«

»


Print this Post

அவதூறுகள் குறித்து…


premierknits’s message in tamil -
அன்புள்ள ஜெயமோகன், உயிர்மை இணையதளத்த்ில் இந்திராஜித்தின் தங்களைக்குறித்த அவதூறுகளை பார்த்தீர்களா? அதுகுறித்து தங்களின் எதிர்வினை என்ன? மௌனம் பல நேரங்களில் பலவீணத்தின் அறிகுறியாகிவிடும் என்பதை அறிவீர்கள் என்று நினக்கின்றேன் . அன்புடன்,

vijayakumar S 

அன்புள்ள விஜயகுமார்,

இணையம் ஒரு திறந்த ஊடகம். இங்கே எழுத, கருத்து தெரிவிக்க தகுதி தேவையில்லை. தன் கருத்து ஏதோ ஒருவகையில் முக்கியமானது என ஒருவர் எவ்வகையிலும் நிரூபிக்க வேண்டியதில்லை. ஆகவே எல்லாரும் எல்லாவற்றைப்பற்றியும் எழுதலாம்.

என்னைப்பற்றிய அவதூறுகள், வசைகள் ஆகியவற்றுக்கு நான் பதில் சொல்ல முயன்றால் அதற்கே நேரம் சரியாக இருக்கும். இணையத்தில் எப்படியும் ஐநூறு கட்டுரைகள் இருக்கும் என நினைக்கிறேன். எல்லா தளத்திலும் எழுதப்பட்டுள்ளன.

பொதுவாக இந்தவகையான எழுத்துக்களை நான் படிப்பதையே தவிர்த்துவிடுவேன். அதையே பிற எழுத்தாளர்களுக்கும் சொல்வே. தரமற்றவற்றை வாசிக்காதீர்கல். தரமானவை தானாகவே நம்மிடம் வந்து சேரும்.

என் கருத்துக்களை திரித்தோ, அவை இயங்கும் தளத்தின் தரத்தை அடையாமலோ, உள்நோக்கம் கொண்டோ கூறப்படும் கருத்துக்களையும் நான் பொருட்படுத்துவதாக இல்லை. இந்தப்புறக்கணிப்பு இல்லாமல் தீவிரமாக இயங்கும் எவரும் இணையத்தில் செயல்பட முடியாது.

நான் ஒருவரை பொருட்படுத்த வேண்டுமென்றால் அதற்கான தகுதியை தன் வாசிப்பு எழுத்து மூலம் அவர் அடைந்திருக்க வேண்டும். அது அவரது எழுத்தில் வெளிப்பட வேண்டும்.

உயிர்மையைப் பொறுத்தவரை இம்மாதிரி ஆட்களை அது தொடர்ந்து கண்டு பிடித்து முன்வைக்கும். எனக்கு பிற அனைவரையும் விட மனுஷ்யபுத்திரன் மனம் எப்படி செயல்படும் என்று தெரியும். மேலும் இதேபோன்ற குரல்கள் தேடி எடுக்கப்படும்.

கொஞ்சநாள் காலச்சுவடு இம்மாதிரி அவதூறுகளை இதழ்தோறும் எழுதிக்கொண்டிருந்தது. அதற்கென்றே எழுத்தாளர்கள்  கிளம்பி வந்தார்கள். இப்போது உயிர்மையின் முறை. இதன்மூலமெல்லாம் எந்த எழுத்தாளனையும் எதுவும் செய்துவிட முடியாது என்பதை இவர்கள் உணர்வதில்லை. இதழ் என்பது ஆக்கும் அழிக்கும் வல்லமை கொண்டதென்று எண்ணிக்கொண்டிருக்கிறார்கள்.

இத்தகைய அவதூறுகளை எவராவது என்னிடம் விசாரித்தால் என் பதில் ஒன்றே. தாரளமாக அவையெல்லாம் உண்மையென்றே வைத்துக்கொள்ளுங்கள். மேற்கொண்டு என்னை வாசிக்கவும் செய்யாதீர்கள், அவ்வளவுதான். எனக்கு எந்த இழப்பும் இல்லை.

