«

»


Print this Post

மனிதராகி வந்த பரம்பொருள்!!


நெடுங்காலமாகவே எனக்கு கடவுள் நம்பிக்கை இல்லை. அதற்குக் காரணம் நான் வளர்ந்த பின்னணி. என் அப்பா அம்மா இருவருக்குமே கடவுள் நம்பிக்கை இல்லை. அப்பா சாஸ்திரத்துக்காக ஏதாவது கோயில் சடங்கில் கலந்துகொள்வாரென்றாலும் அம்மா அதுகூட செய்வதில்லை. அம்மாவுக்கு இலக்கியம்தான் மதம்.

அந்தப்பின்னணியில் வளர்ந்ததனால் நான் சாமி கண்ணைக்குத்தும் என்ற நம்பிக்கை இல்லாமல்தான் வளர்ந்தேன். நண்பனின் மரணம் காரணமாக ஆழமான அதிர்ச்சி ஏற்பட்டபோது என்னால் வழக்கமான நாத்திக வாதங்களை வைத்து அதை விளக்க முடியவில்லை. வாழ்க்கையின் அர்த்தம், பிரபஞ்சம் என்ற பிரம்மாண்ட இயக்கத்தில் மனித இருப்பு கொள்ளும் இடம் இதெல்லாம் மரணம் மூலம் நமக்கு மண்டையில் அடித்தது போல தெரியவருகிறது அல்லவா? ஆனால் வழக்கமான பக்திக்கும் என்னால் செல்ல முடியவில்லை.

நான் நூல்களை வாசிக்க ஆரம்பித்தேன். கீதை வழியாக சித்பவானந்தரை அறிந்துகொண்டேன். விவேகானந்தர் அரவிந்தர் என எல்லாரையும் வாசித்தேன். அதன் பின்னர் ஊரைவிட்டு கிளம்பி சாமியாராக அலைந்தேன். ஏராளமான சாமியார்களை அறிமுகம் செய்துகொண்டிருக்கிறேன். நிறைய ஆசிரமங்களிலே தங்கி யோகசாதனைகள் எல்லாம் செய்திருக்கிறேன். எதிலுமே திருப்தி இல்லாமல் திரும்பி வந்தேன். வேலைக்குச் சேர்ந்து திருமணம் செய்தபின்னரும் அந்த தேடல் தொடர்ந்தது. நிறைய வாசித்துக்கொண்டிருந்தேன்.

இந்நிலையில்தான் நான் நித்ய சைதன்ய யதி என்ற எஸ்.ஜெயச்சந்திரப்பணிக்கரை சந்தித்தேன். அவர் ஒரு சாமியார். நான் அவரை குரு என்று ஏற்றுக்கொண்டு வேதாந்தம் கற்றுக்கொண்டேன். கீதை முதலிய நூல்களை அவரிடமிருந்து கற்றேன். என்னை ஒரு சுத்த அத்வைதியாக நினைத்துக்கொண்டு நிறைய நூல்களை வாசித்தேன். நிறைய கட்டுரைகளையும் எழுதினேன்.

இந்த இணையதளத்திலே நீங்கள் நான் வேதாந்த நோக்கிலே கீதை முதலிய நூல்களுக்கு எழுதிய உரைகளை வாசித்திருப்பீர்கள். அவற்றையெல்லாம் நான் ஒரு உன்மத்த நிலையில் எழுதிருக்கிறேன் என்பது இப்போதுதான் தெரிகிறது.
 
இந்நிலையில் விதி என் வாழ்க்கையில் அற்புதமான ஒரு விளையாட்டை நடத்தியது. நான் சிலநாட்களுக்கு முன்பு ஒரு தனிப்பட்ட விஷயமாக சங்கரன்கோயிலுக்குச் சென்றிருந்தேன். சங்கர நயினார் கோயிலைப் பார்க்கலாம் என்று சென்றேன். கூட்டம் இல்லை. வாசலில் செருப்பைக் கழற்றிப்போடலாம் என்று போனேன். அங்கே ஒரு சாமியார் திருவோட்டை நீட்டியபடி நின்றிருந்தார். நான் அவரிடம் ஒரு ரூபாய் காசை நீட்டினேன். அவர் சிரித்துக்கொண்டே ”ஜெயமோகன், ஒரு ரூபாய் மதிப்புதானா எனக்கு?” என்று கேட்டார்.

என்னடா இது நம்மை தெரிந்த சாமியாராக இருக்கிறாரே என்று நான் ஆச்சரியம் கொண்டு ”என்னை தெரியுமா?” என்று கேட்டேன். ”எனக்கு எல்லாரையுமே தெரியும்” என்றார். பீலா விடுகிறாரே என்று நினைத்து நான் அப்படியானால் ”அதோ போகும் அந்த சுடிதார் அணிந்த பெண்ணின் பெயர் என்ன?” என்று கேட்டேன். ”சுனிதா” என்றார். நான் உடனே ”சுனிதா” என்று கூப்பிட்டேன். அந்தப் பெண் திரும்பிப் பார்த்தாள். ”ஸாரி நான் வேறு யாரோ என்று நினைத்தேன்” என்று சொல்லி சமாதானம் செய்து விட்டேன்.

எனக்கு ஒருமாதிரி ஆகிவிட்டது. இவரை எப்படியாவது சோதனை செய்துவிடவேண்டும் என்று நினைத்தேன். ”நான் என்ன வேலை பார்க்கிறேன்?” என்றேன். ”பிஎஸ்என்எல்லிலே கிளார்க். இதுகூடவா தெரியாது?” என்றார். ஆச்சரியத்துடன் ”சரி, என்னுடைய ஆபீசர் பெயர் என்ன?” என்ரேன். அதையும் சரியாகச் சொல்லிவிட்டார். கடைசியாக ஒன்று கேட்க வேண்டும் என்று நினைத்து ”சரி நேற்று காலை பத்துமணிக்கு என்னை வந்து பார்த்தது யார்?” என்றேன். ”அருமனையைச் சேர்ந்த ஒரு பெண்மணி நீ எழுதிய நூல்களில் பிஎச்டி செய்ய வேண்டும் என்று வந்தாள்”

எனக்கு வேர்த்துவிட்டது. ”சரி அவள் பெயர்?” என்றேன்.  அதையும் சரியாகச் சொல்லிவிட்டார். எனக்கு மூத்திரமே முட்டிவிட்டது. ”கடைசியாக நீ இங்கே வரும்போது அந்த ஆயிரத்தில் ஒருவன் போஸ்டரைப்பார்த்தாய். எம்ஜிஆர் நடித்த  ஆயிரத்தில் ஒருவன் படம் சாண்டில்யனின் கடல்புறாவை நினைத்து எடுத்தது என்று நினைத்து சாண்டில்யனைப்பற்றி நினைத்துக்கொண்டே வந்தாய்”

நான் மூச்சுத்திணறி ”இதெல்லாம் எப்படி தெரிகிறது?” என்று கேட்டேன். ”எனக்கு எல்லாமே தெரியும். இந்த தெருவிலே போகும் எல்லாருடைய வாழ்க்கையும் தெரியும். இந்த நகரத்தில் உள்ள எல்லாரையும்  தெரியும். ஏன் உலகத்தில் உள்ள எல்லாருடைய வாழ்க்கையும் நினைப்புகளும் தெரியும். நான் மூக்காலமும் அறிந்தவன்” என்றார். என்னுடைய எல்லா நூல்களின் பெயரையும் சொல்லி ”வேண்டுமென்றால் முழு விஷ்ணுபுரத்தையும் மனப்பாடமாகச் சொல்கிறேன்” என்றார்.

இதெல்லாம் கொஞ்சம்கூட பொய் கிடையாது. கற்பனை கிடையாது. நான் பிரமித்து செயலிழந்து போய்விட்டேன். அப்படியே அவரது காலிலே விழுந்து விட்டேன். ”என்னை உங்கள் சீடனாக ஏற்றுக்கொள்ள வேண்டும்” என்றேன். ”சரி, அதற்காகத்தான் நான் உன்னை தடுத்தாட்கொண்டிருக்கிறேன். உள்ளே போய் சாமி கும்பிட்டுவிட்டு வா” என்றார். சொன்னால் நம்ப மாட்டீர்கள், உள்ளே அதே சாமியார் சுற்றி வந்து சாமி கும்பிடுவதைக் கண்டேன்!

சாமியாருடன் சென்றேன். அவரது பெயர் சுவாமி சிவானந்தலகரி மகராஜ். அருகே ஒரு வீட்டிலே அவர் தங்கியிருக்கிறார். அவர் சாப்பிடுவதே கிடையாது. பசிக்கும்போது கீழே கிடக்கும் ஒரு கூழாங்கல்லை எடுத்து வாயிலே போட்டு தின்கிறார். நான் அதை எப்படி தின்பது என்று கேட்டேன். அவர் எனக்கும் ஒரு கல்லை எடுத்து கொடுத்தார். அதை வாயிலிட்டு சாப்பிட்டேன். கற்கண்டு மாதிரி இருந்தது.

சுவாமி சிவானந்தலகரி மகராஜ் நடக்கும்போது ஒன்றைக் கவனித்தேன். அவரது நிழல் தரையிலே விழுவதில்லை. . என்னால் ஆச்சரியம் தாள முடியாமல் கேட்டுவிட்டேன். சிரித்துக்கொண்டு ”நீ அறிந்துகொள்ள இன்னும்  நிறைய இருக்கிறது” என்று சொன்னார். நாம் பிரமிக்கும் விஷயங்களாகவே செய்துகொன்டிருக்கிறார். அவரது முச்சுக்காற்றில் எப்போதுமே ஒரு சுகந்தம் இருக்கிறது. அவர் கண்களை இமைப்பதே இல்லை என்று கண்டபோது எனக்கு மூச்சே நின்றுவிட்டது.

அங்கே அமர்ந்ததும் அவர் எனக்கு ஞான தீட்சை கொடுத்தார். அதற்கு முன்னால் என்னுடைய தோளிலே அவர் கையை வைத்ததும் என் நெடுநாள் தோள்வலி பறந்து போய்விட்டது. என்னை அமரச் செய்து என்னுடைய நெற்றியிலே கையை வைத்தார். எனக்கு உலகமே சுழல்வது போல இருந்தது. நான் நட்சத்திரங்கள் நடுவே பறந்து செல்வதைப்போல உணர்ந்தேன். என்னுடைய ஏழு பிறப்பையும் நான் அப்போது புரிந்துகொண்டேன். அதையெல்லாம் வெளியே சொல்லக்கூடாது.

அதன்பின்னர் சுவாமி சிவானந்தலகரி மகராஜ் ”நீ ஊருக்கு போ” என்று சொன்னார். ”சுவாமியை எப்படி சந்திப்பது?” என்று நான் கேட்டேன்.”அது ஒன்றும் பெரிய விஷயமில்லை. நீ எங்கிருந்தாலும் அங்கே நான் வருவேன். அதற்கான வித்யாஞான சக்தி எனக்கு இருக்கிறது” என்று சொன்னார். நான் அவரை கும்பிட்டேன். அப்போது அவர் கண்மூடி நிஷ்டையில் ஆழ்ந்து விட்டார். அப்போது ஒரு நாகப்பாம்பு ஊர்ந்து அவ்ந்து அவரது மடியில் ஏறி படுத்துக்கொண்டது.
 
