குப் புரியாது என்ற முன்முடிவுடனோ, அல்லது ஏதோ ஒரு அணுகமுடியாமையை நானாகக் கற்பனை செய்து கொண்டோ நாள் கடத்தி வந்தேன். குறள் உரையின் போது ஆற்றாது அழுத கண்ணீர் குறித்தும் புகாரின் குறித்தும் தாங்கள் பேசிய போது உடனே படிக்க வேண்டும் என எண்ணிக் கொண்டு பின்னர் அதற்கு ஆயத்தமாக லெனின் குறித்தும் ஸ்டாலின் குறித்தும் இணையத்தில் சில பக்கங்கள் வாசித்து மீண்டும் கைவிட்டேன்.

நேற்று வாசிக்க ஆரம்பித்தது முதல் எனது முன்முடிவுகளை முற்றாகப் பொய்த்து விட்டிருக்கிறது பின்தொடரும் நிழலின் குரல். மானுடம் கண்ட எந்த ஒரு தரிசனமும் இன்னொரு மானுடனுக்கு புரிந்து விடக் கூடியதே, அல்லாத ஒன்று தரிசனமாயிருக்க இயலாதோ! இன்று வாசிப்பிலிருந்து எனை உந்திப் பிரித்தே அலுவலகம் செல்ல வேண்டியிருந்தது, வீரபத்ரபிள்ளை எழுத்துகளை வாசித்த அருணாசலம் போல உள்ளே பலத்த காற்று வீசி அடிமரம் வரை அதிரச் செய்கிறது எழுத்தின் விசை.

இதை வாசிக்கும்போது கூடவே வெண்முரசின் பெருங்களத்தில் மாந்தர்கள் காணும் மாபெரும் கனவுகள் இன்று உதிரப்பெருக்காக மாறிக் கொண்டிருக்கும் வியர்த்தத்தின் நிகர் சித்திரத்தையும் மனது கிளர்த்திக் கொண்டே இருக்கிறது.

தன்னைத் தொடரும் கேள்விகளுக்கு விடை தேடி அலைவது அருணாசலமாகவும் அர்ஜுனனாகவும் நானென்றும் மனம் மாறி மாறி உருவகித்து அலைகிறது.

மிக்க அன்புடன்,
சுபா

russ

 

அன்புள்ள ஜெ,
பின்தொடரும் நிழலின் குரலிலிருந்து..

 
வருகிறப் பக்கத்தில் பென்சிலால் வாசித்ததும் கோடிட்டதை அனுப்புகிறேன்.இந்தப் புத்தகத்தை உங்களிடம் கொடுத்து கையெழுத்து வாஙங்கவேண்டுமென்றிருக்கிறேன்.

 

-மெய்மை ஒரு பயந்த பறவை—–
-யத்திரங்களுக்கு ரத்தமில்லை. அவற்றின் சக்தி முடிவற்றது. ஆனால் ரத்தம் இல்லை.–பிளவற்றது மானுடப் பிரக்ஞையின் பிரவாகம்-

-நீதியின் சரடு. ஆனால் நீதி அல்ல. நீதி என்பது ஒரு மானுட ஏற்பாடு. இது மானுடத் தருக்கத்தால் விளக்க முடியாத உத்வேகம்.-

-கோவையாக சிந்திக்கப்படும் எதுவும் பாதிப்பங்கு உண்மையிலிருந்து விலகி நிற்கிறது.-

-எந்த விதியும் அதன் எதிர்விதியை உள்ளே விழுங்கி செரிக்க முடியாது நெளிந்தபடி உள்ளது.எந்த சித்தாந்தியும் தருவது தனிமையை. அது ராமசாமியாக இருந்தாலும் சரி, கதிராக இருந்தாலும் சரி, டால்ஸ்டாயாக இருந்தாலும் சரி. எண்ணங்கள் சிதறிப் போகும்பபோதுதான் இயல்பாக நகர்கின்றன. ஆனால் அவை அப்போது எதையும் மிச்சம் வைப்பதில்லை. அவற்றால் பயன் ஏதுமில்லை.-

பக்கம் 229,230

-சதையை ஆத்மாவால் வெல்ல முடியாது. அவை ஒன்றையொன்று சந்திக்க முடியாத இருவேறு உலகங்கள்.-

பக்கம்-307

இந்த அத்யாயமே உச்சக்கட்ட வலியில்தான் வாசித்தேன். நான் புத்தகத்தில் முதலில் அழுதது மூன்று இடங்களில் என நினைக்கிறேன். இதுமுதலில். குடிகாரனின் குறிப்புகள். அந்த இருபது கவிதைகள். அந்த கவிதை நிலையில் கிட்டத்தட்டப் பைத்தியமாகிவிட்டேன். தொடர்ந்து இடைவிடாது இவ்வளவு கவிதைகளை நான் வாசித்ததேயில்லை.

-இது விஷம். விஷங்களெல்லாமே பிரார்த்தனைகள்.-

பக்கம் 327

-இந்த உலகம் இப்படிப் புரிந்துகொள்ள முடியாதபடி இயங்க ஒரு நியாயமும் இல்லை.-

இந்தப்பத்தியின் வலப்புறம் கோடிட்டிருக்கிறேன். அப்படியென்றால் அந்த பகுதியில் எனக்கு ஒரு புரிதல் இருந்திருக்கிறது என்று அர்த்தம். இப்படி நிறைய இருக்கிறது.

 

தீவிரமான அனுபவத்திற்கு பிறகு வருகிற அவதானிப்பு கொடூரமாக இருக்கிறது.

லக்ஷ்மி

கத்துவத்தின் கண்ணீர்- பின் தொடரும் நிழலின் குரல்

பின் தொடரும் நிழல்

பின் தொடரும் நிழலின் குரல் -இலட்சியவாதத்தால் கைவிடப்படுதல்

பின் தொடரும் நிழலின் குரல்-கடிதம்

பின் தொடரும் நிழலின் குரலில் ஆசிரியன்

பின் தொடரும் நிழலின் குரல்

பின் தொடரும் நிழலின் குரல் பற்றி

பின் தொடரும் நிழலின் குரல்-கடிதம்

பெர்லின் சுவர் – பின் தொடரும் நிழலின் குரல் புத்தகம்

பின் தொடரும் நிழலின் குரல் -அருணகிரி

பின் தொடரும் நிழலின் குரல் : தருமம் மறுபடி வெல்லும்!:MSV.முத்து

பின் தொடரும் நிழலின் குரல் – சித்தார்த்

பின்தொடரும் நிழலின் குரல், காந்தி

 

பின்தொடரும்

பின்தொடரும் நிழலின் குரல் – தத்துவமும் தனிமையும்

பின்தொடரும் நிழலின்குரல்- வாசிப்பு

பின்தொடரும் நிழலின் குரல்களைப்பற்றி…

பின்தொடரும் நிழலின் வினாக்கள்

நிழலின் குரல்களைப்பற்றி…

பின் தொடரும் நிழலின் குரல் -கடிதம்

பின் தொடரும் நிழலின் அறம்

பெருந்துயர் நோக்கி – பின் தொடரும் நிழலின் குரல் குறித்து

பின் தொடரும் நிழலின் குரல்- கடிதம்

 

பின்தொடரும் நிழலின்குரலும் அறமும்

தொடர்புடைய பதிவுகள்

  • தொடர்புடைய பதிவுகள் இல்லை

Permanent link to this article: https://www.jeyamohan.in/113253