«

»


Print this Post

பேராசிரியர் மதமாற்றம்


அன்புள்ள ஜெ

கீழ்க்கண்ட சுட்டியைப் பார்க்கவும். அடுத்தது யார் அ.மார்க்ஸா?

ஜடாயு

சைவத்தில் இருந்து இஸ்லாத்திற்கு… (மக்கள் உரிமைக்கு பெரியார் தாசன் அளித்த பேட்டி)

பேராசிரியர் பெரியார்தாசன் இஸ்லாத்தைத் தழுவினார்
தமிழகத்தின் தலைசிறந்த பேச்சாளர்களில் ஒருவரும் பேராசிரியருமான முனைவர் பெரியார் தாசன் இஸ்லாத்தைத் தனது வாழ்வியல் நெறியாக ஏற்றுக் கொண்டார். அவர் இனி தனது பெயர் அப்துல்லாஹ் என்று அறிவித்தார்.
சென்னை பச்சையப்பன் கல்லூரியில் நீண்டக் காலம் தத்துவ இயல் பேராசிரியராக பணியாற்றி ஒய்வுப் பெற்றவர் பேராசிரியர் பெரியார் தாசன். பெரியாhpன் கொள்கையால் ஈர்க்கப்பட்டு நாத்திகராக வாழ்ந்த இவர் தனது இயற்பெயரான சேசாசலத்தை பெரியார்தாசன் என்று மாற்றிக் கொண்டார். சிறந்த மேடைப் பேச்சாளரான இவர் சிசுக் கொலைகள் குறித்த திரைப்படமான கருத்தம்மாவில் நடித்துள்ளார்.பல தொலைக்காட்சி நிகழ்ச்சிகளில் பங்குக் கொண்டு மக்களின் அபிமானத்தைப் பெற்றவர்.
சவூதி அரேபியாவின் தலைநகரான ரியாதிற்கு சென்ற வாரம் வருகை தந்த பெரியார் தாசன் அங்கு வைத்து இஸ்லாத்தைத் தழுவினார். கடந்த மார்ச் 12 அன்று ரியாதில் நடைபெற்ற செய்தியாளர் சந்திப்பில் தான் இஸ்லாத்தைத் தழுவியதை அவர் பகிரங்கமாக அறிவித்தார். பெரியார் தாசன் தனது இஸ்லாத்தை தனது வாழ்வியலாக ஏற்றுக்கொண்ட செய்தி அறிந்து ரியாதில் இருந்த அவரிடம் தமுமுக தலைவர் பேரா.எம்.ஹெச். ஜவாஹிருல்லாஹ் தொலைப்பேசியில்  தொடர்பு கொண்டு வாழ்த்து தெரிவித்தார். அப்போது பத்தாண்டுகளாக தனது உள்ளத்தில் ஏற்பட்ட முடிவை இப்போது தான் நிறைவேற்ற முடிந்தது என்று பெரியார் தாசன் குறிப்பிட்டார்.

http://www.tmmk.in/index.php?option=com_content&view=article&id=426:periyardasan-convert-islam&catid=81:tamilnadu&Itemid=198

அன்புள்ள ஜடாயு,

தன் ஆன்மீக ஈடேற்றத்துக்காக ஒருவர் எந்த மதத்தையும் ஏற்றுக்கொள்ளலம். அது வரவேற்கத்தக்கது.

நான் பேரா. பெரியார்தாசன் அவர்களை நேரில் அறிவேன்.  இனிய எளிய மனிதர். இம்மானுவேல் கான்ட் மீது பிடிப்பும் பற்றும் கொண்டவர். என் நண்பர் செந்தூரம் ஜெகதீஷுக்கும் அவருக்கும் நெருக்கம் உன்டு. என்னுடன் ஒரு கூட்டத்திலும் கலந்துகோன்டிருக்கிறார்.  கான்ட் குறித்து அவரிடம் விவாதித்திருக்கிறேன்.

அ.மார்க்ஸைப் பொறுத்தவரை அவரும் இப்படி ஓர் முடிவை எடுக்கும் நிலையில் தயங்கிக் கொண்டிருக்கிறார் என்றுதான் நான் கேள்விப்படுகிறேன். அதுவும்கூட நல்லதே.

எந்த மதமும் தன்னளவில் மேம்பட்டதோ குறைவனதோ அல்ல. எனக்கு ஒரு வழி ஏற்புடையதாக இருக்கிறது. பிறிதொருவருக்கு அவரது இயல்புகளின் அடிப்படையில் இன்னொரு மதம் ஏற்புடையதாகிறது. ஒருவருக்கு கண்டிப்பான அப்பா தேவைப்படலாம். ஒருவருக்கு நல்லாசிரியனாக மட்டுமே இருக்கும் அப்பா தேவைபப்டலாம். ஒருவருக்கு பாசமே உருவான அப்பா தேவைப்படலாம்.

இஸ்லாம் உறுதியான் பதில்களைச் சொல்லி அறுதியான விசுவாசத்தை எதிர்பார்க்கும் மதம். அந்த விசுவாசமும் கட்டுப்பாடும் அப்துல்லா அவர்களுக்கு சாத்தியமாக்வேன்டுமென்றும், அது அவரை  முழுமையும் நிறைவும் கொள்ளச் செய்யுமென்றும் நம்புகிறேன்.
என்னைப்பொறுத்தவரை பொதுவாக இப்படி ஒரு தெளிவான நிலைபாடுகளை இவர்கள் எடுக்கும்போது இவர்களைப் புரிந்துகொள்வது எளிதாகிறது. இவர்களுக்கு இந்து மரபின் மீது உள்ள விமரிசனம் அது இஸ்லாமாக இல்லை என்பதே என்ற புரிதல்  அனைத்தையும் எளிதாக்கிவிடுகிறது.