நான் கிளம்பி ஊர்வந்து சேர்ந்தேன். என்னுடைய மனைவி எனக்கு ஒரு மணிமாலையை தந்தாள். அந்த மாலையை ஒரு சாமியார் வந்து கொடுத்ததாகச் சொன்னாள். அந்தச் சாமியார் எப்படி இருப்பார் என்று அவள் சொன்னது அச்சு அசல் சுவாமி சிவானந்தலகரி மகராஜ் மாதியே இருந்தது. எனக்குப் புல்லரித்து விட்டது.

நான் அதன் பின் தினமும் மூன்று மணி நேரம் நிர்விகல்ப சமாதியில் உட்கார்ந்திருக்கிறேன். இப்போதுகூட சமாதியில் இருந்து எழுந்து டாய்லெட் போய்விட்டு வந்துதான் இதை எழுதுகிறேன். நான் இந்த இணைய தளத்தில் சாமியார்கள் அற்புதங்கள் எல்லாம் செய்ய முடியாது அது தப்பு என்று எழுதியிருந்தேன். அது நாத்திகக் கருத்து. அதை அறிந்தபின்னர்தான் சுவாமி என்னை ஆட்கொண்டிருக்கிறார்.  .

நான் இதுவரை எழுதிய ஆன்மீகக் கட்டுரைகள் கேள்விபதில்கள் விஷ்ணுபுரம் மாதிரியான நாவல்கள் எல்லாவற்றையும் கொளுத்தி விடுவதாக முடிவு கட்டியிருக்கிறேன். இணையத்தில் இருந்து அவற்றை அழிக்கப்போகிறேன். அவற்றை வாசித்தவர்களும் மறக்கும்படி கேட்டுக்கொள்கிறேன். அதற்கு முன்னால் நான் ஏற்கனவே குரு என்று நினைத்திருந்த நித்ய சைதன்ய யதி என்ற ஜெயச்சந்திரப் பணிக்கர் குரு ஒன்றும் இல்லை, சாதாரண ஈழவர்தான் என்பதை சொல்ல விரும்புகிறேன்.

நான் இதுவரை சொன்னதெல்லாம் தப்பு. இப்போது சொல்வதுதான் உண்மை. பிரம்மம் பிரபஞ்ச மனம் என்று ஏதும் இல்லை. ஏனென்றால் நான் பரம்பொருளை ரத்தமும் சதையுமாக நேரிலே கண்டு விட்டேன். தினமும் ஞானமார்க்கமாக அதனுடன் உரையாடிக்கொண்டிருக்கிறேன். சுவாமி சிவானந்தலகரி மகராஜ் தான் கண்கண்ட பரம்பொருள். ஓம் சிவானந்தலகரியே நமஹ!

தொடர்புடைய பதிவுகள்


Permanent link to this article: http://www.jeyamohan.in/6954

176 comments

1 ping

Skip to comment form

  1. osaravilai thangam

    ஓஹோ ! ஏப்ரல் ஒண்ணா ….
    எல்லா ஒண்ணுதான்…
    யதியும் லஹரியும்…

  2. Moorthy

    மிக்க நன்றி. உங்களுக்கும் அதே.(ஏப்ரல் ஒன்று )
    மூர்த்தி, லா ரோஸ்.

  3. jayaprakash

    முட்டாள்கள் தின வாழ்த்துக்கள் :-)

  4. sarvan

    அறபுதம் ஜெயமோகன்!

    முழுக் கட்டுரையையும் வாசித்து ஒரு சில நிமிட சிந்தனைகட்குப் பின்பு தான் ‘முட்டாள்’ என்பது புரிந்தது :)

  5. Nandhan

    ஜெமோ சார், என்ன இது எனக்கு ஒண்ணுமே புரியல .. :(

  6. siddharth

    :)))))))

  7. sgkrishnan

    Nice try! :D

  8. Nandhan

    புரிஞ்சிடுச்சு .. ஏப்ரல் 1 :). ஆனா இதுல உள்ள உள்-குத்து பிடிச்சிருக்கு ;)

  9. nnackeeran

    ஏப்ரல் 1?

  10. rjgpal

    ஹையோ! ஹையோ! இப்பதான் குரு மகாராஜ் என் கனவிலே வந்து என்னை தடுத்து, தள்ளி, மிதித்து, உருட்டி, புரட்டி ஆட்கொல்வேன் …சீ! ஆட்கொள்வேன் என்று தெருவாய்… சீ! திருவாய் மலர்ந்தார்! கனவிலே என் பேங்க் பாலன்சை கூட சரியாக சொல்லிவிட்டார். ஜெய் குரு மகாராஜ்! ஜெய் அஜக்கு! ஜெய் அமுக்கு!

  11. balakr

    குருவுக்கு ஏப்ரல் முதல் தேதி வணக்கங்கள்!
    -பாலா

  12. ramji_yahoo

    ஏப்ரல் பூல் ஆக்கலியே நீங்க எங்களை.

  13. நவீன்

    சூப்பர் ஜெ. விழுந்து விழுந்து சிரிச்சேன்.

  14. Theoropraxis

    ஆமாம் ஏப்ரல் முதலாம் திகதி தங்களுக்கு முக்தி நாள்!

  15. muthu prakash

    ஜெ…

    நீங்கள் எழுதியதை முதலில் நான் நம்பவேயில்லை ….பின் எதற்கும் இருக்கட்டுமேயென பதிவில் இருந்த புகைப்படத்தை கும்பிட்டு வைத்தேன்….என்ன ஆச்சர்யம்…எனது கம்ப்யூட்டர் மானிட்டர் இரண்டாக பிளந்து அதிலிருந்து சிவானந்த மகாராஜ் எனது அறையில் எழுந்த்தருளினார்… எழுந்த்தருளிய மறுகணமே அவர்முதலில் செய்தது ஷெல்பில் இருந்த உங்களது புத்தகங்களை தேடி தேடி கிழித்தெறிந்தது தான் …அதன் பின் களி வெறியுடன் தன்னந்தனியே அவர் ஆடத் தொடங்கிய ஷிவ நடனத்தின் நாத கணத்தில் தெருவே திரண்டு வந்து அவரிடம் ஆசி வாங்கியது …

    பத்து நிமிடங்கள் தான் …திடீரென மாயமாய் அவர் மறைவதற்கு முன்னால் என்னை அழைத்து காதில் நித்தியானந்த பீடத்தின் அடுத்த மடாதிபதியாக ஜெ அருள் பாலிக்க போகும் ரகசியத்தையும் சொல்லி சென்றார்

  16. ganesan

    அன்புள்ள ஜெயமோகன்,

    இனிய April 1 வாழ்த்துக்கள்.

    – கணேசன்

  17. saran

    அட ஏப்ரல் 1

  18. krishnan ravikumar

    Seems like a trap for this readers :) Will wait and watch.

  19. Muthu

    அட இப்படிக்கூடவா ? ஹ்ம்ம்ம் நடத்துங்க நடத்துங்க. அவனவன் ரூம்(பு) போட்டு யோசிப்பான், ஒங்களுக்குத்தான் அந்த கவலை இல்லியே !!!

  20. krishnan ravikumar

    ஓஓஓஓ ஏபரல் ஒன்று!! இனிய போலி சாமியார் பக்தர் குழாம் தின வாழ்த்துக்கள்.

  21. baski

    என்ன சார், ஏப்ரல் முதல் தேதிக்குத் தோதான கட்டுரையா இது?

  22. Sridhar Narayanan

    ஏப்ரல் ஒண்ணாம் தேதிக்காக காத்திருந்து போட்டிருக்கீங்கப் போல :)

    படிக்க தொடங்கியதுமே சிரிப்பு வந்துவிட்டது.

    //அப்போது ஒரு நாகப்பாம்பு ஊர்ந்து அவ்ந்து அவரது மடியில் ஏறி படுத்துக்கொண்டது//

    //இப்போதுகூட சமாதியில் இருந்து எழுந்து டாய்லெட் போய்விட்டு வந்துதான் இதை எழுதுகிறேன்//

    :))

  23. sammuvam

    என்னங்க ஜெயமோகன் சார்,

    ஏப்ரல் 1. நாங்கெல்லாம் தூங்கிட்டு இருக்கமான்னு பாக்கறீங்களா ? ஏமாத்த முடியாது சார்…

    சம்முவம்

  24. baski

    இது ‘மேற்படி’ எழுத்தாளர் விட்ட கதையைப் போல இருக்கிறதே (பி.எச்.டி. செய்யும் பெண்மணி, கூழாங்கல் கல்கண்டானது,டாய்லெட், தோள்வலி, etc. ) :)

  25. maanasaazen

    AF?

  26. muthukrishnan

    ஏப்ரல் ஒன்று ஏமாத்து வேலை என்று தெரிகிறது. ஆனால்…
    // சொன்னால் நம்ப மாட்டீர்கள், உள்ளே அதே சாமியார் சுற்றி வந்து சாமி கும்பிடுவதைக் கண்டேன்…//
    // அவர் கையை வைத்ததும் என் நெடுநாள் தோள்வலி பறந்து போய்விட்டது…//
    // நான் அதன் பின் தினமும் மூன்று மணி நேரம் நிர்விகல்ப சமாதியில் உட்கார்ந்திருக்கிறேன். இப்போதுகூட சமாதியில் இருந்து எழுந்து டாய்லெட் போய்விட்டு வந்துதான் இதை எழுதுகிறேன் ..//
    போன்ற வரிகளை சில நாட்களுக்கு முன்…வேறு எதோ ஒரு ‘நவீன எழுத்தாளரின்’ வலைதளத்தில் படித்தது போல ஞாபகம்.
    என் பிரமையாக கூட இருக்கலாம்….
    எல்லாம் சுவாமி சிவானந்தலகரி மகராஜின் மகிமை….

  27. Prakash.Thenkarai

    ஏப்ரல் பூல், ஏமாந்த பூல், சாணி மேல கால வச்சா பியுட்டிபுல். :)
    கீதைக்கு வெயிட்டிங்… சீக்கிரம் எண்டே பொண்ணு சேட்டா……..

  28. Raja

    நந்தனாரே:

    தேதியைக் கவனியும். (பிற தளங்களில் இதைப் போன்ற கட்டுரைகள் எல்லா நாள்களிலும் கிடைக்கும். இங்கே இன்று மட்டுமே கிடைக்கும்.

    அனுபவியுங்கள்.

  29. kanpal

    அன்புள்ள ஜெ.மோ:

    எங்களை வச்சு காமெடி கீமெடி பண்ணலியே! இல்லை, காமெடிதான்: ஏப்ரல் முதல் நாள் முட்டாள்கள் தினம் :)

    பழ.கந்தசாமி

  30. jaiganesh

    பகடி பண்ணுறீயளோ ஜெமோ சார்?
    ஆமென்னால் சிரிச்சு வைக்கிறேன்.
    இல்லையென்றால் உமக்கு சில பல லக்‌ஷம் ரூபாயாவது
    இதன் மூலம் கிடைக்கக்கடவது.

