«

»


Print this Post

பிரபஞ்சன் 55


  • prapanchan

    அன்பு நண்பர்களுக்கு வணக்கம்.

    எழுத்தாளர் பிரபஞ்சன் அவர்களை நீங்கள் அறிந்திருப்பீர்கள்!

    அவர் நமது தமிழ்ச் சமூகத்தின் மனசாட்சிகளுள் ஒருவர்.

    நேர்மறைச் சிந்தனையைத் தவிர வேறெதையும் ஒருபோதும் அவர் படைப்புகளில் நாம் காண இயலாது.

    மானுடத்தின் மீதான தகர்க்க இயலாத நம்பிக்கை கொண்ட மாமனிதர்.

    முறையாக தமிழ் கற்றறிந்தவர். சங்க இலக்கியம் முதல் நவீன இலக்கியம்வரை ஆழ்ந்த புலமை கொண்டவர்.

    அனந்தரங்கம் பிள்ளை டைரி போன்ற பல ஆராய்ச்சிப் புதினங்கள் மூலமாக தென்னிந்தியாவின் ஃப்ரெஞ்சு ஆதிக்கம், கலாச்சாரம் போன்றவற்றை வரலாற்று ஆவணங்களாக மாற்றியவர்.

    எல்லாவற்றுக்கும் மேலாக, புதிதாக எழுத வரும் எழுத்தாளர்கள் ஒரே ஒரு நல்ல கவிதை, ஒரே ஒரு நல்ல கதை எழுதினாலும் அவர்களை நல்ல எழுத்தாளர் என தாலாட்டி, சீராட்டி மகிழும் மகத்தான குணம் கொண்ட அரிதினும் அரிதான நல்லிதயம் கொண்டவர்.

    தமிழலக்கியத்தில் புதிதாக எழுத வரும் பெண் படைப்பாளிகளை இவர் போல வேறெவரும் வரவேற்று போற்றிய முன்னோடி எழுத்தாளர் வேறெவரும் இருந்ததில்லை. பெண்களுக்கு நவீன தமிழிலக்கியத்தில் சரியாசனம் உண்டென்பதில் அசைக்க முடியாத நம்பிக்கை கொண்டவர்.

    தமிழகத்தின் தனிப்பெரும் சொத்தாகிய எழுத்தாளர் பிரபஞ்சன் எழுதத் துவங்கி 55 ஆண்டுகள் நிறைவுற்றதையடுத்து “பிரபஞ்சன் 55′ எனும் விழாவினை எனது நண்பர்கள் சிலர் முன்னெடுக்கின்றனர்.

    அந்த மகத்தான மனிதனை போற்றி மகிழும் வகையில், அவருக்கு ஓரு சிறிய உதவியாக ரூபாய் பத்து லட்சம் நிதி அளிப்பதென்று முடிவு செய்து முயன்று வருகின்றனர்.

    நண்பர்களே!

    நீங்கள் தமிழ் இலக்கிய வாசகர்களாக இருக்கலாம்! இல்லாமலும் இருக்கலாம். எழுத்தாளர் பிரபஞ்சனை அறிந்திருக்கலாம்! அறியாமலும் இருக்கலாம். ஆனால், நிச்சயம், தமிழின் மீது பற்று உள்ளவர்களாகவே இருப்பீர்கள்.

    நமது தாய் மொழியாம் தமிழில் எழுதிய மகத்தான ஒரு எழுத்தாளனை போற்றும்விதமாக, உங்களால் இயன்ற நிதியினை அவருக்கு அளித்திட வேண்டுமாய் உங்களை அன்புடன் கேட்டுக் கொள்கிறேன்.

    தொகை எத்தனை சிறிதாக இருந்தாலும், நம் காலத்து நாயகனை நாமும் போற்றினோம் என்பதற்கு அடையாளமாக உங்கள் உதவி விளங்கும்.

    நேரடியாக அவர் வங்கிக் கணக்குக்கே உங்களது பங்களிப்பினைச் செய்யுமாறு கேட்டுக்கொள்கிறேன்.

    அன்புடன்,
    எஸ்கேபி. கருணா

    https://www.facebook.com/karuna975/posts/1276530309097059

தொடர்புடைய பதிவுகள்

  • தொடர்புடைய பதிவுகள் இல்லை

Permanent link to this article: http://www.jeyamohan.in/97915