அப்துல்லா அவர்களுக்கு என் மனமர்ந்த வாழ்த்துக்கள்.

ஜெ

தொடர்புடைய பதிவுகள்


Permanent link to this article: http://www.jeyamohan.in/6795

32 comments

Skip to comment form

  1. sriram

    ஹிந்துவாக பிறந்தார், பின் கடவுள் இல்லை என்றார், பின் பவுத்தத்தை தழுவினர், இப்போது இஸ்லாமை அடைந்திருக்கிறார். பேராசிரியர் உண்மையாகவே எதையோ தேடுகிறார் என்பது தெரிகிறது, அது சீக்கிரம் கிடைக்க வாழ்த்துக்கள்.

  2. ramji_yahoo

    எதன் காரணமாக அவர் இஸ்லாமியராக மாறி இருக்க வேண்டும்:

    அவரின் கொள்கைகள், கோட்பாடுகள், நடை முறை திட்டத்திற்கு ஹிந்து மதத்தில் உள்ள தடைகள் எவை, பகுத்தறிவு iyakkathil உள்ள தடைகள் எவை.

    i mean , is any constraint in Athiestism or Hindusim which stop his progress, if so what are all those constraints. (because it looks like blame-ism, aada teriyaatha nadikar medai konal endru sonnaaram, adhu pola ullathu idhu)

  3. S. Krishnamoorthy

    அன்புள்ள ஜே!
    பெரியார்தாசனின் மதம் மாறுதல் பற்றிப் பலர் எழுதியுள்ளனர்.
    ”இவர்களுக்கு இந்து மரபின் மீது உள்ள விமரிசனம் அது இஸ்லாமாக இல்லை என்பதே என்ற புரிதல் அனைத்தையும் எளிதாக்கிவிடுகிறது”
    இதைவிடத் தெளிவாக யாரும் சொல்லவில்லை.
    நமது வாழ்க்கையே ஒரு தேடல்தான். இதை நன்றாகப் புரிந்து செயல்படுவது “கூகுள்”.
    கிருஷ்ணமூர்த்தி

  4. பிரேம் குமார்

    ராகுல சாங்கிருத்தியாயரும் இந்து, பெளவுத்தம், இஸ்லாம் என்று தேடுதல் வேட்டை நடத்தியவர் இறுதியில் மார்க்சிய மதத்திற்கு மாறினார் என படித்ததாக ஞாபகம். மிக கச்சிதமான வட்டம் இல்லையா?

  5. V.Ganesh

    வாழ்த்துக்கள். ஆனால் அவரின் பேட்டி படித்து பாருங்கள். ஹிந்து மதம் பற்றி குறை கூறுகிறார். இது கயமை என்று நம்புகிறேன். தான் நம்பும் மதம் பற்றி கூறி தன் குறிக்கோளை அடைந்த பிறகு இப்படி பேசுவது படித்த ஒருவருக்கு அழாக? எந்த ஒருவரும் அடுத்த மதம் மோசம் என்று கூறுவதால் பெரியவராகி விட முடியாது. வாழ்வு சிறக்க வாழ்த்துக்கள்.

  6. stride

    பெரியார்தாசன் தன் மனதிற்கு ஏற்ற மதத்தை தேர்ந்தெடுத்தது அவரின் சொந்த விருப்பு. அதுவும் அவரின் பேட்டியில் எட்டு ஆண்டு காலமாக தீவிரமாக இஸ்லாத்தை கற்று அறிந்து தன்னை கடைசியில் அர்பணித்து விட்டதாக குறிப்பிடுகிறார். பல்லாண்டு காலமாக இதற்கு நேரம் கொடுத்து சிறிது சிறிதாக மாற்றம் கொண்டிருக்கிறார். அது மிக ஆரோக்கியமானதே.

    பேட்டியில் “வழி தவறி சென்று கொண்டிருப்பவர்களை இஸ்லாத்தின் பால் ஈர்ப்பதற்கு எனது வாக்கு வண்மையை பயன்படுத்துவேன்” என்று கூறியபடி அவர் அதனை செய்வது அவர் சார்ந்த மதத்தின் ஒரு முக்கியமான அம்சம். அவர் செய்யாமல் இருந்தால் தான் ஆச்சர்யம். முதலில் இந்து பின் கடவுள் மறுப்பு அப்புறம் பௌத்தம் கடைசியில் இஸ்லாத்தில். இப்படி பல கோணத்தில் வாழ்ந்தவர் மத நல்லிணக்கத்தை பேணவும் பாடு பட்டால் நன்றாக இருக்கும்.

    ஆனால் பேட்டியின் கடைசியில் ஜிகாத் பற்றி கூறியது சிறிது சங்கடப்படுத்தியது.

    //இஸ்லாத்திற்கு எதிராக பரப்பி வரும் வெகுஜன ஊடகங்கள் விஷயத்தில் முஸ்லிம்களின்; நடவடிக்கைகள் எப்படி இருக்க வேண்டும்—-?

    டாக்டர் அப்துல்லாஹ் : அன்னை ஆயிஷா (ரலி) அவர்கள் அண்ணல் நபி (ஸல்) அவர்களிடம் நாங்களும் ஜிஹாத் செய்ய வேண்டாமா-? என்று கேட்டதற்கு சண்டை இல்லாத போர் ஒன்று உள்ளது. அதனை நீங்கள் செய்யுங்கள் என்றார்கள். முதலில் சண்டை இல்லாத ஜிஹாத் செய்வோம். இறைவன் நாடினால் என்னை எதற்காகவும் தயார;படுத்திக் கொள்வேன். //

    சவுதியில் புனித பூமியில் இஸ்லாத்தை தழுவின அபரிதமான உணர்ச்சியில் அதை சொன்னார் என்று எடுத்துக்கொள்வோம். உண்மையில் அவர் அப்படி இருக்கமாட்டார் என்று நம்புவோம்.