என் எழுத்துக்களே நான். உள்ளும் புறமும் நான் ஒன்றே. அதற்கு அப்பால் அந்தரங்கமென ஏதும் இல்லை.  இத்தனை வலுவான எழுத்துக்கள் வழியாக ஒருவனின் ஆன்மாவை உணர முடியாத ஒருவரை மேற்கொண்டு விளக்கமளித்துப் புரியவைத்து என் வாசகராக ஆக்கித்தான் என்ன பயன்?

ஜெ

இணைய உலகமும் நானும்

மதம்,ஆன்மீகம்,அவதூறு:ஒரு கடிதம்

தொடர்புடைய பதிவுகள்

  • தொடர்புடைய பதிவுகள் இல்லை

Permanent link to this article: http://www.jeyamohan.in/6851

11 comments

Skip to comment form

  1. rsgiri

    ஜெ,
    அற்புதமான பதில். எதையோ எடுத்து அடித்தாற்போல்!
    கிரி
    http://sasariri.com

  2. ramji_yahoo

    நல்ல பதில்.

    தமிழ் எழுத்தாளர்கள் ஒருவருக்கு ஒருவர் பகைமை பர்ரட்டுதல் தவிர்க்க பட வேண்டும்.

    இலக்கியமும், பிற மொழி படைப்புகளும் படித்து என்ன பயன், சக மனிதரிடம் அன்பு செலுத்தாமல்

  3. siddharthans

    அய்யா,

    இது மட்டுமல்ல. நித்யனந்தரிடம் ஏமாந்த சாரு சம்பந்தமே இல்லாமல் உங்களை வசை பாடி இருந்ததை படித்தேன். அதை எல்லாம் படித்து ஆத்திரம் ஆத்திரமாக வந்தது. மனுஷ்யபுத்திரனை இந்தியா டுடே தேர்வு செய்ததற்கு உங்களை இடிக்கிறார்.

    எத்தனை படித்து எத்தனை எழுதி கிழித்து என்ன லாபம்? ஒரு அடிப்படை நாகரீகம் கூட இல்லாத மூன்றாம் தர மனிதர்களாக தான் சில எழுத்தாளர்களும் இருக்கிறார்கள். காலச்சுவடு கண்ணன் அவர்கள் ஏதோ ஒரு பேட்டியில் யாரோ ஒரு சைக்கோ எழுத்தாளர் (பிரமிள்?) அவர்(சு.ரா) வீட்டில் தங்கி இருந்ததையும் அவருடைய அசாதாரண நடவடிக்கைகளை பற்றியும் சொல்லி இருந்தார். இந்த லட்சணத்தில் சமுதாயம் இவர்களை கொண்டாட வேண்டுமாம்… எல்லாருக்கும் இருப்பது போல் காசாசை, பெண்ணாசை, மண்ணாசை எல்லாமே இருக்கிறது. இருக்கக் கூடாது என்று சொல்லவில்லை. வறட்டு கர்வம், ஆணவம் எல்லாம் தேவை இல்லை. .

  4. rajesayyavoo

    என் எழுத்துக்களே நான். உள்ளும் புறமும் நான் ஒன்றே

  5. Vijay S

    ஐயோ! சூப்பர் சார் நீங்க!! :)

    கலை, இலக்கியம், இசை, சமுதாயம், மதம், தத்துவம் போன்ற பல துறைகள் தொடர்பாக சிலருடன் விவாதிக்க நேரும் போதெல்லாம், “என்னடா இது, நாம தான் எல்லா விஷயத்துலயுமே தப்பான பார்வை கொண்டிருக்கமா, இல்ல இந்த உலகத்துல இந்த விஷயங்களைப் பற்றிய புரிதலோ அக்கறையோ குறைஞ்சுக்கிட்டே வருதா” என்று கவலைப்படும் நேரங்களிலெல்லாம், கடந்த பல மாதங்களாகவே, எனக்கு உள்ளூர ஒரு மதர்ப்பு உருவாகியிருப்பதை அண்மையில் தெளிவாகவே உணர்ந்தேன்.

