காஞ்சனையும் மகாமசானமும்

அன்புள்ள பெருந்தேவி,

மகாமசானம் கதை குறித்த கட்டுரை சிறப்பாக இருந்தது. எல்லா விமர்சனங்களும் வாசகர் என்னும் நிலையில் இருந்து தொடங்கி மேலே செல்லும்போதே அழுத்தம் கொள்கின்றன. ஏனென்றால் வாசகருக்காகவே அவை எழுதப்பட்டுள்ளன. காஞ்சனை கட்டுரையும் முக்கியமானதே. ஆனால் அதில் ஆய்வாளரின் தோரணை வந்துவிட்டது. அங்கே எழுத்தாளன் ஆய்படுபொருளாக ஆகிவிடுகிறானோ என்று தோன்றியது. காஞ்சனை கதை வெவ்வேறு கதைச்சட்டகங்களையும் கதைக்குள் ஒரு காட்சிச் சட்டகத்தையும் கொண்டுள்ளது என்ற வாசிப்பு புதிய கோணத்தைத் திறக்கிறது. ஆனால் இயல்பான வாசகரின் கோணம் கட்டுரைக்கு இருந்திருந்தால் மேலும் நன்றாக இருந்திருக்கும்

இத்தனை ஆண்டுகளுக்குப்பின்னரும் புதுமைப்பித்தன் மீண்டும் கண்டடையப்படுவது ஆச்சரியமானது. புனைவு எனும் மாயத்தில் மீண்டும் நம்பிக்கை கொள்ளச்செய்வது

ஜெ