    சிவா

  7. kalyaanan

    இஸ்லாமியரை பொருதவரை இன்று ஒருவர் இஸ்லாமிய அடையாளத்துடன் தன்னை பிணைத்துக்கொண்டு தலைமையை ஏற்றுக்கொண்டால் எல்லாம் சரியாக போய்விடும். அதன் பின் அவர் இஸ்லாமாக ஆகிறாரா எனப்தெல்லாம் பிரச்சினையே இல்லை. ஐந்துவேளை தொழக்கூடிய் எத்தனை இஸ்லாமியர்கள் உள்ளனர்? இஸ்லாமிய நெறிகளை ஒரு சதவீதம் பேர் கூட கடைபிடிப்பதில்லை. அதெல்லாம் கட்டாயமும் கிடையாது. கட்டுப்பாட்டுடன் ஒரு அணியா நின்றால் போதும். அதேசமயம் அவர் பிற மதங்களை தாக்கி இஸ்லாமை பிரச்சாரம்செய்ய வேண்டும். அது அவர்களுக்கு ஒரு கடமை. இதை கிறிஸ்தவர்களிடமும் காணலாம். மதம் மாரிவிட்டால் எதுவுமே மாறாது .பழைய மதத்துக்கு எதிரான பிரச்சார பீரங்கியாக ஆவார்கள். பேராசிரியர் அப்துல்லா வர்களும் அப்படித்தான் ஆவார். அதற்காகவே அவர் மதம் மாற்றப்பட்டிருக்கிறார் என்ரும் எனக்கு தோன்றுகிறது. கடவுள்ளுக்கே வெளிச்சம்

  8. jasdiaz

    Today the problem with Christianity is any one can start a new Christian movement/group, start preaching whatever they feel like, interpret Bible in whatever way they want. Unlike many non-Christians believe the Christian clergy / Bishops /Pope have no control over these so called preachers and their teachings. Essentially it has become a business.

    A Catholic priest has to undergo proper full time training for 8-12 years in a seminary before he is ordained as a priest. During this training, about 80-90% drop out. To become a Bishop, a priest who is selected has to do PhD mostly in foreign universities lasting for a period of 5 years in theology, law etc. Imagine 10th class drop outs declaring themselves preachers / priests / Bishops and swindle money.

    As on now the trouble-creators are these fringe Christian groups which can not be controlled by established Church authorities. The majority of Christians are peace loving and want to get on with their lives just like any other non-Christians.

  9. vaidhi

    பதினாறு வயதில் ஹிந்து மதத்தில் கடவுள் இல்லை என்று முடிவு எடுக்கிறார்
    (அதுவும் பக்தி பழ வேடத்தில் இருக்கும் போது )
    வயதில் வளர்ந்த பின்னர் …
    பெரியார் கடவுள் இல்லை என்கிறார் என்பதை தாசன் ஆன பின் கண்டுபிடித்திருப்பார் போல இருக்கு
    புத்தர் கடவுளை பற்றி பேசாதீர் என்பதை கண்டு பிடிக்க பௌத்தர் ஆனார்
    (இதை எல்லாம் ஒரு பேராசிரியர் ஊர் அறிய அறிவித்து, மாறி பல ஆண்டுகள் கழித்து கண்டுபிடிக்கிறார் … ஆழ்ந்து ஆராய வேண்டிய குணாதிசியம் )

    நான் கண்டுபிடித்து விட்டேன் , இவர் தேடுபவை
    இவர் மதம் – பிரபல்யம்
    இவர் கடவுள் – புகழ் (பணம்?)

  10. rameshkalyan

    நல்லது. நாத்திகத்தையே அதுவும் இருக்கட்டும் என்று அங்கீகரிக்கும் இந்து மதம், மத மாற்றத்தால் எதை இழந்துவிடப் போகிறது? சொல்லப்போனால் வாழ்த்தி அனுப்பும் பக்குவத்தை அது தனி நபர்களுக்கு கூட அளிக்க வல்லது. வாழ்த்தலாம்.

  11. Ram

    This is not the first time an Atheist has become beleiver of God. Kannadasan is also another example. This Proffessor says he has converted more than 1000 beleivers to Athiests when he was propagating Atheism. All those 1000 odd persons will be upset now and will feel like stranded in Andaman Nicobar Island jail. Let this be a lesson to all those who listen to the Atheist propagators in large crowds. The questions asked by these Atheists are very simple and straight forward like “Has anyone seen God ?””If there is God, why natural calamities are happening”? etc. Any person who is in trouble can start to beleive those simple questions and decide that there may not be a God at all.
    On the contrary, If anyone knows the Address where God resides, will anyone go to office ? He will only go towards the address of God. That is the reason God is in all objects, but hidden in them.
    Parathhai Maraithhadhu Paarmudhal Bhoodham
    Parathhil Maraindhadhu Paarmudhal Bhoodham
    I strongly beleive that there can only be one God and I may call it “Paramaathma” and Dr.Abdullah may call it by other name. But there is no place for Atheism.

  12. sivaramkathirveel

    ஒருவர் மதம் மாருவது அவரது உரிமை. தன்னுடைய சொந்த மதம் ஏன் தனக்கு நிறைவை தரவில்க்லை என்று அவர் சொல்லத்தான் செய்வார். அப்ப தானே ஏன் மாறினார் என்று சொல்ல முடியும். அவர் நேர்மையானவர் படிப்பாளி நல்லவர் என்றுதான் ஜெ சொல்கிறார். அவருடன் சேர்ந்து வாழ்த்துவதே நியாயம். அதைஉவிட்டுவிட்டு உள்நோக்கம் சொல்லுவதும் திட்டுவதும் நல்ல இந்துக்கள் செய்வது இல்லை.