  31. Thiru

    Ethu enna April fool a ??!!

  32. Sekar

    ஜெயமோகன்,
    ஏப்ரல் 1 ஆம் தேதியை ஞாபகப்படுதினதுக்கு நன்றி… அனாலும் வழக்கம் போல நகைச்சுவையை ரசித்தேன்.
    அன்புடன்,
    சேகர்

  33. அதுசரி

    //
    . இப்போதுகூட சமாதியில் இருந்து எழுந்து டாய்லெட் போய்விட்டு வந்துதான் இதை எழுதுகிறேன். நான் இந்த இணைய தளத்தில் சாமியார்கள் அற்புதங்கள் எல்லாம் செய்ய முடியாது அது தப்பு என்று எழுதியிருந்தேன். அது நாத்திகக் கருத்து. அதை அறிந்தபின்னர்தான் சுவாமி என்னை ஆட்கொண்டிருக்கிறார். .

    நான் இதுவரை எழுதிய ஆன்மீகக் கட்டுரைகள் கேள்விபதில்கள் விஷ்ணுபுரம் மாதிரியான நாவல்கள் எல்லாவற்றையும் கொளுத்தி விடுவதாக முடிவு கட்டியிருக்கிறேன். இணையத்தில் இருந்து அவற்றை அழிக்கப்போகிறேன். அவற்றை வாசித்தவர்களும் மறக்கும்படி கேட்டுக்கொள்கிறேன்.
    //

    புரிகிறது என்று சொல்லிக் கொள்ள மட்டும் நான் விரும்புகிறேன் :))

  34. srinarayanan

    அட்றா அட்றா அட்றா சக்க ;) ….

  35. Meenakshi Sundaram

    April 1, 2010 – 12:00 am :)

    //இப்போதுகூட சமாதியில் இருந்து எழுந்து டாய்லெட் போய்விட்டு வந்துதான் இதை எழுதுகிறேன்//

    மிகவும் ரசித்தேன் :)

  36. Johan

    *ருவை வாருவது போல் உள்ளதே!

  37. அ.சிவபாதசுந்தரம்

    என்ன நந்தன் நீங்களும் ஏமாந்து விட்டீர்களே!- நானுந்தான் ஒரு கணம் துணுக்குற்றேன். சங்கரன் கோவிலுக்கு எப்படியாவது சென்று (அது எங்கிருக்கிறது எப்படிசெல்வது எனக்குத் தெரியாது) அந்தச் சாமியாரைத் தரிசிக்கும் வாய்ப்பைப் பெற்றிட வேண்டும் எனற யோசனயும் ஒரு கணம் எழுந்தது. பின்புதான் திகதி ஏதேச்சையாக கண்ணில் பட்டது. April 1. இது ஜெயமோகனின் April Fool Joke என்பது உறைத்தது

  38. down under

    Dear JM,
    நகைச்சுவை அல்லது sarcasm என்று ஒரு “tag” போடுவது எவ்வளவு அவசியமாகிறது பார்த்தீர்களா !

  39. surki

    ஏப்ரல் 1 :)

  40. manitmc

    April Fool!!!!

  41. Diwakar Nagarajan

    ஏப்ரல் 1 , உங்களது ஏமாற்று வேலை எவ்வளவுபெரிடம் செல்லும் என்பது எனக்கு தெரியவில்லை. முதலில் ஒரு பகடியாக நினைத்துத்தான் படித்தேன் பின்பு அந்த தலைப்பின் கீழ் உள்ள தேதி சொல்லிவிட்டது. :)

    -திவாகர்

  42. swamytk

    இதை விட அழகாக, சாந்தமாக, ஆர்ப்பாட்டமில்லாமல் பகடி எழுத முடியுமா? Super!

  43. dhivmohan

    ஏப்ரல் பூல்

  44. Rajesh Kannan

    ஏப்ரல் fool

  45. Venkatesh

    அன்புள்ள ஜெமோ,

    சிவானந்தலகரி ஒரு மனிதரா? – இல்லை
    சிவானந்தலகரி ஒரு துறவியா? – இல்லை
    சிவானந்தலகரி ஒரு மெய்ஞானியா? – இல்லை
    சிவானந்தலகரி ஒரு அற்புதரா? – இல்லை, பிறகு
    சிவானந்தலகரி ஒரு கடவுள். :)

    நன்றி.

  46. vzraam

    “நகைச்சுவை” tag போட மறந்திடீங்க போலிருக்கு. சிக்கிரம் போடுங்க இல்லன்னா ஒரு கூட்டம் கிளம்பி சங்கரன் கோவில் போயிரபோவுது ..நாகர்கோவில் ராம்

  47. uthamanarayanan

    ஏப்ரல் 1

  48. anbalagan murthy

    அன்புள்ள ஜெமோ சார்
    முட்டாள்கள் தினத்திற்கான கட்டுரை என நினைகிறேன்

  49. சார்லஸ்

    ஏப்ரல் ஃபூல் ஆக்கப்பார்க்கிறீர்கள்.

  50. bala.texas

    “உன்மத்த நிலையில் ” இது சொல்லிருச்சே :)

  51. sureshkannan

    அன்புள்ள *ரு, ச்சே… சார்,

    உங்கள் நூல் எதையும் இதுவரை நான் படித்ததில்லை. ஆனால் புத்தக கண்காட்சியில் உங்களைப் பார்த்தவுடனேயே நீங்கள் ஒரு அற்புத எழுத்தாளர் என்பதை உணர்ந்து கொண்டேன். உங்களை நெருங்கி கைகுலுக்க வேண்டும் போலிருந்தது. ஆனால் நீங்கள் என்னிடம் பேசுவீர்களா என்று தயக்கமாக இருந்தது. என்றாலும் தைரியத்தை வரவழைத்துக் கொண்டு நெருங்கினேன். நீங்கள் புன்னகையுடன் என்னுடன் கைகுலுக்கினீர்கள். அந்தக் கணத்தின் பரவசத்தை என்னால் வார்த்தைகளில் வர்ணிக்கவே முடியாது சார். உங்கள் கைகளின் அதிர்வை இப்போதும் கூட என்னில் உணர்கிறேன். நீங்கள் எழுத்தாளரே இல்லை. கடவுள். என்னை உங்களுக்குத் தெரியும் என்கிற விஷயமே நான் ஜென்மம் எடுத்த பயனையளித்து விட்டது. சார் அப்புறம் ஒரு முக்கிய சந்தேகம்.. வோட்காவில் தக்காளியைப் பிழிந்து அருந்துவது நல்லதா அல்லது எலுமிச்சையா? :)

  52. gomathi sankar

    உங்கள் பேரை கூகிள் செய்தால் இணையத்தில் கிடைப்பதில் 90 சதம் வசைகள் இத்தனை எதிரிகள் கிடைக்க எவ்வளவு உழைத்திருக்க வேண்டும் என நினைத்துக் கொள்வேன் இந்த கட்டுரையைப் படிக்கும்போது ஓரளவு யூகிக்க முடிகிறது

  53. chandra

    எனக்கு புர்யுது ஹ ஹ !!!!!!!!!!1

  54. swami

    அய்யோ, நம்பியே நம்பி விட்டேன்! எங்களை போன்ற எளிய பக்தர்களை இப்படி சோதிக்கலாமா?

  55. haranprasanna

    நேற்று அந்தச் சாமியார் என் கனவில் வந்தார். நீங்கள் என்ன என்ன எழுதுவீர்கள் என்று அப்படியே என்னிடம் வரி மாறாமல் சொன்னார். அதையே நீங்கள் எழுதியிருக்கிறீர்கள். இது அவர் எழுதியதா நீங்கள் எழுதியதா என்கிற ஐயம் ஏற்பட்டுவிட்டது எனக்கு.

  56. msrinivas.

    எனக்கும் காண வேண்டும் என்ற ஆவல் உள்ளது.. சிறு பிள்ளைத்தனமாய் இருக்கிறதா?

  57. ngsivakumar

    **********

    முட்டாள்கள் தினத்தில் இக்கட்டுரை படிக்கும் அனைவரையும்
    முட்டாளாக்கும் என்பதில் எள்ளளவும் சந்தேகமில்லை.

  58. tsravi1991

    ஏப்ரல் முட்டாள்!!

  59. Prakash

    தல, இது கதையா இல்லை நகைச்சுவையா இல்லை உண்மையா ?

  60. Arangasamy.K.V

    கடவுளை எங்களுக்கும் காட்டித்தருவீர்கள் என நம்புகிறோம் .

  61. Joseph Mani

    தெய்வமே,

    நம் ஆன்மீகத்தில் வெறும் நாகப்பாம்புதானா? ட்ராகன், அக்டோபஸ், சுறா போன்ற ஜந்துகள் முதுகிற்கு பின் இருந்தால் ஆன்மீகத்தில் இன்னும் அதிக எழுச்சி பெறலாமே?

    இது போன்ற பல கட்டுரைகளை எழுதி பல அன்பர்களை இரசிகர்களாக பெற்று மீளாப் புகழடைய வாழ்த்துக்கள். :)

  62. sitrodai

    அன்புள்ள ஜெமோ,

    உங்கள் பழைய நூல்களையும் கட்டுரைகளையும் தயவு செய்து அழிக்க வேண்டாம். அது வழியாக தானே தங்கள் இந்த நிலைக்கு ஏறி வந்தீர்கள்? அதுவும் இருக்கட்டுமே.

  63. snramesh

    மரத்தை மறைத்தது மாமத யானை – தங்கள் ஊனக்கண் இப்போதாவது திறந்ததா?
    சுவாமி சிவானந்தலகரி மகராஜின் சீடன் என்ற முறையில் அவரின் பெருமைகளை பேசத் தடை போட்டாலும் சிலவற்றை முன் வைக்கிறேன்.

    தங்கள் முற்பிற்வி பலனே சுவாமி தங்களுக்கு தரிசனம் தந்தது. எங்கள் ஆசிரமத்தில் பல செல்வந்தர்கள் பல நாட்கள் காத்திருந்தும் கிடைக்காத தரிசனம் உங்களுக்கு கிட்டியது நீங்கள் செய்த புண்ணியம்.
    பலர் அறிந்த சில நடிகர்களின் பலான நோய்களை சுவாமி கற்கண்டு தந்து குணப்படுத்தியதை தாங்கள் எங்கள் புனே ஆஷ்ரமம் வரும் பொழுது நேரில் அறிந்து கொள்வீர்கள்.
    பிள்ளை வரம் வேண்டி வந்தாலும், வேண்டாம் என்றாலும் பிள்ளை வரம் தந்து விடுவார், இதுவும் சுவாமியின் திருவிளையாடல்களில் ஒன்று.
    ஜெய் சிவானந்தலகரி சம்போ.

  64. stride

    என்ன சீண்ட சீண்ட சும்மா இருக்கிறீர்கள் என்று நினைத்துக்கொண்டிருந்தேன். சரியான அப்பர் கட்..

    9.. 8.. 7.. 6.. 5.. 4.. 3.. 2.. 1..

    அவுட்டு!