    அந்த மதர்ப்பு எங்கிருந்து வருகிறதென்று சொல்லவா: அது ஒரு வகையில், “அடப் போங்கடா! எங்கண்ணன் ஜெ ஜெயிச்சிக்கிட்டு வர்றார் டா!” என்ற சிந்தனையிலிருந்து எழும் மதர்ப்பு அது. (ரொம்ப பர்சனல் தொனி வந்திருச்சு; உங்களுக்கு பிடிக்கலைன்னா மன்னிக்கவும்.)

    நான் ஏன் அவ்வளவு நெருக்கமாக உணர வேண்டும் என்று இன்னும் கொஞ்சம் சிந்தித்துப் பார்த்தால் தெரிவது, இதற்குக் காரணம் நன்மை தீமையை வெல்லும் தோறும் எழும் அதே புராதன உணர்வு தான்.

    நல்லது/சிறந்தது/சரியானது போன்றவற்றிற்கு இந்த உலகத்தில் இடமே இல்லாமல் ஆகிவிடுமோ, சிந்தித்தறியாத கூட்டங்கள் இவற்றை சிதைத்துக் கொன்றழித்தே விடுமோ என்றெல்லாம் கலங்கி நிற்கும் நேரங்களில் நீங்கள் ஒரு கலங்கரை விளக்கம் மாதிரி நிற்கிறீர்கள்! (சும்மா ஏதோ அலங்காரமாகச் சொல்லவில்லை ஐயா! உள்ளூர உணர்ந்து சொல்ற வார்த்தை அது!)

    இந்தப் பதிவில் சுட்டியுள்ளது போல, சில நேரங்களில் உங்கள் மௌனம் கூட மிகச் சரியானதாகத் தான் இருக்கிறது. அதுவும் சரி தானே: கலங்கரை விளக்கங்கள் வெளிச்சம் தான் கொடுக்குமே தவிர வீண் கூச்சலிடுவதில்லையே! :)

  6. அ.சிவபாதசுந்தரம்

    “என் எழுத்துக்களே நான். உள்ளும் புறமும் நான் ஒன்றே. அதற்கு அப்பால் அந்தரங்கமென ஏதும் இல்லை. இத்தனை வலுவான எழுத்துக்கள் வழியாக ஒருவனின் ஆன்மாவை உணர முடியாத ஒருவரை மேற்கொண்டு விளக்கமளித்துப் புரியவைத்து என் வாசகராக ஆக்கித்தான் என்ன பயன்?”

    —இப்படி ஆணித்தரமாகக் கூறும் உங்கள் தர்மாவேசத்தை (இது சரியான சொற் பிரயோகமா தெரியவில்லை தர்மம் +ஆவேசம் எண்ணி வியக்கிறேன்- பராட்டுகிறேன்!. “போங்டா பொறுக்கிப் பசங்களே” என்பதை மரியாதையாகவும் பவ்வியமாகவும் சொல்வதற்கு உங்களது நேர்மைத் திறனும் ஆன்மீக பலனும் அழகு தமிழும் நன்றாகவே கைகொடுக்கின்றன.

  7. jeevartist

    ஜெயமோகன் சொல்வது போல் இணையம் முழுவதும் இத்தகைய வசைக்கட்டுரைகள் நிரம்பி வழிகின்றன. ஓர்குட்டில் ஒரு குழுவே இயங்குகிறது! நைஜீரியாவுக்கு போவதற்கு முன் குஜராத்திற்கு அவரை போகச்சொல்லும் ஒரு காமெடி கட்டுரையை நேற்று கூட படிக்க நேர்ந்தது. இவற்றை பொருட்படுத்தவே தேவையில்லை என்பதுதான் என் கருத்தும்… Just ignore them!!!

  8. sivasakthi

    இணையம் ஒரு ஊடகம். இதின் சிறப்பு என்ன என்றால் இதில் அளிப்பவர்களும் இதை களிப்பவர்களும் மற்ற ஊடகங்களை விட அதிகம்.
    எந்த ஒரு கலைஞனை பற்றியும் விமர்சிக்க எவர்க்கும் அதிகாரம் உண்டு. அந்த அதிகாரம் அவனது கலையை பற்றி மட்டும் விமர்சிக்க; அவனது எண்ணங்களையும், கருத்துகளையும், கலைதன்மையையும், மொழி ஆளுமையையும் விமர்சிக்க. அந்த விமர்சனங்கள் அவதூறு ஆகாது.
    இந்த விமர்சனங்களை அந்த கலைஞன் ஏற்று கொள்ளவும் எதிர் கொள்ளவும் வேண்டும்.

