«

»


Print this Post

பருவமழைப் பயணம்


இந்தமுறை பருவமழைப்பயணம் கொஞ்சம் பெரிய நண்பர் படையுடன் ஆரம்பிக்கிறது. பல நண்பர்களை தவிர்த்து கூட்டத்தை கட்டுக்குள் கொண்டுவருவது கடினமாக் இருந்தது. கொஞ்சம் போனால் ஜக்கி வாசுதேவ் போல ஆன்மீகப்பயணங்களை ஒருங்கிணைக்க ஆரம்பித்திவிடுவீர்கள் என்று ஒரு நண்பர் கிண்டல் செய்தார்.

ஜூலை பதினைந்து பதினாறும் ஒரு மலையாள இயக்குநருடன் சென்றது. சீனிவாசன் நடிக்க ஒரு மலையாளப்படம் பற்றி ஆலோசனை. மதுபால் என்ற அந்த இயக்குநர் மலையாளத்தின் ஆகச்சிறந்த படங்களில் ஒன்றாக கருதப்படும் ‘தலப்பாவு’ என்ற படத்தை இயக்கியவர். அவரே எழுத்தாளர், கவிஞர். ஆனால் படத்துக்கு இயக்குநரே எழுதக்கூடாது என்ற கேரள மரபை கடைப்பிடிப்பவர். தலைப்பாவுக்கு பாபு ஜனார்த்தனன் திரைக்கதை எழுதி நான்கு விருதுகள் பெற்றிருந்தார்

தென்குமரி பின்னணியில் நான் எழுதிய சில அனுபவக்கதைகளை கொண்டு திரைக்கதை அமைப்பதாக இப்போதைக்கு திட்டம். சீனிவானுடன் விரிவான விவாதம் முடிந்தபின்னரே கதை முடிவாகும். மலையாளத்தில் இடைநிலை, கலைப் படங்களுக்கு எழுதவேண்டுமென்பது என் கனவுகளில் ஒன்று. அதன் சவால்களே வேறு. வணிகச் சமரசங்கள் தேவை இல்லை.

அங்கிருந்து தேனிக்கு வந்தேன். தேனிக்கு ஈரோடு கிருஷ்ணனும் கார்த்தியும் விஜயராகவனும் வந்தார்கள். அரங்கசாமியும் செல்வேந்திரனும் திருப்பூர் சந்திரகுமாருடன் கோவையில் இருந்து வந்து, வரும் வழியில் கொடை ரோட்டில் ரயிலிறங்கும் சென்னை நண்பர்கள் ராஜகோபாலன், கெ.பி.வினோத் ஆகியோரைகூட்டிவருவார்கள். நான் தேனி விடுதியில் 17 அன்று அதிகாலை அவர்களைச் சந்தித்து கேரளக்காட்டுக்குள் செல்ல திட்டம்

வழக்கம்போல பீர்மேடு, பருந்தப்பாறை மழைப்பிராந்தியங்கள். மழை வலுவாக இருப்பதாகப் பேச்சு. இத்துடன் இம்முறை கெவி என்ற கேரள அடர்காட்டுக்குள் ஒரு பயணமும் திட்டமிடப்பட்டுள்ளது, செல்லுமளவுக்கு மழை கொஞ்சம் விட்டால். இல்லையேல் வெறும் புல்வெளிப்பயணம் மட்டுமே

தொடர்புடைய பதிவுகள்


Permanent link to this article: http://www.jeyamohan.in/7319

5 comments

1 ping

Skip to comment form

  1. ramji_yahoo

    பயணம் சிறக்க வாழ்த்துக்கள். (பயணம் குறித்த கட்டுரைகளை சுவை பட எழுதுவீர்கள் என்ற சுய நலத்துடன்)

  2. stellaselvam

    அன்புள்ள ஜெயமோகன்,
    இது இந்த பதிவுக்கான கமெண்ட் இல்லை.உங்களின் email id எனக்கு தெரியாது .அதனால் இங்கு எழுதுகிறேன்.முப்பது வருடங்களாக தமிழில் ஏறக்குறைய எல்லா எழுத்தாளர்களின் படைப்புகளையும் படித்து வருகிறேன்.ஏழாம் உலகம் படித்த போதே (அடுத்தடுத்து நான்கு முறை ஒரே மூச்சில் )உங்களுக்கு நீண்டதோர் கடிதம் எழுத வேண்டுமென்று நினைத்து தள்ளி போய் விட்டது ….இன்று கன்னியாகுமரி முதல் முறையாக படித்தேன்.இன்று மாலை படிக்க ஆரம்பித்து ஏக் தம்மில் படித்து முடித்து உடனே உங்களுக்கு எழுதுகிறேன், இவ்வாறு மனதை பாதிக்கும் படி எழுத எங்கு கற்று கொண்டீர்கள்? ஒரு புக் வாங்கினோமா,படித்தோமா,அடுத்த வேலையை பார்ப்போம் என்று முடியவில்லை.மனம் பரபரப்படைந்து ஒரு புள்ளியில் குவிய இயலாமல் அலைகிறது.ப்ரவீனா,ரவி,விமலா…..கொஞ்ச நாளைக்கு என்னுடன் தான்…..
    அந்த இறை உங்களை இன்னும் மென்மேலும் ஆசிர்வதித்து இன்னும் நிறைய நிறைய நீங்கள் எழுத வேண்டும்….
    நன்றிகள் பல
    ஸ்டெல்லா செல்வம்

  3. parthi6000

    ஜெ அண்ணா

    போய் வாருங்கள்
    வாழ்த்துக்கள்

    அன்புடன்
    அட்வகேட் பார்த்திபன்
    திருப்பூர்

  4. kumarbabu

    நீங்கள் பயணத்தை வெற்றிகரமாக முடித்துக்கொண்டு 23 ஆம் தேதி நாகர்கோயில் வந்து சேர்வீர்கள் என நம்புகிறேன். அன்று உங்களை சந்திக்க ஆவலுடன் எதிர்பார்த்துக் கொண்டிருக்கிறேன். அன்புடன் Dr குமாரபாபு (சென்னை)

  5. vasanthfriend

    அன்புள்ள ஜெ.சார்…

    கொட்டும் பெருமழைப் பயணத்தில் வெடவெடத்து நனைய வாழ்த்துக்கள்.

  1. பருவமழைப் பயணம் 2012 » எழுத்தாளர் ஜெயமோகன்

    […] சூழுலா பருவமழைப்பயணம் 2010 பருவமழைப்பயணம் அவலாஞ்சி […]

Comments have been disabled.