  13. gomathi sankar

    ஹிந்துவாக இருந்துகொண்டே நாம் நாத்திகனாக கிறித்தவனாக பௌத்தனாக ஏன் தர்க்காவுக்கும் போய்க்கொண்டு இருக்கலாம் மற்ற மதங்களில் அந்த சுதந்திரம் இல்லை ஒற்றை புத்தகத்துக்குள் தனது எல்லா கேள்விகளுக்கும் விடை பெற முடியும் என அவர் நினைக்கிறார் எனில் யார் தடுக்க முடியும் அது சரி பரம்பரையாக இருப்பவரை விட புதிதாய் மதம் மாறியவர்கள் பழைய மதத்தை ஆவேசமாக குறைகூறுவதும் புதிய மதத்தை தாங்களே புனருத்திராணம் செய்ய போவதாக கிளம்புவதும் என்ன உளவியல்?

  14. irshad

    உ(ன்)ங்களை “இலக்கிய வியாபாரி” என்று அழைப்பது பொறுத்தமாக இருக்கும்.

  15. த.ஜார்ஜ்

    அவரது தேடல் கடவுளாயிருக்க வாய்ப்பில்லை.

  16. rsgiri

    கைவிடல்: பிரம்மச்சரியம் / நாத்திகம்

    அன்புள்ள‌ ஜெ,

    தான் போதித்த, பின்ப‌ற்றிய‌ பிர‌ம்ம‌ச்ச‌ரிய‌த்தில் இருந்து நெறி பிழ‌ன்ற‌ நித்தியான‌ந்தாவைப் புர‌ட்டியெடுக்கும் ஊட‌க‌ங்க‌ள், அதேபோல் தான் போதித்த‌, பின்ப‌ற்றிய‌ நாத்திக‌த்தில் இருந்து த‌ட‌ம் மாறி மாற்று ம‌த‌த்தைத் த‌ழுவி நிற்கும் பேராசிரிய‌ர் பெரியார்தாச‌ன் அவ‌ர்க‌ளையும் கேள்விக‌ள் கேட்குமா?

    குழப்ப‌ங்க‌ளுட‌ன்,
    கிரி
    http://sasariri.com

  17. சங்கரன்

    ‘பகுத்தறிவு’ பேசியவர் ஆழ்ந்த ‘நம்பிக்கையை ‘ முன்வைக்கும் ‘அமைதி’ மார்க்கத்திற்கு சென்றிருக்கிறார். அவரது நேர்காணலை படிக்கும் போது மனிதர் ஏதோ ஒரு திட்டத்தின் படி சிக்க வைக்கப் பட்டிருக்கிறார் என்று தோன்றுகிறது. கமலா சுரையாவைப் போல் அல்லாமல் மனிதர் இந்த அந்தர்பல்டியோடு நிறுத்திக்கொள்வார் என நம்புவோம் :)

    இலக்கிய வியாபாரி என சமய வியாபாரிகள் பட்டம் கொடுக்கிறார்கள். என்ன கொடுமை இது ?? :)

  18. Muthu

    இது தொடர்பான எனது வெகுநாளைய மனத்தாங்கல்.

    இஸ்லாமிய கிறித்துவ மதங்களை குறை கூறிக்கொண்டே இருப்பது ஒரு வழி. மிக சுலபமான வழி, பின்பற்ற எளிதான வழி, குறிப்பாக வெறுக்க கற்றுக்கொடுக்கப்பட்ட நம்மால் உடனடியாக இயலும் வழி.

    இன்னொன்று சற்று சிரமமானது. அது சுயபரிசோதனையின் வழியான சுத்திகரித்தல்.

    இந்துமதத்தின் மீது இன்று வரை வைக்கப்படும் மிக முக்கிய குற்றச்சாட்டான சாதி ஏற்றத்தாழ்வு அகற்றப்படவேண்டிய ஒரு நசிவு சக்தி. அபாயங்கள் சூழ்ந்திருக்கும் – முன்னேறிக்கொண்டிருக்கும் – ஒன்றுபட்டே ஆகவேண்டிய இந்த மிக முக்கிய காலகட்டத்தில் நம்மை மென்மேலும் பிளவுபடுத்திக்கொண்டிருக்கும் ஒரு அழிவு சக்தி இந்த சாதி வேற்றுமை, அதன் விளைவான தீண்டாமை, ஏற்றத்தாழ்வு போன்றவை.

    இதற்கு எதிராக நாம் என்ன செய்ய முடிந்திருக்கிறது நம்மால் ?

    இன்னமும் மலம் திணித்துக்கொண்டிருக்கிறோம்; தடுப்புச்சுவர் கட்டிக்கொண்டிருக்கிறோம்; தீண்டாமையை காத்துக்கொள்வதற்காக தாய்மதம் திரும்புகிறோம்.

    இதை எதிர்த்து வலுவான குரல் எங்காவது எழுந்திருக்கிறதா ? இந்து மதத்தை காப்பதாய் சொல்பவர்கள் மேற்கண்ட நிகழ்வை கண்டனம் செய்ததாக எங்காவது செய்தி உண்டா ? சம்பந்தப்பட்ட இடங்களுக்கு நேரில் சென்று சம்பந்தப்பட்ட மக்களை சந்தித்து அவர்களை கண்டித்து, இந்துமதத்தில் சாதிவேற்றுமைக்கு இடமே இல்லை என்பதை நிலைநாட்டி ஒன்றுபட்டு இருக்க வேண்டியதன் அவசியத்தை வலியுறுத்தி பிரச்சினைகளுக்கு தீர்வு காண எத்தனித்தது உண்டா ?