    ஆனால் எவர்க்கும் அந்த கலைஞனின் தனிப்பட்ட வாழ்வையோ, குணங்களையோ, விருப்பு வெருப்புகளையோ விமர்சிக்க அதிகாரம் கிடையாது. அம்மாதிரி விமர்சனம் செய்யும் எவரும் தரம் அறியாத, இலக்கிய தர்மம் தெரியாதவர்களே. இது போன்ற விமர்சனங்களை எவரும் பொருட்படுத்த தேவை இல்லை. அந்த கலைஞனும் இவற்றுக்கு பதில் அளிக்கவோ அல்லது எதிர் வினை ஆக்கவோ தேவை இல்லை.

    ஆனால் ஜே எம்; இங்கு ஒரு குழப்பம் வருகிறதே?
    ” என் எழுத்துக்களே நான்; என் உள்ளும் புறமும் ஒன்றே; அதற்க்கு அப்பால் அந்தரங்கம் என்று ஒன்றும் இல்லை” என்று கூறி இருக்கிறீர்கள்.
    அப்படியானால் உங்கள் எழுத்துகளை விமர்சிப்பது உங்களையே, உங்கள் உள்ளையும் அகத்தையும் அந்தரங்கத்தையும், விமர்சிப்பதாக, அதனாலேயே இங்கு ஜே எம் என்ற மனிதனையே விமர்சிப்பது ஆகுமே??
    siva saktivel

  9. ஜெயமோகன்

    அன்புள்ள சிவா
    பிற எழுத்தாளர்களை அவர்களின் எழுத்துக்கு அப்பால் சென்று தனிவாழ்க்கையை விமரிசிக்கக் கூடாது. என்னை விமரிசிக்கலாம். எனக்கு எந்த தளத்திலும் ரகசியம் என ஏதும் இல்லை. தனிவாழ்க்கை என ஏதும் இல்லை. நான் செய்யும் செயல்களில் எப்போதும் மறைவான ஏதும் இல்லை. என் நண்பர்களிடமேகூட ரகசியங்களை என்னிடம் சொல்லாதீர்கள் என்றே சொல்வது வழக்கம்.

    அவதூறுகள் வேறு வகை. அவை தனி வாழ்க்கைக்குள் வருகின்றன என்பதல்ல சிக்கல். அவை பொய்யானவை என்பதே

    அதேபோல விமரிசனங்களை எதிர்கொள்வது பற்றி. நான் பேசும் விஷயத்தின் அடிபப்டை கூட அறுமுகம் இல்லாத ஒருவரின் எதிர்வினையுடன் நான் விவாதிக்க முடியாது. அவருடைய நோக்கம் விவாதிக்கப்படும் பொருள் அல்ல என்றாலும் விவாதிக்க முடியாது. அது நேர விரயம். வாசிப்பவரின் நுண்ணுணர்வையும் அறிவையும் நம்பி மேலே செல்லவேண்டியதுதான்

    ஜெ

  10. sivasakthi

    அன்புள்ள ஜே எம்
    தனிப்பட்ட முறையில் உங்களை விமர்சிக்கலாம் என எழுதி உள்ளீர்கள். இது நீங்கள் அளிக்கும் பிரத்தியேக விலக்கு.

    ஆனால் இது விமர்சன தர்மம் இல்லை. இப்படியே போனால் சில சிற்றறிவுகள் இதையே சாக்காக கொண்டு தனி மனித விமர்சனமும் கலை விமர்சனமும் ஒன்றே என்று எண்ணி செயல் படுத்த முனைப்படும்.
    அவதூறுகளுக்கு யாருமே பதில் அல்லது விளக்கம் கொடுக்க தேவை இல்லை.
    சிவா சக்திவேல்

  11. gomathiraju

    Dear Jayamohan
    singam singla than varum
    your stand is correct keep it up
    Regards
    gomathi

Comments have been disabled.