    என்ன தான் இருந்தாலும் கடவுளை விட பரம்பொருள் மேல் தான் இல்லையா..

  65. bala

    ஏப்ரல்-1

  66. Rajendran

    இன்று என் வாழ்விலும் ஓர் அற்புதம் நடந்தது. தங்களின் இந்த பதிவை படித்து விட்டு அலுவலகம் முடிந்து வீட்டுக்கு செல்ல காரில் ஏறினேன். உள்ளே பார்த்தால் பக்கத்துக்கு இருக்கையில் சுவாமி சிவானந்தலகரி மகராஜ் அமர்ந்திருக்கிறார். அதிர்ந்து போய் “சாமீ” என்றேன். அவர் புன்னகையுடன் “ஜெயமோகன் எழுதியதை படித்தும் நீ நம்பவில்லை இல்லையா? அதனால் தான் நிரூபிக்க நானே வந்தேன்” என்றார். எனக்கு கையும் ஓடவில்லை; காலும் ஓடவில்லை. பேசாமல் காரைக் கிளப்பி வீட்டை நோக்கி ஓட்டிக்கொண்டு சென்றேன். பாதி வழியில் ஒரே டிராபிக் ஜாம். சாமியை பார்த்து “சாமி சிறிது நேரத்தில் சரியாகி விடும். சற்று பொறுங்கள்” என்றேன். சாமியோ என்னைப் பார்த்து ஒரு மர்மப் புன்னகை பூத்தார். அடுத்த நிமிடம் பார்த்தல் என் கார் டிராபிக் ஜாம் இருந்த இடத்தையெல்லாம் தாண்டி வெகு தூரத்தில் சென்று கொண்டிருந்தது. ஒன்றும் புரியாமல் பிரமித்து போய் தொடர்ந்து ஓட்டிக்கொண்டு வீடு சென்று சேர்ந்தேன்.

    வீட்டில் பார்த்தால் என் மனைவி பூஜை பொருட்களுடன் தயாராக “எங்கே சாமீ வந்து விட்டாரா?” என்று கேட்டாள். “சாமி வருவது உனக்கு எப்படி தெரியும்?” என்றேன். அவளோ “நீங்கள் தான் போன் செய்து சொன்னீர்களே” என்றாள். எனக்கு பதற்றத்தில் ஒன்றும் புரியவில்லை. வெளிக்கு போக வேண்டும் போல் இருந்தது. உடனே toilet சென்று முடித்து விட்டு வெளியே வந்து பார்த்தால் எல்லாவற்றையும் விட பெரிய ஆச்சர்யம். என் மனைவி பத்து ஆண்டுகளுக்கு முன்னால் இருந்தது போல் ஒல்லியாகவும் இளமையாகவும் இருந்தாள். “அய்யோ எப்படி இது?” என்றேன். மனைவி நிதானமாக “நான் பூஜையில் கண்ணை மூடி அமர்ந்திருந்தேன். சாமி என் தலையில் கை வைத்தார். உன் கணவனின் ஆசை ஒன்றை நிறைவேற்றப்போகிறேன். அவன் நினைத்த படியே உன்னை மாற்றப்போகிறேன் என்று சொன்னார். அடுத்த நொடி பார்த்தால் நான் இப்படி ஆகி விட்டேன்” என்றாள். நான் அதிசயித்து போய் “பிறகு என்ன நடந்தது” என்றேன். அவள் சொன்னாள் “நான் சாமியிடம் கேட்டேன். சாமி இதே போல் என் கணவனையும் நீங்கள் மாற்ற முடியுமா என்று. அதற்கு அவர் உன் கணவனிடம் என்ன மாற்றம் வேண்டும்? தயங்காமல் கேள் என்றார். நான் சற்று யோசித்து விட்டு அவர் தொப்பியையும் வழுக்கையையும் மாற்ற முடியுமா சாமி என்றேன். அதற்கு சாமி என்னை பார்த்து முறைத்து நீ மனதில் ஒன்று வைத்து கொண்டு வெளியே வேறு ஒன்று கேட்கிறாய். உன் வேண்டுதலை நிறைவேற்ற மாட்டேன் போ என்று கூறி மறைந்து விட்டார்” என்று சோகமாக கூறினாள். நான் “சரி கவலை படாதே. இன்று முதல் ஜெயமோகனின் வலைத்தளத்தை தவறாது படி. எப்படியும் சாமி மீண்டும் வருவார்” என்று ஆறுதல் கூறி இருக்கிறேன்.

  67. kaviraj

    ஏப்ரல் 1, காலை எழுந்தவுடன் இப்படி, இந்த நாள் இனிய நாள் :)

  68. lord_labakudoss

    கொஞ்சம் ‘out of character’ ஆக உள்ளதே என நினைத்தேன்… தேதி பார்த்தேன் – புரிந்தது!

  69. Prakash

    ஹஹஹா ஏப்ரில் ஒன்று :)

  70. renuga

    ஜெமோ குஜால் பண்ணுகிறார். இன்று முட்டாள்கள் தினம் என்பதை மறந்து விட வேண்டாம்.

  71. Shobana

    Dear Jeyamohan,

    இது ஒரு நல்ல April Fool’s Day joke!. Happy April 1st. You are such a fun just like little Ajithan!

    Warm regards
    Thanvi

  72. motleyfool

    தலைவா , சூப்பர் கதை. ஏப்ரல் ஒன்று.

  73. vzraam

    பதிவுலகத்துக்கு வந்தாலே இந்த “நோய்” வந்திரும் போல, – “முட்டாள் ஆகாத ” ..நாகர்கோவில் ராம்

  74. kanpal

    அன்புள்ள ஜெமோ,

    தங்கள் விளக்கத்துக்காக ஆவலோடு காத்திருக்கிறேன். (முன்பு நான் எழுதிய பின்னூட்டத்தை அனுப்பியபின்தான் அப்படிச் செய்யக்கூடாது என்று உணர்ந்து அதைத் திருப்பிப்பெற முயற்சித்தேன். மன்னிக்கவும்).

    நன்றி,
    பழ.கந்தசாமி

  75. karthivsubu

    சார்,
    இது ஏப்ரல் 1 ஸ்பெஷல் தானே

    அன்புடன்,
    கார்த்தி

  76. rajesayyavoo

    அடடா ஏப்ரல் 1 இல்ல

  77. Ambai

    Very nice April fool story!! Enjoyed it so very much. Wish you the same to you too, Mr. Jeyamohan!!

  78. ramji_yahoo

    நான் இதுவரை எழுதிய ஆன்மீகக் கட்டுரைகள் கேள்விபதில்கள் விஷ்ணுபுரம் மாதிரியான நாவல்கள் எல்லாவற்றையும் கொளுத்தி விடுவதாக முடிவு கட்டியிருக்கிறேன். இணையத்தில் இருந்து அவற்றை அழிக்கப்போகிறேன். அவற்றை வாசித்தவர்களும் மறக்கும்படி கேட்டுக்கொள்கிறேன். அதற்கு முன்னால் நான் ஏற்கனவே குரு என்று நினைத்திருந்த நித்ய சைதன்ய யதி என்ற ஜெயச்சந்திரப் பணிக்கர் குரு ஒன்றும் இல்லை, சாதாரண ஈழவர்தான் என்பதை சொல்ல விரும்புகிறேன்.
    நான் இதுவரை சொன்னதெல்லாம் தப்பு. இப்போது சொல்வதுதான் உண்மை. பிரம்மம் பிரபஞ்ச மனம் என்று ஏதும் இல்லை. ஏனென்றால் நான் பரம்பொருளை ரத்தமும் சதையுமாக நேரிலே கண்டு விட்டேன். தினமும் ஞானமார்க்கமாக அதனுடன் உரையாடிக்கொண்டிருக்கிறேன். சுவாமி சிவானந்தலகரி மகராஜ் தான் கண்கண்ட பரம்பொருள். ஓம் சிவானந்தலகரியே நமஹ!
    கட்டுரையை மின்னஞ்சல் செய்ய(Email This Post)
    1. 7 Responses to “மனிதராகி வந்த பரம்பொருள்!!”
    2. ஜெமோ சார், என்ன இது எனக்கு ஒண்ணுமே புரியல ..
    By Nandhan on Apr 1, 2010
    3. Your comment is awaiting moderation.
    ஏப்ரல் பூல் ஆக்கலியே நீங்க எங்களை.
    By ramji_yahoo on Apr 1, 2010
    4. அன்புள்ள ஜெமோ,
    சிவானந்தலகரி ஒரு மனிதரா? – இல்லை
    சிவானந்தலகரி ஒரு துறவியா? – இல்லை
    சிவானந்தலகரி ஒரு மெய்ஞானியா? – இல்லை
    சிவானந்தலகரி ஒரு அற்புதரா? – இல்லை, பிறகு
    சிவானந்தலகரி ஒரு கடவுள்.
    நன்றி.
    By Venkatesh on Apr 1, 2010
    5. உங்கள் பேரை கூகிள் செய்தால் இணையத்தில் கிடைப்பதில் 90 சதம் வசைகள் இத்தனை எதிரிகள் கிடைக்க எவ்வளவு உழைத்திருக்க வேண்டும் என நினைத்துக் கொள்வேன் இந்த கட்டுரையைப் படிக்கும்போது ஓரளவு யூகிக்க முடிகிறது
    By gomathi sankar on Apr 1, 2010
    6. எனக்கும் காண வேண்டும் என்ற ஆவல் உள்ளது.. சிறு பிள்ளைத்தனமாய் இருக்கிறதா?
    By msrinivas. on Apr 1, 2010
    7. தல, இது கதையா இல்லை நகைச்சுவையா இல்லை உண்மையா ?
    By Prakash on Apr 1, 2010
    8. கடவுளை எங்களுக்கும் காட்டித்தருவீர்கள் என நம்புகிறோம் .
    By Arangasamy.K.V on Apr 1, 2010
    9. அன்புள்ள ஜெமோ,
    உங்கள் பழைய நூல்களையும் கட்டுரைகளையும் தயவு செய்து அழிக்க வேண்டாம். அது வழியாக தானே தங்கள் இந்த நிலைக்கு ஏறி வந்தீர்கள்? அதுவும் இருக்கட்டுமே.
    By sitrodai on Apr 1, 2010
    Post a Comment
    Enable Google Transliteration.(To type in English, press Ctrl+g)
    You are logged in as ramji_yahoo. To logout, click here.

  79. Arangasamy.K.V

    கோவையிலிருந்து நான்கு நண்பர்கள் இன்று சங்கரன் கோவில் கிளம்புகிறோம் , கடவுள் எங்களையும் அனுகிரகிப்பார் என்ற நம்பிக்கையோடு ,

    மரபின் மைந்தன் முத்தையா ஏசி வேன் ஏற்பாடு செய்வதாக சொல்லியிருக்கிறார் .

  80. Pandian

    காலையில் என் மகள், உங்க பின்னால நாயி நிக்கிதுன்னு சொல்லி என்னை முட்டாள் ஆக்கினாள்.
    இப்ப நீங்க.