    இந்துமதத்தில் சாதி இல்லை என்றோ, தனிமனிதர்கள் செய்வதற்கு மதம் பொறுப்பேற்கமுடியுமா என்றெல்லாம் தட்டிக்கழிக்காமல் நேர்மையாக இப்பிரச்சினையின் ஆணிவேரை நோக்கி சென்றிருக்கிறோமா ?

    மடங்களோ, ஆன்மீக நிறுவனங்களோ இதற்கு முன்வந்ததுண்டா ?

    நானறிந்தவரை, தீண்டாமையை காத்துக்கொள்ளவேண்டி இந்துமதம் திருபின நிகழ்வை அர்ஜூன் சம்பத் மட்டுமே கண்டித்திருக்கிறார்.

    ஆனால் இதற்கு எதிரிடையாக –

    இந்துமத இளைஞிகள் மாற்று மத இளைஞர்களை காதல் மணம் புரிந்துகொண்டால் அம்மத மக்கள் இந்துக்களை காதல்வலை வீசி மதம் மாற்ற மறைமுக திட்டத்தோடு செயல்படுவதாக கண்டிக்கிறோம் ;

    தமது மடங்களுக்கு வரும் பக்தர்களைக்கூட ‘நம்மவாளா ?’ என்று கேள்வி கேட்கிறோம் ;

    ஒரு தாழ்த்தப்பட்ட சிறுவன் தகுதி பெற்று சங்கர மடம் போன்றதொரு மடத்தலைவராய் பொறுப்பேற்பதாக மேடையேற்றப்பட்ட நாடகத்தைக்கூட தாங்கிக்கொள்ள இயலாமல் நேரில் அழைத்து நாடகத்தை நிறுத்தச்சொல்லி மிரட்டுகிறோம்.

    இன்றும் நம் மேல் படிந்துகொண்டிருக்கும் ரத்தக்கறையை நம்மால் அகற்றவோ நிறுத்தவோ இயலவில்லை.

    இதில் – திரு அப்துல்லாஹ், சுயலாபம் கருதியே இஸ்லாம் தழுவியிருந்தாலும் (அவர் அப்படிப்பட்டவர் அல்ல என்பது எனது நம்பிக்கை), நாம் எப்படி அதை எள்ளி நகையாட முடியும் ?

    – பொன்.முத்துக்குமார்

  19. Muthu

    முத்திரையாள நண்பருக்கு !! சரக்கும் முறுக்கும் இருப்பவர்கள் வியாபாரம் செய்வதில் தவறில்லை. மனிதர்களை விலைபேசி வியாபாரம் செய்வதுதான் கீழோர் செயல்.

  20. rsgiri

    திரு முத்து அவர்களுக்கு,
    இவை இப்போது அவரது மனமாற்றம் குறித்த விமரிசனங்களே அல்லாமல் இதில் எள்ளி நகையாட ஏதுமில்லை. ஒரு செயல், அதற்கான கருத்து அல்லது எதிர்கருத்து…அந்த்தே!. அனைவரும் முனைவர். அப்துல்லா அவர்களின் அதி தீவிர நாத்திகப் பேச்சுகளைக் கேட்டுப் பழகியவர்கள், குறிப்பாய் இந்துமதத் தாக்குதல்களை. அப்போதே அவரது கூக்குரல்கள் பெரும்பாலானவர்களால் புறந்தள்ளப் பட்டவை.

    கிரி
    http://sasariri.com

  21. சங்கரன்

    தீண்டாமை பிரச்சினை ஹிந்து மதத்தில் மட்டும் இல்லை. கிறிஸ்தவத்திலும் , இஸ்லாமிலும் இருக்கிறது.அதை யாரும் மழுப்ப வில்லை.சாதி ரீதியான தொழில் முறை அழிந்து இப்போதுள்ள கலப்பு தொழில் முறை நிலவும் சூழ்நிலையில் அது மெல்ல மெல்ல அது தீர்ந்து கொண்டிருக்கிறது. விவாதம் இங்கு அதை பற்றியதல்ல.
    சரி இன்னும் எத்தனை ஆண்டுகளுக்கு தான் தீண்டாமையை காரணம் காட்டுவீர்கள். ?? சலிப்பாக இருக்கிறது . வேறு ஏதேனும் இருந்தால் சொல்லுங்கள். :)

  22. va.mu.murali

    அன்புள்ள ஜெ.மோ.
    உங்கள் கருத்து நல்லதே.
    யாரும் இறைவனை எந்த வடிவத்திலும் வணங்கலாம் என்று கூறும் ஹிந்து மதத்தில் உள்ள மத சுதந்திரம் வேறு எங்கும் கிடைக்காதது. அதைப் பயன்படுத்தி இடம் மாறியிருக்கும் பெரியார் தாசனுக்கு வாழ்த்துக்கள்.
    பெரியார்தாசன் அப்துல்லாஹ் ஆனது அவரது சொந்த விருப்பம். அதைப் பற்றி ஹிந்துக்கள் யாரும் கவலைப்படப் போவதில்லை. ஆனால், அங்கு இருந்தபடி ஹிந்து மதத்தை தொடர்ந்து தூஷித்தால் அது மதங்களிடையே ஏற்கனவே ஏற்பட்டுள்ள பிளவை அதிகமாக்கவே வழிகோலும். நாத்திகராக இருந்தபோது அவரது துவேஷப் பேச்சைக் கேட்டது (பொறுத்துக் கொண்டது) போல, இப்போதும் ஹிந்துக்கள் கேட்பார்கள் என்று, பேரா.அப்துல்லாஹ் நினைக்க மாட்டார் என்று நம்புகிறேன்.
    எனக்கு நன்றாக நினைவிருக்கிறது, 1988 ஆம் ஆண்டு கோவையில் (ஆத்துப்பாலம்) திராவிடர் கழகம் நடத்திய ‘ஆபாசத்தில் சிறந்தது ராமாயணமா, மகாபாரதமா?’ என்ற பட்டிமன்றத்தால் தான் அங்கு சமூகச் சீர்குலைவுக்கு வித்திடப்பட்டது. இஸ்லாமியர்கள் அதிகம் வாழும் பகுதியில், அவர்களது ஆதரவுடன் வக்கிரமான பட்டிமன்றம் நடத்தப்பட்டதால் தான், கோவையில் மதக்கலவரம் நுழைந்தது. அத்தகைய சூழலையோ, அபாயத்தையோ பேரா. அப்துல்லாஹ் ஏற்படுத்திவிடக் கூடாது என்று, அந்த அளவற்ற அருளாளனை வேண்டுகிறேன்.
    -வ.மு.முரளி.

