«

»


Print this Post

வளைகுடா அடிமைத்தனம்


அங்காடித்தெரு வெளியான பின்னர் எனக்கு வந்த மின்னஞ்சல்களில் கணிசமானவை வளைகுடா நாடுகளில் வேலைசெய்யும் தமிழர்களால் அனுப்பப்பட்டவை. ஒன்றைக்கூட வெளியிட அவர்கள் விரும்பவில்லை. பாதிரியைப்போல நின்று அவற்றை நான் கேட்கவேண்டும் என்று மட்டும் விரும்பினார்கள் என்று பட்டது. அங்காடித்தெரு காட்டும் சுரண்டல் உலகம் வளைகுடாவில் வேலைசெய்யும் அனுபவங்களுடன் ஒப்பிடுகையில் ஒன்றுமே இல்லை என்று மீண்டும் மீண்டும் சொல்லபப்ட்டிருந்தது.

கடுமையான தண்டனைகள், கீழ்த்தரமான பாலியல் சுரண்டல் [ ஓரினச்சேர்க்கையாளர்கள் அந்த அளவுக்கு மிகுந்த சமூகம் பிறிதில்லை என்று ஒருவர் எழுதியிருந்தார். அவர் சொன்னத அனுபவங்களே முதுகெலும்பை சில்லிட செய்பவை] ஊதியவெட்டுக்கள் இவற்றுடன் அவ்வப்போது வேலையில்லாமல் அரைப்பட்டினியாக கூரை இல்லாமல் கொடும்வெயிலில் அலைய நேரிடும் துயரங்கள் என அந்த அனுபவங்களைக் கேட்க ரத்தம் கொதித்தது. ஒரு இஸ்லாமிய வாசகரின் கடிதத்தை ஏதாவது இஸ்லாமிய இதழுக்கு அனுப்புங்கள் என்று பதில் எழுதினேன். அவர் மீண்டும் எழுதவில்லை.

இந்த விஷயத்தைப்பற்றி எவர் எழுதினாலும் அவரை இந்துத்துவர் என்று சொல்ல ஒரு பெரும் கும்பலே காத்திருக்கிறது. சீனாவிலோ வளைகுடாவிலோ நிகழும் வன்முறைகள், சுரண்டல்கள் எல்லாம் புனித வன்முறைகள் புனிதச் சுரண்டல்கள் என்று நம்புவதே முற்போக்கு. சராசரி அராபியனின் மனநிலையாக வெளியாகும் இனவெறியும் மதவெறியும் இன்றைய நவீன உலகின் ஆகப்பெரிய அபாயங்கள் என்று சொல்பவன் ஏகாதிபத்திய முத்திரையுடன் மிஞ்சிய வாழ்நாளை கழிக்க நேரும்

சீனா பற்றிய கட்டுரைக்கு எதிர்வினையாக ஒரு வாசகர் காலச்சுவடு இதழில் அதன் ஆசிரியர் எழுதிய இக்கட்டுரையை அனுப்பியிருந்தார். கண்ணன் கூர்மையாகவும் துணிச்சலாகவும் சொல்லியிருக்கிறார்.

http://www.kalachuvadu.com/issue-125/page47.asp

தொடர்புடைய பதிவுகள்


Permanent link to this article: http://www.jeyamohan.in/7268

7 comments

Skip to comment form

  1. Srini

    அரேபிய நாடுகளில் மட்டுமல்ல, தமிழர்கள் மட்டுமல்ல, எந்தவொரு வளமான ஆசிய நாட்டிலும், சற்று வளம் குன்றிய ஆசிய நாடுகளிலிருந்து கூலி வேலைக்குச் செல்லும் எவருக்கும், எம்மதத்தவராயினும் இது தான் நிலை. இது(அதாவது இந்த ஆதிக்க மனப்பான்மை) அனைத்து ஆசியருக்குமான(இந்தியர் உட்பட) மனநிலை. சிங்கப்பூரில் எனக்கு நேரடி அனுபவமே உண்டு.

    ஆனால் யார் எக்கேடு கெட்டால் எனக்கென்ன? எனது தொப்புள் கொடி உறவு, எனது இரத்தம் ஈழத்தமிழன்(மட்டும் – தப்பித் தவறிக்கூட தறி கெட்ட தமிழ்நாட்டுத் தமிழனைச் சேர்த்து விடாதீர்கள்) துயரின்றி வாழ்ந்தால் எனக்கு அது போதும்!!!!!

  2. kannan

    நீங்கள் சொல்வது சரியே. நமது முற்போக்காளர்கள் மற்றவர்களுக்கு முத்திரை குத்துவதில் விற்பனர்கள். ஒரு விஷயத்தை முற்போக்கானது என அவர்கள் முன்வைக்கும் அளவுகோல்களை, எதிர்தரப்பு மட்டும் பயன்படுத்தக்கூடாது என வாதிடுவர். முஸ்லிம்கள், தலித்கள், பெண்கள் இவர்களுக்கு எதிராக இழைக்கப்படும் அநீதிகளை களைவதற்கு மட்டுமே சட்டங்கள் தேவை என்பார்கள். உதாரணமாக, இன்றைய தேதியிலும் ” கள்ளக்காதலில்” ஈடுபடும் ஆண்களை மட்டுமே தண்டிக்க சட்டத்தில் இடம் உள்ளது. இதைப்பற்றி நமது மிடியாக்கள் என்றுமே பேசப்போவதில்லை.
    இப்பாரபட்சத்தைப் பற்றி ஒரு ஆண் பேசினால் நமது முற்போக்காளர்கள் அவனை “ஆணாதிக்கவாதி” அல்லது “பிற்போக்குவாதி” என்று முத்திரைகுத்தி அந்த விவாதம் முன்னெடுத்து செல்லப்படாமல் செய்திடுவர்.