  81. tdvel

    வர வர உங்கள் எழுத்துக்கள் தரும் தாக்காத்தைவிட அதற்குவரும் பின்னூட்டங்கள் மிகுந்த தாக்கத்தை அளிக்கின்றன. :-) சரி எப்போது எங்கே ஆசிரமம் ஆரம்பிக்கப்போகிறார் எனச்சொல்லுங்கள்.
    எனக்கு இந்த சிறிய வகை கேமிராக்கள் (எவ்வளவு சிறியதோ அவ்வளவு நல்லது) மிகக்குறைந்த வெளிச்சத்திலும் எடுக்கக்கூடியது, எங்கு கிடைக்கும் என்று கூறமுடியுமா. தெரிவித்தால் தங்களுக்கு மிகவும் நன்றிக்கடன்பட்டிருப்பேன்.

  82. Balaji RajaSekar

    ஜெயமோகன் சார் , ஏப்ரல் பூல் பண்ணறீங்களா??? நான் நம்ப மாட்டேன்

  83. Marabin Maindan

    ஒரு கடவுளைப் பார்க்க இன்னொரு கடவுள் ஏஸி வேன் ஏற்பாடு செய்வது சாத்தியமா என்ன? என் பக்தன் ஜெயமோகனை ஆட்கொள்ள (கொல்ல அல்ல) என் பிரதம சிஷ்யரை அனுப்பியதே நான்தான்.நேரடியாய் ஆட்கொண்டால் என்னை கன்னா பின்னா என்று திட்டி கட்டுரை விரைவில் எழுதுவார் என்பதால் இந்த ஏற்பாடு

  84. motleyfool

    வேன் இல்லைனாகூட பரவாயில்ல, கண்டிப்பா a.c வேணும்.

  85. Ponraj

    நண்பர்களே, இன்று ஏப்ரல் 1 நினைவில் கொள்க.
    பொன்ராஜ் M

  86. saravanakumar

    எல்லோருக்கும் இருக்கும் பைத்தியகார கற்பனை .இது தெளிந்தால் சரியான குருவை தெரிய முடியும் . விளக்கம் அளித்து சங்கரன்கோவில் பஸ் கூட நெரிசலை தவிர்க்கவும்

  87. Bharati Mani

    இன்றைக்கு என்ன தேதி?

    அரங்கசாமி, முத்தையாவிடம் ஏசி வேனை பெங்களூருக்கு திருப்பச்சொல்லுங்கள். கடவுள் சிலநாட்களாக என்னுடன் பெங்களூரில் தங்கியிருக்கிறார்.

    பாரதி மணி

  88. p_aravindan

    அன்பின் ஜெ,

    இது ஏப்ரல் முதல் நாள் சிறப்பு பதிவு!! :) முதலில் கண்டு பிடித்தது நான் தான்…

    அரவிந்தன்
    சிங்கை

  89. sivachalapathi

    அன்பு ஜெமோ ,
    படிக்கும் போதே புரிந்துவிட்டது ரொம்ப நாள் ஆச்சு ஏப்ரல் முட்டாள் விளையாட்டு ஆடி. இதற்கும் எவ்வளவு பேர் நம்பி மெயில் அனுப்புறாங்கன்னு பாருங்க. நாளைய பொழுது நல்ல செய்தியுடன் விடியட்டும்
    அன்புடன்
    சிவாச்சலபதி

  90. viththakan

    லேசா சிரிப்பு வருது ஜெயமோகன் சார்! நீங்க கண் சிமிட்டினா இன்னும் தைரியமா சிரிக்கத் தயார்.

  91. Moderator

    மன்னிக்கவும் , சில கமண்ட்டுகள் வெளியிடப்பட இயலவில்லை , புரிதலுக்கு நன்றி.

  92. vasanthfriend

    இன்று… ஏப்ரல் ஒன்று..!!!

  93. pichaikaaran

    சாமியார் , வேறு இடத்தில இருக்கும் போது, உஙகளுக்கு காரில் காட்சி கொடுத்து இருப்பாரே?

  94. rajesh kumar

    ஹா ஹா ஹா .. தலைவரே .. எனக்கு எங்கேயோ படித்த ஞாபகம் வருதே .. ஓ .. இது உங்க ஆத்ம நண்பரோட ,தற்போது முகம் மாறிவிட்ட இணைய தளத்தில் படித்த ஞாபகம்..என்ன பண்றது ? வைரஸ்தான் எல்லாத்தையும் தின்னுடிச்சே…. பகடி மிக அருமை… குறிப்பாக அந்த நிர் விகல்ப சமாதி எனக்கு “நித்ய தியானத்தை ” ஞாபகப் படுத்தியது.. ஆனால் வாசகர்கள் குழப்பம் அடைந்ததுபோல் தெரிகிறது.. இதையும் படிச்சிட்டா அவரு என்னென்ன எழுதுவாரோ? ஹைய்யா… ஜாலி.. ஜாலி..

  95. jeevartist

    முட்டாள்கள் தினம் இன்று!!!!!

  96. pichaikaaran

    சில நீல பட நடிகைகளை , அங்கே பார்த்து இருப்பீர்கள், அனால் அதை இப்போது சொல்ல மாட்டிர்கள்..பின்பு சொல்வீர்கள் ..

    நிர்வாக ஊழலும் பிறகு சொல்வீர்கள் …

    சரியா?

  97. tamilsabari

    //நான் அதன் பின் தினமும் மூன்று மணி நேரம் நிர்விகல்ப சமாதியில் உட்கார்ந்திருக்கிறேன். இப்போதுகூட சமாதியில் இருந்து எழுந்து டாய்லெட் போய்விட்டு வந்துதான் இதை எழுதுகிறேன்.//

    அது சரி :)

  98. சங்கரன்

    இன்று ஏப்ரல் 1 அல்லவா… :) :)

  99. sivasankaran

    ஏப்ரல் 1

  100. msrinivas.

    ஜெ , நம்பகத்தன்மை வாய்ந்த உங்களின் சொற்களின் மூலம் கேட்கும் பொழுது , மனித உருவில் கடவுளா ? சற்றே குழப்பம் . உங்களின் இந்த அனுபவங்களை பற்றி ,மேலும் நீங்கள் எழுதுவீர்கள் என்று எதிர் பார்கிறேன்.– ஸ்ரீனி

  101. bala

    ஜெ..

    மன்னிச்சுக்கங்க.. முதல்ல இத ஏப்ரல் முதல் நாள் ஏமாற்று வேலை என்று நினைத்தேன். பின் உங்கள் எஸ்.எம்.எஸ் “இல்லை, இது ஸீரியஸ்” என்றதும் தான் உங்கள் தொலை நோக்குச் சிந்தனை புரிந்தது. ஏப்ரல் முதல் தேதி, புதுக் கணக்கு துவங்கும் நாள் என்று..

    சென்னையில் எனது நண்பர் ஏற்றுமதித் தொழில் செய்கிறார். அவருக்குத் தேவையான லைஸென்ஸ்களை வாங்கித் தர தில்லியில் ஒரு ஸர்தார்ஜி இருந்தார். புரோக்கர். அவரது உப தொழில், நீல நிறத் திரைப்படங்களை, குறைந்த விலையில் தயாரித்து பீஹார், கிழக்கு உ.பி போன்ற முன்னேறிய நாடுகளுக்கு ஏற்றுமதி செய்வது. 90 களில் 20-25 லட்சம் செலவில் தயாரித்து, கோடிக் கணக்கில் லாபம் பார்க்கும் தொழில். ஒரு முறை அவர் “அமாவாஸ் கி ராத்” என்றொரு படம் தயாரிப்பதாக நண்பர் சொல்லியிருந்தார். அதன் பின் நாங்கள் அவரைச் செல்லமாக அமாவாஸ் கி ராத் என்றே அழைத்து வந்தோம். சமீபத்தில் நண்பரைச் சந்தித்த போது எங்கே அமாவாஸ் கி ராத் என்று விசாரித்து, வந்த பதில் என்னை ஆச்சரியப் படுத்தியது. அவர் ஒரு சாமியாராகி, 200 ஏக்கர் நிலத்தில், திருநேலிக்குப் பக்கத்துல ஒரு ஆஸிரமம் ஆரம்பித்து விட்டதாக. ஒரு வேளை அவர் தான் இவரோ என்று தெரியவில்லை.. பரவாயில்லை. வல்லவனுக்குப் புல்லும் ஆயுதம்.. (சாமியாருக்கு என்று கேட்க வேணாம் – அது unparliamentary)

    உமது சிந்தனையில் உதித்த மாபெரும் எண்ணம் இதுதான். இந்த மாதிரி யோசிக்கறத விட்டுட்டு, பட்டா, 40 வருட வாழ்க்கையையே வேஸ்ட் பண்ணிட்டீரே.. பரவாயில்லை.. better late than never ன்னு ஆங்கிலக் கனவான்கள் சொல்லியிருக்கிறார்கள்.

    இச்சாமியாரின் எண்ணங்களை மக்களுக்கு எடுத்துச் சொல்ல, முதலில் ஆகும் செலவுகளைப் பற்றிக் கவலை வேண்டாம். நான் மும்பையில் இருப்பது உங்களுக்குத் தெரிந்ததே.. இங்கே angel investors.. private equity investors எனப் பலவகை ஈட்டிக் காரர்கள் டை கட்டி, இந்திய வெயிலிலும் கோட் சூட் போட்டுக் கொண்டு இருக்கிறார்கள்.. அவர்களை அவ்வப்போது என் கம்பெனி நிமித்தம் சந்திக்கிறேன். அவர்களிடம் நமது பிஸினஸ் ப்ரப்போஸலை ஒரு power point presentation போட்டுக் கொடுத்து விடலாம். (இத்திறனை வைத்துத் தான் 15 வருடங்களாகக் காலட்சேபம் நடாத்தி வருகிறேன். விவசாயிக்கு கோவணம் போல, எம்.பி.ஏ வுக்கு power point என்பது IIM வாக்கு). உங்கள் சௌகரியம் கண்டு, நான் அவர்களை நேரில் அழைத்து வருகிறேன். இம்முறை பரவாயில்லை. திருவனந்தபுரம் ஏர்போர்ட்டில் இருந்து சாலை வழியாக அழைத்து வந்து விடுகிறேன். ஆனால், சாலைப் போக்குவரத்து வெள்ளைக் கனவான்களை பீதியடையச் செய்யும். எனவே, ஹெலிபேட் வசதி கொண்ட ஒரு இடமாக ஆசிரமத்துக்கு நிலம் பார்க்கத் துவங்கவும். அடுத்த முறை நாமனைவரும் உபயோகிக்க வசதியாக இருக்கும். ஆசிரமத்துக்கென ஒரு டி.வி சேனலும் துவங்கிவிடலாம். விதிமுறைகளைக் கேட்டு வருகிறேன்.

    ஒரு விஷயம் மிக முக்கியம். சாமியார் பாத்திரம். அவர் எங்கேயும் ஓடிவிடாமல், நாலு ஸெக்யீரிட்டி வைக்கவும். அவர்களுக்கு ஆசிரமச் சீருடையையே கொடுக்கவும். (சீருடை டிசைன் இன்னும் 4 மணி நேரத்தில் மும்பையின் மிகச் சிறந்த டிசைனரிடம் இருந்து வாங்கி அனுப்புகிறேன்.)