  23. ramkathir

    ஜெயமோகன் குறிப்பிட்டது போல பேரா. பெரியார்தாசன் எளிமையான பேச்சும் தோற்றமும் கொண்டவர். அவர் தொலைக்காட்சியில் தோன்றும்போதெல்லாம், நம்முடைய அப்பச்சி அப்பார் நம்மெதிரே அமர்ந்து நம்மிடம் பேசுவதுபோன்ற உணர்வெழும். சின்னஞ்சிறு சிறார்கள் தோள்மீது கைபோட்டுக்கொண்டு பேசிச்செல்வதைப்போல, எளிய மக்களுக்கு புரியுமாறு நெருங்கிச்செல்லும் பேச்சு. அவர் எந்த மதத்திலிருந்தாலும் என்னைப்போன்றவர்கள் எதிர்பார்ப்பது இதுவே.

    பேரா. பெரியார்தாசன் எந்த மதத்தை தழுவுகிறார் என்பது தனிமனித சுதந்திரம். அவராக விரும்பி தழுவினார். யாரும் நிர்ப்பந்தித்து மாற்றவில்லை. அதுவும் பல ஆண்டுகளாக இஸ்லாத்தை முழுமையாக தெரிந்துகொண்டபின் தழுவிய முறையை குறைசொல்லமுடியாது. ஆனால் இந்தமாதிரியான முடிவெடுப்பவர்களின் மனைவி மக்களின் உளவியல் நெருக்கடிகளை மறுப்பதிற்கில்லை.

    இந்துமதம் உள்ளே செல்ல வெளியேற இரண்டு வழிகளைகொண்டுள்ளது. சிலசமயம் சில இந்துக்கள் கட்டாயப்படுத்தி வெளியிழுக்கப்படுவதால் பிரச்சினையாகிறது. ஆனால் நன்றாக கட்டமைத்துக்கொண்ட பெருமதங்கள், வெளிச்செல்வோரை சகித்துக்கொள்வதில்லை.

    ஆங்கிலம் என்ற திமிங்கலம் மற்ற உலகமொழிகளை விழுங்கிவருவதுபோல, பெருமதங்கள் உலகத்தின் அனைத்து பழங்குடிமதங்களையும் ஞானமார்க்கங்களையும் விழுங்கிவிட்டால்? இது இயற்கையான நிகழ்வாகுமா? விழுங்கப்பட்ட மதங்களின் ஆன்மீக தத்துவ ஞான தரிசனங்கள் என்னாவது?

    இந்தவிஷயத்தில் உண்மையான ஆன்மீக தத்துவ ஞான தரிசனங்களை, மக்களுக்கு ஆழமான விரிவான புரிதலுடன் கொண்டுசெல்வதில் குரு ஜெயமோகன் தனியொருவராக பனியாற்றுகிறார். அதுவும் எந்தபிரதிபலன்பாரமல் அனைத்துவசைகளையும் மிரட்டல்களையும் தாண்டி வீரியத்துடன் செயல்படுகிறார். இதில் ஒருலட்சத்து ஒன்றாவதாள் என்றொருவன் கல்லெரிந்து செல்கிறான். அதிலே பிராக்கெட் வேறபோட்டு!!! டபுள் மீனிங்வேற!!!

    கதிரேசன், ஒமன்

  24. Muthu

    திரு. கிரி அவர்களுக்கு !

    கருத்தும் எதிர்கருத்தும் அவர் புகழுக்கும் பிராபல்யத்துக்கும் மட்டும்தான் மதம் மாறினார் என்ற எல்லைக்கு சென்றதையே சுட்டச்செய்தேன்.

    அவரது அதி தீவிர நாத்திக பேச்சுக்களால் அல்லது இந்து மத தாக்குதல்களால் இந்து மதம் பாதிக்கப்படும் என்றா நினைக்கிறீர்கள் ? அல்லது நூற்றாண்டுகளாக தொடர்ந்துகொண்டிருக்கும் இம்மரபுத்தொடர்ச்சி ஒரு தனிமனித மத மாற்றத்தால் / தாக்குதல் விமர்சனத்தால் அழிந்துவிடுமளவு பலவீனமானதா ?

    திரு.சங்கரன் அவர்களுக்கு !

    மனிதர்கள் ஒன்றுபடாவண்ணம் பிளவும் குருதிசிந்தலும் ஏற்படுத்திக்கொண்டிருக்கும் காலம்வரை தீண்டாமைக்கொடுமை ஒரு அழிவு சக்தியாக, இந்து மதத்தின் கறையாக, அவமானச்சின்னமாக அடையாளம் காட்டப்பட்டுக்கொண்டுதான் இருக்கும். சலிப்பாக இருப்பினும் உண்மை உண்மைதானே ?

    பிற மதங்களில் இக்கொடுமை காரணமாக மலம் திணித்தலோ, தடுப்புச்சுவர் கட்டலோ, தாய்மதம் திரும்புதலோ நிகழ்ந்ததுண்டா ? இவை எல்லாமே வெகு சமீபத்திய உதாரணங்கள்.