  3. jasdiaz

    It is true. I have seen the way Indian passengers being treated at airline embarking areas of Emirates/Etihad airlines. We are treated like dirt by the arrogant Arab security and airlines personal. Now I have stopped travelling via gulf even if the tickets are cheaper compared to Europen airlines

  4. vks

    பலம் குறைந்தவர்கள் மீது பலமுள்ளவர்கள் அதிகம் செலுத்துவதன் ஒரு அடக்குமுறை வடிவம்தான் இது. அதுவும் அரபுநாடுகள் சொல்ல வேண்டியதில்லை. இலங்கையில் சிங்களவர் செய்வதும் இதுதான். வெள்ளையர்கள் கருப்பர்கள் மிது வைத்திருப்பதும் இதுதான். தலித்துகள் மீது உயர் சாதியினர் செய்வதும் இதுதான். ஈழ அகதிகளை இந்திய அரசு முகாம்களில் செய்வதும் இதே அடக்குமுறையின் ஒரு வடிவம்தான்.
    அரபு மக்கள் இன்னும் ஏனைய மக்களையோ பண்பாட்டையோ ஏற்கவில்லை. நமது வறுமை, நமது நாடுகளின் அரசுகளின் பொறுப்பின்மை
    அரபுக்களின் வன்முறைப் பண்பாடு என்பன போன்ற பல காரணங்கள் இந்தக் கொடுமைக்குப் பின்னால் உள்ளது.

    ரமலான் காலத்தில் மாற்று மதத்தினர் ஒரு சொட்டு நீர் கூட அருந்த அனுமதிக்காமல் கொடூர வெய்யிலில் வீதி அமைக்கும் வேலையில் ஈடுபட்டதை பார்த்து வேதனை அடைந்திருக்கின்றேன். அது அரபு மக்களின் சகோதரத்துவத்திற்கு ஒரு எடுத்துக்காட்டு.

    இன்ஷா அல்லா

  5. ramji_yahoo

    வளைகுடா நாட்டில் வெளி நாட்டு ஊழியர்களை சரியாக நடத்துவதில்லை என்பது உண்மை.
    ஆனால் வளைகுடா முதலாளிகள் இந்து இஸ்லாமியன் கிறித்துவன் புத்தன் என்ற பாகுபாடு பார்ப்பதில்லை எல்லா மத டோளிலார்களையும் ஒரே வகை கொடுமையே செய்கின்றனர்.

    மே தின விழாவிற்கு வசந்த பாலன் சென்றார், அவர் அனுபவம் பற்றி எழுத சொலுங்கள் அல்லது நீங்கள் எழுதுங்கள்.

    எத்தனை வெற்றி கொடி கட்டு வந்தாலும் நம் மக்களின் மோகம் தீராது.

  6. முஉசி

    மனித மன வளம் சுயமாய் தன் சுயஅடையாளங்களை உணர்வதில் உள்ளது. மனிதர்களின் சுய அடையாளம் தேவையில்லை பொருளாதார வளர்ச்சி ஒன்றே போதும் என்ற கொள்கையே நம்மை ஆள்கிறது. குறைந்த பட்சம் ‘மனிதர்களாக’ வாவது தங்களையும் பிறரையும் அடையாளப்படுத்தும் நிலை பெரும்பான்மையினரால் உணரப்படவேண்டும். எல்லா மதங்களும் தன்னையும் பிறனையும் மனிதனாக உணர்வதையே முன்னிருத்துகின்றன ஆனால் அதனை தற்கால ‘பொருளாதார’ மதம் முந்தய மதங்களை தனக்கேற்றவாறு வளைத்துகொள்கிறது. அதனால் தானே பெரும்பான்மை மனிதம் தன் அடையாளங்களை தொலைத்து அடிமையாகிறது, புதிய அடையாளங்களுக்காக அலைகிறது.

  7. nirmalcb

    அன்பு ஜெயமோகன் அவர்களுக்கு
    அங்காடித்தெரு பார்த்தேன் அருமையான படம், நன்றாக இயக்க பட்ட படம். நடமுறை சுரண்டல்களை அப்பட்டமாக பதிவு செய்திர்கிறார் வசந்த பாலன்.

    தூத்துக்குடி வட்டார தமிழ் மிக சரியாக பேசப்பட்ட படம் இது என்பது என் கணிப்பு. கனி தன் தங்கையை பார்க்கும்போது எ.. பூ என்று அழைக்கும் இடம் மிகவும் அருமை. வசந்த பாலன் தூத்துக்குடி மக்களை மிகவும் உன்னிப்பாக கவனித்திருக்கிறார், அணைத்து கதாபாதிரங்கலம் உரத்த குரலில், மிக வேகமாக pesa வைத்துள்ளார். உங்களின் வசனம் இந்த படதிற்கு ஒரு மிக பெரிய பலம்.

    எப்படி எங்க ஊர் தமிழ் இவளவு அழகாய் தமிழ் படத்தில்? கண்டிப்பாக கடின உழைப்பு இருந்திர்கவேண்டும்.

Comments have been disabled.