    அப்புறம் நிலம் பார்க்க, ஸெக்யூரிட்டிக்கு அட்வான்ஸ் என்ற வகையில் பணம் தேவைப் படும். ஆசிரமத்துக்கு என்று ஒரு புது வங்கிக் கணக்குத் துவங்கி, எண்ணை எனக்கு அனுப்பவும், உடனே 5 வட்டிக்குக் கடன் வாங்கி internet transfer செய்கிறேன்..

    நீரும் 25 வருஷமா கதை எளுதறேன்னு வாழ்க்கையை வேஸ்ட் பண்ணிட்டீர். நானும் 20 வருஷமா ஒரு வீட்டக் கட்டி அதுக்கு EMI கட்டி அலுத்துப் போயிட்டேன். இனிமேலாவது கொஞ்சம் பொழைக்கற வழியப் பாக்கலாம். சீக்கிரம் பணம் தேத்தி, தொழிலதிபராகி.. (நடிகை மட்டும் வேண்டாம்.. “இப்பிறவிக்கு இன்னொரு மாதரைச் சிந்தையாலும் தொடேன்னு ராமரே அழுதிருக்கிறாரு” -

  102. kumaran

    என்ன ஜெமோ ,

    ஏப்ரல் பூல் கட்டுரையா . பாவம் , அது புரியாமல் மக்கள் ரொம்பவே குழம்பி விட்டார்கள் . அது சரி , சமாதி நிலையில் இப்போதெல்லாம் நல்லாவே மூட் ஏறுகிறது என்கிறார்களே..உங்களுக்கு மட்டும் ஏன் டாய்லெட் வருகிறது.. போய் நித்யனந்தாவிடம் முறையாக பயிற்சி எடுத்து வரவும் …
    குமரன் .

  103. sastha

    GOOD APRIL பூல் ஜோக் SIR. KEEP இட் உப.

  104. V.Ganesh

    தலைவா
    இன்னைக்கு ஏப்ரல் ஒன்று. ஏதாவது பீலா…….. கடவுள வேணாலும் பார்க்கலாம். hidden camera பார்க்க முடியாது. ஜாக்கிரதை. :)

  105. jmo_bhakthan

    பாஸ்,
    நீங்க சாரு நிவேதிதாவை ஓட்டறீங்க நினைக்கிறேன்.

  106. april fool

    Interesting april fool story. I knew, when you gave so many hints like, going to toilet in சமாதி ஸ்டேட்,

  107. writercsk

    (நானும்) கடவுளைக் கண்டேன் – ஜெயமோகன் : http://www.writercsk.com/2010/04/blog-post.html

  108. aravindan neelakandan

    இன்னைக்கு ஏப்ரல் ஒண்ணாந்தேதி. எல்லா கிரகங்களும் எல்லா விண்மீன்களும் எல்லா காலக்ஸிகளும் காஸ்மிக் வாஸ்துப்படி ஒண்ணா கூடுற இந்த சுபயோக சுபதினத்தன்னைக்கு இந்த சுவாமியோட சத்சரிதத்தை கேக்கிறவங்களுக்கெல்லாம் எல்லா புருஷார்த்தங்களும் கை கூடி அவுங்க இம்மையிலும் மறுமையிலும் 72 கன்னிக….சட் சாரி…டிராக் மாறிருச்சு…ஊர்வசி ரம்பை நடனங்களை காணும் மேலான லோகங்களை அடைவாங்கன்னு வில்லுக்கிறி பக்கமா கிடைக்கிற அகத்தியர் நாடி சுவடிகள்ல சொல்லியிருக்கு. அதுனாலத்தான் ஸ்ரீலஸ்ரீ ஜெயமோகானந்த சுவாமிகள் அவருடைய சத்குருவோட திவ்ய சரிதாம்ருதத்தை தன்னோட வலைப்பதிவுல சொல்லியிருக்கார்.

  109. april fool

    Boss, looks like teasing your favorite friend Charu and his articles on Nithyananda, when you said, about lack of shadow and instant pain relief!!

  110. sitrodai

    அடடா…

    என்னையும் இப்படி முட்டாள் ஆக்கிடீங்களே…

    ஒரே சந்தோசம், என்ன மாதிரியே நிறைய பேர் இருங்காங்க…

  111. sivachalapathi

    ஜெ
    சற்று அதிர்ச்சியாக இருக்கிறது மேலும் எழுதுவீர்கள் என்று எதிர் பார்க்கிறோம்

  112. senthilkumarav

    இன்று ஏப்ரல் 1 ஆம் தேதி நன்றாக எல்லோரையும் முட்டாள் ஆக்கிவிடீர்கள்

  113. சங்கரன்

    அன்புள்ள ஜெயமோகன்,
    சுவாமிகள் உபதேசிப்பது ஞான மார்க்கமா?? அல்லது ஏதேனும் தாந்திரீக உபாசனையா ?? :)

  114. shivatma

    SEE what you have done to your readers ??
    They are not even ready to enjoy your April Fool pranks..:)

    என்ன சார் இது !!.
    enjoy every moment..

  115. Rajkumar

    ஏப்ரல் 1 ?

  116. Ram

    Dear Jemo,
    I had asked you in my comment last week “Whether you beleive that Lord Krishna has written the Bhagvad Gita”?. I found your entire writing about Bhagvad Gita as writing of a Rationalist. You had also discarded all the translations of Gita written by Bhaktas or written to propagate Bhakthi. I asked myself “Why is JeMo reading and analysing Bhagvad Gita without a strong beleif that Lord Krishna has written it. In your reply to my comment, you had just given some unconvincing answer and diverted my question to your other articles on Gita. I made a resolution that I will read the Gita with more interest and write something better about it, but as a true Bhaktha. Today, I find you interested in Bhakthi. It is great to experience the divine.

  117. siva murugan

    அன்புள்ள ஜெ,

    நான் சங்கரன் கோவிலை சேர்ந்தவன். சாமியார்கள் அதிகம் உண்டு. சித்தர்களில் ஒருவரான பாம்பாட்டி சித்த்ர் சமாதி உள்ளது. அந்த சமியார் ஒருவேளை சித்தராக இருப்பார்.(ஒரு சிறிய சந்தேகம் … APRIL 1st ?????)

    நன்றி

  118. govikannan

    //நான் இதுவரை எழுதிய ஆன்மீகக் கட்டுரைகள் கேள்விபதில்கள் விஷ்ணுபுரம் மாதிரியான நாவல்கள் எல்லாவற்றையும் கொளுத்தி விடுவதாக முடிவு கட்டியிருக்கிறேன். இணையத்தில் இருந்து அவற்றை அழிக்கப்போகிறேன். அவற்றை வாசித்தவர்களும் மறக்கும்படி கேட்டுக்கொள்கிறேன். //

    ஏப்ரல் 1 ஹியூமர் !

    :)

  119. raam srini

    ஜெ,
    வேணாம்..விட்டுடுங்க…வலிக்கும்..அழுவாரு..:-) ஏற்கனவே இணையத்தில் பலமான உதை விழுந்துகிட்டிருக்கு…:-(

  120. குசும்பன்

    இன்றைய ஏப்ரல் 1க்கு ஏற்ற கட்டுரை!:)

  121. raam srini

    Today is April 1…:)

  122. ரா.சு

    முட்டாள்கள் தினத்தில் மக்களுக்கு நித்ய முக்தியை தந்த ஜெயானந்தாவிற்கு ஒரு யமஹா….சாரி….நமஹ!

  123. Arangasamy.K.V

    பாரதி மணி சார் , கடவுள் உங்களுடன் பெங்களூரிலா இருக்கிறார் ? கடவுள் ஹரித்துவாரில் தரிசனம் தருவார் என்றுதானே ஜெ சொன்னார் ?
    http://www.jeyamohan.in/?p=6793
    அதை நம்பி நாங்க ஒரு 8 பேரு கிளம்பிட்டமே ? அதான் முத்தையா அண்ணன் வரலன்னுட்டாரா ?

  124. southdreamz

    APRIl FOOOOOOOOOOOOOOOOOOOOOOOOL

  125. p_aravindan

    அன்பர்களே இதை நன்றாக வாசித்து பாருங்கள்..விடை உள்ளது..

    அரவிந்தன்
    சிங்கை

  126. jmo_bhakthan

    இன்று ஏப்ரல் ஒன்று

  127. kamal_govi

    ஒரு நிமிஷம் சாரு சைட் இக்கு வந்துடோமொனு ஒரு டவுட் … அதுகுள அவருக்கு புது சமையற் கேடைசிடறு இன்னு பார்த்தேன்

    அவர தன பகடி பண்ணுரிங்க நெனைக்கிறான் … சூப்பர்

  128. prasadpn

    இது ஏப்ரில் முட்டாள் தின
    முயற்சி இல்லையெனில்
    —————————-
    காலம் வரும்வரை காத்திருக்க வேண்டும்
    அருளும் தெளிவும் அவரவர்
    தகுதிக்கு ஏற்ப தரப்படும்
    இந்த பயணம் பலருக்கு வாய்பதேயில்லை
    கோடியில் சிலருக்கே கிடைக்கும்
    கடந்த பாதை இந்த வெளிச்சத்திற்கு
    உம்மை கொண்டு விட்டிருக்கிறது
    பழையதை கொளுத்துவேன் அழிப்பேன்
    என்பது நல்ல முடிவல்ல
    நீர் நடந்து வந்த பாதையை மறுக்க தேவை இல்லை
    சரித்திரம் மாறாது
    நேற்றைய உண்மை கசக்கலாம்
    புதிய உண்மையோடு பயணப்படு
    இந்த அனுபவம் மற்றவருக்கு
    கிட்டிய போது நமக்கு புரியவில்லை
    அறியாமை தவறில்லை
    தவறான கொள்கைகள் தவறென்று தெரிந்தும்
    மாற மறுப்பது தான் தவறு
    நிழல் இல்லா கடவுள் கண்டவருக்கு
    உம் கடந்த கால படைப்புகளான நிழல்களை
    அப்பிடியே விட்டுவிடுங்கள்
    அன்று அவை உமக்கு உண்மை
    பலருக்கு அவை தெளிவு
    வாழ்த்துக்கள்.

  129. Dondu1946

    இது உண்மையா? பார்க்க: http://suguna2896.blogspot.com/2010/03/blog-post_31.html

    அன்புடன்,
    டோண்டு ராகவன்

  130. dearchandran

    ஜெ.மோ,

    நீங்கள் இந்த கடவுளைப் பற்றி மேலும் ஆறு கட்டுரைகள் எழுத வேண்டியிருக்கிறது!.

    அதற்கப்புரம் அவரை திட்டி ஒரு தொடர் எழுத, எல்லாம் வல்ல கடவுள்
    சுவாமி சிவானந்தலகரி மகராஜ் அருள் புரிய வேண்டிக்கொள்கிறேன் :)

  131. Diwakar Nagarajan

    என்னுடைய இந்த கருத்தை பொறுமையாக நீங்கள் வெளியிடும்போது வெளியிடுங்கள் (வேண்டாம் என்று நினைத்தால் வெளியிட வேண்டாம்).