    நானும் விவாதத்தை வேறு திசையில் கொண்டு செல்லவில்லை. எனது ஆதங்கம், நாம் நம்மிடையே இப்படிப்பட்ட குறைகளை வைத்துக்கொண்டு இந்துமதம் துறப்பவர்களை குறை சொல்வது குறித்துத்தான்.

    அன்புடன்
    பொன்.முத்துக்குமார்

  25. stride

    /ஆங்கிலம் என்ற திமிங்கலம் மற்ற உலகமொழிகளை விழுங்கிவருவதுபோல, பெருமதங்கள் உலகத்தின் அனைத்து பழங்குடிமதங்களையும் ஞானமார்க்கங்களையும் விழுங்கிவிட்டால்? இது இயற்கையான நிகழ்வாகுமா? விழுங்கப்பட்ட மதங்களின் ஆன்மீக தத்துவ ஞான தரிசனங்கள் என்னாவது?//

    என்று நண்பர் கதிரேசன் சொன்னது இந்தியாவிலேயே ஆயிரக்கணக்கான ஆண்டுகளாக நடந்து வருகிறது. சமண புத்த மதங்கள் பல நூற்றாண்டுகளாக உழைத்து பல பழங்குடியினரை (தமிழரும் தான்) தன் வசம் கொண்டு வந்தன. பின் சங்கரர் தொடங்கி அதன் பின் வந்த பக்தி இயக்கங்கள் பல நூற்றாண்டுகள் முரண்பட்டு சமண, புத்த மதங்களுடன் மோதி வெற்றி கொண்டு இந்து ஞான மரபின் கீழ் கொண்டு வந்தன. அது பின் பல பழங்குடிகளின் தெய்வங்களையும் “தந்திரமாக” தன் குடையின் கீழ் கொண்டு வந்தது. அய்யனார் சாமி, ஐயப்பன் எல்லாம் இப்படி தான் உள்ளே கொண்டு வரப்பட்டார்கள். ஐயப்பன் சிவனுக்கும் விஷ்ணுவுக்கும் பிறந்தவர் என்கிற கதை எல்லாம் எப்போது வந்தது என்று நினைக்கிறீர்கள். இதனைப்பற்றி ஜெ முன்பு எழுதிருக்கிறார்.

    இது போலவே இந்துக்களை கிறித்தவ, இஸ்லாமிய மதத்திற்கு ஈர்க்கும் நடவடிக்கைளை பரிணாம வளர்ச்சியின் ஒரு அங்கமாகவே பார்க்கிறேன். இதை ஒரு ஆரோக்கியமான போட்டியாக எடுத்துக்கொள்ளவேண்டும். தாழ்த்தப்பட்டவர்களை ஆதிக்க சாதியினர் (தோழர் கற்றுக்கொடுத்த வார்த்தை) அப்பட்டமாக வெறுத்து மிதித்துக்கொண்டிருந்தால் அவர்களை வேறு மதங்கள் குறி பார்ப்பது ஒன்றும் தவறில்லை. அப்படி அவர்கள் இந்து மதத்தை விட்டு விலகி போய் விடுவார்களென்று இந்துக்களுக்கு பயமிருந்தால் அவர்களுக்கு உரியதை மறுக்காமல் இருக்க வேண்டும். காசு வாங்கி விட்டு மதம் மாறி விடுறாங்க என்று கூச்சல் போடுவதெல்லாம் வேலை செய்யாது.

    இன்னொன்று, இந்துக்கள் இதை பற்றி ஓவராக கவலைப்படுகிறார்கள் என்று தோன்றுகிறது. பத்தாம் நூற்றாண்டில் இருந்து பதினாறாம் நூற்றாண்டு வரைக்கும் இஸ்லாத்தின் மாபெரும் வன்தாக்குதல் இந்து ஞானமரபை அசைக்க முடியவில்லை. அதற்கு அடுத்து இருநூறு ஆண்டுகள் பெரும்பலத்துடன் வந்த கிறித்தவ மிஷனரிகளும் ஒன்றும் செய்ய வில்லை. ஆப்பிரிக்கா, தென் அமெரிக்கா, மலேசியா, இந்தோனீசியா எல்லாம் கிறித்துவத்தும் இஸ்லாம் வந்த ஒரு நூற்றண்டில் அடி பணிந்ததை கவனம் கொள்ளவும். இந்து ஞானமரபு பிடி கொள்ளாதது. அனைத்து மரபுகளையும் தன்னுள் கொண்டது. அது அப்படியே தான் இருக்கும். இந்துக்களாக அதை அழித்தால் தான் உண்டு.

    கடைசியில், இந்தியாவின் மக்கள் தொகையில் எட்டு சதவிகிதம் ஆதிவாசிகள். அவர்கள் எந்த பெரும் மததையும் சேர்ந்தவர்கள் இல்லை. இந்துக்களும், கிறித்தவர்களும், இஸ்லாமியர்களும் அவர்களை அப்படியே விட்டு விட்டால் நன்றாக இருக்கும்.

    சிவா

  26. guru

    மதமே இல்லை என்றார். பின் பௌத்த மதம் என்றார். பின் இஸ்லாத் என்றார்.தேடல் உள்ள மனிதன் தான். ஆனால் தெளிவில்லாத மனிதனாகத்தானே இருந்திருக்கிறார்? தான் இதுவரை காணாத ஒன்றை காணலாம் என்ற நம்பிக்கையில் புதிய மார்கத்தில் சேர்ந்திருக்கிறார். அதுவும் சரியா தப்பா தெரியாது? அதற்குள் பழைய மார்கத்தை குறை சொல்வது, இகழ்வது ஒரு பேராசிரியர்க்கு, பகுத்தறிவாளருக்கு, சைக்காலஜி அறிஞருக்கு அழகா? இதுநாள்வரை இந்த மனிதரைப்பற்றி உயர்வாக நினைத்தவர் முகத்தில் கரி பூசியிருக்கிறார் இந்த பெரிய மனுஷர். ஐயோ பாவம் என்று பரிதாபப்பட தோன்றுகிறது.