    முதலில் இதை யாரும் நம்ப மாட்டார்கள் என்ற நினைப்புடன் எனது முந்தைய பின்னூட்டத்தைஇட்டேன், ஆனால் இப்போது உள்ள பெரும்பாலான பின்னூட்டங்களைப் பார்க்கும் போது என்னை மிகவும் திகைப்பில் ஆழ்த்துகிறது. இன்று ஏப்ரல் 1 என்று நினைவில் இல்லாவிட்டாலும் கூட ஏதோ பகடி செய்கிறீர்கள் என்ற புரிதல் இருக்கும் என்று நினைத்தேன். அவ்வாறான பின்னூட்டங்கள் மிகக் குறைவாகவே வந்து இருக்கின்றன.

    சிலருடைய குழப்பத்தைப் பார்த்த போது அவர்களுக்கு இப்படி ஒரு ‘நம்பிக்கை’ தேவையாக இருப்பது எனக்கு ‘ஏமாற்றத்தை’ அளித்தது.ஒவ்வொரு முறையும் ஏப்ரல் 1 ல் நான் ஏமாறும்போது ஒரு விதமான மகிழ்ச்சி இருக்கும், ஆனால் இந்த பின்னூட்டங்களால் அடைந்த ‘ஏமாற்றம்’ வருத்தத்தை அளித்தது.

    நன்கு படித்த மக்களிடையே கூட இப்படி ஒரு ‘நம்பிக்கை’ தேவையாக இருப்பதைப் பார்க்கும் போது பாமரர்களின் நிலையைப் பற்றி யோசிக்கவே அச்சமாக இருக்கிறது.

    -திவாகர்

    http://diwakarnagarajan.wordpress.com

  132. Vengadesh Srinivasagam

    ஏப்ரல் 1 க்கு என்ன குறும்போ என்ற யோசிப்போடுதான் திறந்தேன்.
    “சிவானந்த லஹரி மஹாராஜை” அறிமுகப்படுத்தி இருக்கிறீர்கள்!!! (ஹா…ஹா…!
    இந்த மாதிரி ’பேர்’களையெல்லாம் எப்படித்தான் புடிக்கிறீங்களோ?).

    பின்னூட்டங்கள் படு ஸ்வாரஸ்யம்.

    //எனக்கு மூத்திரமே முட்டிவிட்டது//
    //”வேண்டுமென்றால் முழு விஷ்ணுபுரத்தையும் மனப்பாடமாகச் சொல்கிறேன்” என்றார்.//
    //”சரி, அதற்காகத்தான் நான் உன்னை தடுத்தாட்கொண்டிருக்கிறேன்”//
    //உள்ளே அதே சாமியார் சுற்றி வந்து சாமி கும்பிடுவதைக் கண்டேண்//
    //என்னுடைய ஏழு பிறப்பையும் நான் அப்போது புரிந்துகொண்டேன். அதையெல்லாம் வெளியே சொல்லக்கூடாது.//
    //அப்போது ஒரு நாகப்பாம்பு ஊர்ந்து அவ்ந்து அவரது மடியில் ஏறி படுத்துக்கொண்டது//
    //இப்போதுகூட சமாதியில் இருந்து எழுந்து டாய்லெட் போய்விட்டு வந்துதான் இதை எழுதுகிறேன்//

    ஹாஹாஹா…..ஹோஹோஹோ…ஹிஹிஹி…(imagine a zoozoo is laughing)

    ”ஏழு கொண்டல வாடா…ஏமி அய்யிந்தி…”

  133. sivapillai

    J,
    for some time i was shocked. ha ha ha I realized to day is April 1.

  134. vadakaraivelan

    இதுவரை நீங்கள் எழுதியதிலேயே உச்சகட்டக் காமெடிப் பதிவு இதுதான்

  135. KannanV

    எல்லா பின்னூட்டங்களையும் பார்த்தேன் ௧ ஏப்பிரல் என்று சொல்கிறது !!

    ஜே சார் !! ஏப்பிரல் முதல் தேதி, பன்னிரண்டு மணிக்கு, இந்த கட்டுரை !! ……. ம்ம்ம்ம்ம்….நடத்துங்க !!!!

  136. sundaresan

    Is this an April fool prank?

  137. MS

    மனிதராகி வந்த பரம்பொருள்!!
    So, it is April 1st and you are in a lighter vein.

    But at another level it looks convincing. I have a doubt that you are not playing any pranks, but may have written something seriously. ஜோக் அடிக்கிறது அப்படின்னு முடிவெடுத்தா கொஞ்சம் straight ஆ அடிங்க. There are some gullible souls like me, too. நம்புறதா இல்லையான்னு தெரியல. இந்த நிமிஷம் இதை முட்டாள்கள் தின சிறப்பு பத்தியாகவே எடுத்துக்கொள்கிறேன்.

  138. vetrikkathiravan

    ஓவ்வொரு வரியும் படிக்குரப்ப இன்னா சிரிப்பு வருது :)))))))))

    நக்கலு ஜெமோக்கு நல்லா வருது….

    //அன்புள்ள ஜெமோ,

    உங்கள் பழைய நூல்களையும் கட்டுரைகளையும் தயவு செய்து அழிக்க வேண்டாம். அது வழியாக தானே தங்கள் இந்த நிலைக்கு ஏறி வந்தீர்கள்? அதுவும் இருக்கட்டுமே.

    By sitrodai on Apr 1, 2010
    //
    உலக நடப்பே உங்களுக்கு தெரியல, இன்னும் குழந்தையாவே இருகியலே, அது எல்லாம் நடக்காது கவலை வேண்டாம்.

  139. kevin jackson

    April-1———- ALL FOOL’S DAY

  140. KannanV

    கடவுளைக் கண்ட ஜெயமோகானந்தாவின் ஆசிரமத்தில் ஒரு சீட் முன்பதிவு செய்யப்படுகிறது !!

  141. Mooventhan

    இன்று April 1. தல நம்மை எல்லாம் ஏமாற்றுவதோடு மட்டும் அல்லாமல், சாருவையும் கலாய்க்கிறார். அங்கு நித்தியானந்தா.. இங்கு சிவானந்தலகரி .. செம கலாய் சார்…

  142. kevin jackson

    APRIL-1
    April Fool’s Day – Day for Tomfoolery
    http://www.thefoolsday.com/

  143. kevin jackson

    For more Wonderful April Fools Day Tricks
    http://www.lightinthebox.com/holidays/April-Fools-Day-Ideas-_g1951

  144. muthuishere

    முட்டாள்கள் தின கட்டுரை அல்ல என்று நம்புகிறேன் .

    ஒருவர் செய்யும் மாயாஜாலங்கள் மட்டும் எப்படி அவரை கடவுள் என்கிறோம் , ஏன் இது ?

  145. jasdiaz

    Today is April fools day! A nice article to fool every one! You had posted at exactly 1200 hrs on 01 Apr 2010.

  146. Baskar

    Dear ஜெயமோ,

    நன்றி, ஏப்ரல் ஒன்று.. நல்ல கட்டுரை.

    with regards
    S Baskar

  147. Gopinath

    ஏப்ரல் 1 என்பதாலா ..?

  148. Sankar Venkat

    ஏப்ரல் ஒன்று :)

  149. ramya

    i know and i pray ,it is nothing but just a april fool…

  150. mrajmohan

    ஜெ, ஏப்ரல் பூல் செய்றீங்கன்னு நினைக்கறேன்.

    தங்கள் வாசகன்,
    ராஜ்

  151. srimadhan

    ஹா ஹா ஹா இந்த வாரு வாரிட்டீங்களே . நல்லா பாருங்க வாரு-ன்னு தான் சொல்லி இருக்கேன் :-)

  152. Kamaraj C

    ஜெ.மோ. உங்கள் நகைச்சுவை உணர்வு ரசிக்கும்படி உள்ளது.

    நாள் கிழமை பார்க்காமல் நீங்கள் சொல்வதை எல்லாம் அப்படியே ஏற்றுக்கொள்ளும் வாசகர்கள் இருப்பது ஆச்சரியமாக உள்ளது.

  153. shivatma

    கண்டுகொண்டேன் கண்டுகொண்டேன் :)

  154. jay

    நல்ல ஏப்ரல் பட்டம் ;-)

  155. PRIYAMVADA

    டியர் ஜெமோ,
    இது என்ன முட்டாள் தினம் கொண்டாட்டமா. ?
    ப்ரியம்வதா

    நான் உங்கள் இணையத்தில் தினமும் வந்து PAR

  156. Arangasamy.K.V

    என்னை சங்கரன் கோவில் போக வேண்டாம் , ஏப்ரல் 1 என அறிவுறுத்திய நண்பர்களுக்கும் , என்னுடன் வருவதாக சொன்ன நண்பர்களுக்கும் நன்றி ,:)

    ஒரு ஏசி வேன் கூட ஏற்பாடு செய்யாத மரபின் மைந்தன் முத்தையாவிற்க்கு கண்டனங்கள்.

  157. kamal_govi

    >>அங்கே அமர்ந்ததும் அவர் எனக்கு ஞான தீட்சை கொடுத்தார். அதற்கு முன்னால் என்னுடைய தோளிலே அவர் கையை வைத்ததும் என் நெடுநாள் தோள்வலி பறந்து போய்விட்டது.

    ஹா ஹா

    கலக்கல் ஜெயமோ … உங்கள் நகை சுவை உணர்வும் … TIMING சென்செசும் சூப்பர் …

    அப்படியே சிவானந்தலகரி மகராஜ் திட்டியும் ஒரு கட்டுரை போட்டிங்கன நல்ல இருக்கும்

    >> ”அருமனையைச் சேர்ந்த ஒரு பெண்மணி நீ எழுதிய நூல்களில் பிஎச்டி செய்ய வேண்டும் என்று வந்தாள்

    இது டாப் … :)

  158. Moderator

    நிறுத்தி வைக்கப்பட்ட அனைத்து கமண்ட்களும் விடுவிக்கப்பட்டன , இன்று முழுவதும் வெளியிட வேண்டாம் என்றுதான் நினைத்தோம் , ஆனால் வந்த போன்கால்களாலும் மெய்ல்களாலும் வெளியிடப்பட்டது ,:)

    ஆனால் ஒரு 1௦ % பேர்தான் சந்தேகப்பட்டனர் , மற்றவர்கள் அனைவரும் இது ஏப் 1 விஷயம் என கண்டுகொண்டனர் ,

    அதெப்படிங்க , ஜெயமோகன் எழுதினால் உடனே கண்டுபிடிச்சிருறீங்க , ஆனா :)

  159. kamal_govi

    அப்படியே சிவானந்தலகரி மகராஜ் திட்டியும் ஒரு கட்டுரை போட்டிங்கன நீங்க பெரியாரிஸ்ட் ஆகி விடலாம் LOL

  160. suntharanpillai

    Hi JM,
    Most of us got it because it sounds bit too much, other wise all might caught up as fools.

    :)

    Happy april Fool!
    Suntharan.

  161. Sanjeevi

    ஹா ஹா ஹா

  162. rajmunich

    //Moderator
    ஆனால் ஒரு 1௦ % பேர்தான் சந்தேகப்பட்டனர் , மற்றவர்கள் அனைவரும் இது ஏப் 1 விஷயம் என கண்டுகொண்டனர் ,

    அதெப்படிங்க , ஜெயமோகன் எழுதினால் உடனே கண்டுபிடிச்சிருறீங்க , ஆனா :) //

    ஜெமோ ஏப்ரல் 1ஆம் தேதி எழுதினார். அதான் கண்டு புடிச்சிட்டோம்.
    இன்னொருத்தர் தினமும் எழுதினார். நம்பிட்டோம் :-)

  163. parthi6000

    சுவாமிகள் எப்ப அசிரமம் அரம்பிக்க போறீங்க…
    அட்வகேட் பார்த்திபன்
    திருப்பூர்

  164. Vishnu

    ஏப்ரல் 1 …. கலக்கல் ..

    விஷ்ணு ..
    குவைத் ..

  165. V.Ganesh

    தலைவா,
    மேல ஒள்ள போட்டோ, அப்புறம் ஒங்க போட்டோ அப்புறம் அந்த தொளசி மாலை எல்லாம் போட்டு மலேசிய, சென்னை, நாஞ்சில் நாடு போன்ற இடங்களில் ஒரு ஆசிரமம் தொடங்க நெலம் பாத்தாச்சு.
    ஜெயமோகன் ஆனால் என்ன ஜெயமோஹனாந்த ஆனால் என்ன. என்ஜாய். ஆனாலும் அந்த கன்னியாகுமரி குசும்பு இருக்கே….

  166. writerslover

    ஜெயமோகன், சாரு ரொம்ப நல்லவருலா, அதுனாலதான் அவர இந்த அடி அடிக்கிறீறு. பாவம் விட்டுருங்க, பொழச்சி போகட்டும். அவருக்கும் குடும்பம் இருக்குலா. பையன படிக்க வைக்கணும்லா, அப்புறம் மனுஷியபுத்திரனை நோண்டி நொங்கு எடுப்பாருலா. என்ன சரிதான?

  167. southdreamz

    /*
    நெடுங்காலமாகவே எனக்கு கடவுள் நம்பிக்கை இல்லை.
    */
    கொஞ்ச நாளாவே னக்கு கடவுள் நம்பிக்கை இல்லை.

    /*
    அதற்குக் காரணம் நான் வளர்ந்த பின்னணி. என் அப்பா அம்மா
    */
    அதற்குக் காரணம் நான் வளராத பின்னணி. என் அப்பா அம்மா

    /*
    இருவருக்குமே கடவுள் நம்பிக்கை இல்லை.
    */
    இருவருக்குமே கடவுள் நம்பிக்கை உண்டு

    /*
    அப்பா சாஸ்திரத்துக்காக ஏதாவது கோயில் சடங்கில் கலந்துகொள்வாரென்றாலும் அம்மா அதுகூட செய்வதில்லை. அம்மாவுக்கு இலக்கியம்தான் மதம்.
    */

    அம்மா சாஸ்திரத்துக்காக ஏதாவது கோயில் சடங்கில் கலந்துகொள்வாரென்றாலும் அம்மா அதுகூட செய்வதில்லை. அப்பாவுக்கு இலக்கியம்தான் மதம்.

    இது ஏப்ரல் பூல் பதிவு, அதுனால இத கொஞ்சம் மாற்றி உண்மையா தெரிஞ்சுக்கலாம்னு இப்படி செஞ்சேன்.

  168. amal

    இதுதான் ஏப்ரல் ஒன்னு குறும்பு.

  169. Madhan

    ஜெயன்,
    இப்படி பண்ணிபுட்டீங்களே!
    எனக்கு உடனே புரியல, நான் தேதி பார்க்கல, ஆனா கண்டிப்பா நம்பல, யாரவது Hack பண்ணிட்டாங்களோனு நினைச்சேன் (நம்ம எஸ்.ரா தளம் அடிக்கடி இந்த பிரச்சனைல மாட்டுது சமீபமா!). அதனால நாம comment அடிச்சாலும் வருமா வராதாணு ஒரு சின்ன குழப்பம்.
    ஆனா, “உன்மத்தம்” , “டாய்லட்” , ” ஒரே நேரத்துலே ரெண்டு இடம்” தெளிவா சொல்லிடுச்சு, இத எல்லாம் விட டாப்பு “வித்யாஞானம்” தான். (டுவிட்டர்ல “வித்யா என்றாலும் அறிவு, ஞானம் என்றாலும் அறிவு, வித்யாஞானம் என்றால், டபுள் அறிவு?” என்று ஒருவர் கேட்டிருந்தார்). நீங்க அதையும் உடாம பிடிச்சுடீங்க.
    கண்டிப்பா இது எதோ சித்து விளையாட்டு என்று தான் நினைத்தேன், எப்படியோ குரு உங்களுக்கு சரியாக ஏப்ரல் மாதம் ஒன்றாம் தேதி அருள் பாவித்தது எங்களது புண்ணியம் தான்!

  170. vennpuravi

    அந்த தோள்வலி மட்டும் இல்லையென்றால் இதை யாரும் ஏமாந்திருப்பார்கள் …..
    அருமையா பகடி செய்திருக்கிறீர்கள். ரசித்தேன்.

  171. YOGINI

    நான் உன்னை கவனித்துக் கொண்டுதான் இருக்கிறேன். நீ காசு பார்க்கும் சாதாரன மனுஷன் அல்ல எனவே பொறுப்புடன் எழுத வேண்டும்.உனக்கு நான் நிர்விகல்ப சமாதி காட்டுவேன் நேரம் வரும் போது .
    ஆனந்தலஹாரி

  172. senthilkumar

    ஜெயா
    பாதி படித்த போது YOU TOO என்றுதான் நினைத்தேன் .
    இதுக்கு கிடைத்த மறுமொழியின் எண்ணிக்கை வேறுஎந்த கட்டுரைக்கும் இல்லை என நினைக்கிறேன்.பொய்யின் மதிப்பு எப்போதும் அதிகமைதான் இருக்கிறது.

  173. ஜெயக்குமார்

    இப்பத் தெரியுதா.. எவ்வளவு உற்சாகமா மக்கள் பங்கு கொள்கிறார்கள்னு. நாலாவது பாராவுலையே கருகல் வாசம் வந்துருச்சி..சரி, எவ்வள்வுதூரம் போவீங்கன்னு பாத்தா அப்படியே போய்கிட்டே இருக்கீங்க…

    நெசமாவே கலக்கல் கட்டுரை.. இப்படியெல்லாம் நீங்களே எழுதிட்டா அப்புறம் இண்டெர்நெட் பிச்சைக்காரங்கள்ளாம் என்னாவுறது?

    :-)) நெனச்சி, நெனச்சி சிரிச்சேன்

  174. kumudamsindhu

    இப்படிஒரு தமாஷ் எழுதி எம்பூடு நாளாச்சு ஜெ. சார்…. ஒண்ணு கவனிச்சீங்களா.. நீங்க கட்டுரையை போஸ்ட் பண்ண முதல் நாள்லயே அதிகமான கமெண்ட் வந்தது இந்த மேட்டருக்காகத்தானிருக்கும். உங்களிடமிருந்து நிறைய நகைச்சுவையை உங்கள் வாசகர்கள் எதிர்பார்க்கிறார்கள் என்பதை புரிஞ்சுக்கோங்க. சீரியஸ் எழுத்தாளரா நினைச்சு உங்களை விட்டு விலகிப்போறவங்க சிரிக்கச்சிரிக்க எழுதும்போது ஓடி வந்து ஒட்டிக்கிறாங்க பார்த்தீங்களா….ஏப்ரல் பூல் நாள்(?!) வாழ்த்துக்கள்.
    அன்புடன்,
    திருவட்டாறு சிந்துகுமார்

  175. petchinathan pillai

    “அன்புள்ள *ரு, ச்சே… சார்,

    உங்கள் நூல் எதையும் இதுவரை நான் படித்ததில்லை. ஆனால் புத்தக கண்காட்சியில் உங்களைப் பார்த்தவுடனேயே நீங்கள் ஒரு அற்புத எழுத்தாளர் என்பதை உணர்ந்து கொண்டேன். உங்களை நெருங்கி கைகுலுக்க வேண்டும் போலிருந்தது. ஆனால் நீங்கள் என்னிடம் பேசுவீர்களா என்று தயக்கமாக இருந்தது. என்றாலும் தைரியத்தை வரவழைத்துக் கொண்டு நெருங்கினேன். நீங்கள் புன்னகையுடன் என்னுடன் கைகுலுக்கினீர்கள். அந்தக் கணத்தின் பரவசத்தை என்னால் வார்த்தைகளில் வர்ணிக்கவே முடியாது சார். உங்கள் கைகளின் அதிர்வை இப்போதும் கூட என்னில் உணர்கிறேன். நீங்கள் எழுத்தாளரே இல்லை. கடவுள். என்னை உங்களுக்குத் தெரியும் என்கிற விஷயமே நான் ஜென்மம் எடுத்த பயனையளித்து விட்டது. சார் அப்புறம் ஒரு முக்கிய சந்தேகம்.. வோட்காவில் தக்காளியைப் பிழிந்து அருந்துவது நல்லதா அல்லது எலுமிச்சையா”

    ஹ ஹ ஹ

  176. த.ஜார்ஜ்

    அன்புள்ள ஜெயமோகன்
    ்ஆசிர்வாதங்கள்.
    எம்மை குருவாக ஏற்றுக்கொண்டு எமது மகிமையைப்பற்றி விலாவாரியாக எடுத்தியம்பியமைக்கு நன்றி மகனே.உமக்கு இதற்கு முன் இல்லாத அளவுக்கு இத்தனை பின்னூட்டங்கள் வந்திருப்பதிலிருந்தே எமது ஆற்றலை பக்தர்கள் உணர்ந்து கொண்டார்கள் என்பது புரிந்திருக்கும்.இனி தினம் மூன்று வேளை என்னை பற்றி எழுதிக் கொண்டேயிரு. அடுத்த கட்டுரைக்கான காசோலை அனுப்பப்பட்டுள்ளது. இன்னும் தேவைப்பட்டால் ஆசிரமம் வந்து செல்லவும். அடுத்த கட்டுரையில் மழிக்கப்பட்ட உங்கள் மீசை முளைக்கும் அற்புதத்தையும் மறக்காமல் விவரிப்பாய் என்று எல்லாம் தெரிந்த எனக்கு தெரிகிறது.அப்படியே செய்வாய் மகனே.

    சுவாமி சிவானந்தலகரி மகராஜ

  1. Tweets that mention jeyamohan.in » Blog Archive » மனிதராகி வந்த பரம்பொருள்!! -- Topsy.com

    […] This post was mentioned on Twitter by Madhan Kumar, ஒரு பக்கம். ஒரு பக்கம் said: ஏப்ரல் 1ம் தேதிக்கு ஜெமோ கட்டுரை http://bit.ly/cSzLv6 :)) செம நக்கல். […]

Comments have been disabled.