  27. guru

    ஜாதி, ஏற்றத்தாழ்வுகள் இல்லாத மதம் எது? கிறிஸ்துவ தாழ்த்தப்பட்டவர் கிறிஸ்த்துவ உயர்குலப்பெண்ணை மணம் முடிக்க முடியுமா? இஸ்லாத்தில் ஜாதி இல்லையா? எல்லோரும் ஓர் இனம் எல்லோரும் ஓர் குளம் எல்லோரும் இந்நாட்டு மன்னர்கள் என்ற போதை வார்த்தைகள் உண்மை ஆக சாத்தியமா? ஏற்றத்தாழ்வுகளை ஏற்றுக்கொள்ள தெரியாமல் இக்கரைக்கு அக்கரை பச்சை என்று பாமரன் மட்டும் நினைப்பதில்லை; பெரியார்தாசர்களும் நினைப்பார்கள் என்பது புரிந்தது.

  28. ஜெயமோகன்

    http://neetheinkural.blogspot.com/2010/03/blog-post_2834.html

    விரைவில் இஸ்லாத்தை ஏற்கப்போகும் தோழர் திருமா
    ஜெ,
    இது உங்கள் பார்வைக்கு
    ஜடாயு [email protected]

  29. Prakash

    இஸ்லாமியர்கள் அடிகடி சொல்வது – இஸ்லாம் ஓரிறை கோட்பாடு. இந்து மதமும் அது தான். வைணவர்களுக்கு விஷ்ணு மட்டுமே கடவுள். சைவர்களுக்கு சிவன் மட்டுமே கடவுள். தென்னாடுடைய சிவனே போற்றி என்னாட்டவர்க்கும் இறைவா போற்றி ( தென்னாட்டில் “சிவனே” என்று அழைக்க படும் “இறைவா” போற்றி என்று பொருள் ). அத்வைதம் எல்லாமே இறைவன் என்ற கோட்பாட்டை முன்வைத்து, இந்தியாவில் பிறந்த அணைத்து மதங்களையும் அந்த கோட்பாட்டை வைத்து பிணைத்து விட்டது. ஏகன் அநேகன் – இறைவன் ஒருவன் அனால் பல ரூபம். இப்பொழுது அறிவியல் சொல்லும் ‘Dark Matter’ஐ ஒத்தது இந்த கோட்பாடு என்று எனக்கு படுகிறது. எல்லா இடத்திலும் நீக்கமற நிறைந்து இருப்பது கடவுள். எல்லா இடத்திலும் என்றால் நாமும் அதில் ஒரு பகுதி தானே, அதனால் தான் எல்லோரும் இறைவனின் அம்சம் என்று அத்வைதம் சொல்கின்றது. இந்த நிலை அடைந்த விட்டு எதை சாமியாக கும்பிட்டாலும் அது மறுக்காது.

    ஒரு நிலை அடைந்த விட்டு மதம் மாறுவது ஏன் என்று புரியவில்லை. சமூக காரணத்திற்காக மாறலாம் ஆனால் தனி மனிதனுக்கு எந்த மத அடையாளமும் தேவை இல்லை தானே ? எல்லா மதங்களில் இருந்தும் இதயத்தை பெற்று கொள்ளலாமே ….

  30. Prakash

    ஜடாயு , நீதி குரல் என்னை பொறுத்த வரை ஒரு குப்பை. அதில் அடிப்படை வாதம் மட்டுமே. எனக்கு சோ’க்கும் இவருக்கும் பெரிய வித்தியாசம் தெரியவில்லை. நவீன கருத்துக்களுக்கும், உரையாடலுக்கும் அங்கு இடம் இல்லை. இதை போன்ற வீனா போன வலை தளங்கள் தருவதை தயவு செய்து தவிர்க்கவும்.

  31. shaan

    உங்களுடைய இந்த இனிய எளிய நண்பர் ஒருமுறை பேசுவதைக் கேட்டு அதிர்ந்து விட்டேன். இப்படியெல்லாம் கேவலமாகப் பேசுவார்கள் தி.க.காரர்கள் என்று அப்போது தான் புரிந்தது. இவர்களுக்கு எந்த நிலையான கொள்கையும் கிடையாது. ஒருமுறை ராமாயணம் என்பது கற்பனை என்பார்கள். மற்றொருமுறை சீதை கற்பற்றவள் என்பார்கள். அது கற்பனை என்று இவர்களே கூறும் போது அந்த கற்பனைக் கதையின் முக்கிய பாத்திரத்தின் கற்பு பற்றி பேச வேண்டிய காரணம் என்ன? இவர்களுக்கு ஒன்று தெரியவில்லை. நாக்கு என்று ஒன்று இருப்பதால் இவர்கள் எப்படியும் பேசலாம் என்றால் அந்த சுதந்திரம் பிறருக்கும் உண்டு. பிறரும் எதைப்பற்றியும் பேசுவார்கள். பெரியார்தாசனின் தாயின் ஒழுக்கத்தைப்பற்றியும் கூட. இன்று அது தான் நடந்து கொண்டு இருக்கிறது. பெரியார் தனது இளவயதில் நடத்தியதாகக் கூறப்படும் காமக்களியாட்டங்களையும், தி.க.வினர் அவர் சிலைக்கு மாலையிடுவதையும் பலர் இணையத்திலும் வெளியேயும் கிழி கிழி என்று கிழிக்கின்றனர்.

  32. samyuappa

    எந்த மதத்தில் இருந்துகொண்டும் எந்த மதத்தினராகவும் இருக்கமுடியும் என்றே நம்புகிறேன் -

Comments have been disabled.