«

»


Print this Post

ஏ.ஆர்.ரஹ்மான்


ஏ.ஆர்.ரஹ்மானைப்பற்றி ஒரு நல்ல கட்டுரையை அகிலன் வல்லினம் இதழில் எழுதியிருக்கிறார். பொதுவாக ரஹ்மானைப்பற்றி எழுதுபவர்கள் அவருக்கு இருக்கும் ஒரு ‘காஸ்மாபாலிட்டன் இமேஜ்’ குறித்துதான் எழுதுவார்கள். அகிலன் நேரடியாக அவர் பழகிய ரஹ்மானைப்பற்றி எழுதியிருக்கிறார். இனிமையான நேரடியான மனிதர் என்று. பெரும்பாலும் உண்மையான கலைஞர்கள் அப்படித்தான் இருக்கிறார்கள். அவர்களின் புகழைச் சுமந்துகொண்டிருப்பதில்லை.

நான் ரஹ்மானைச் சந்திக்க வாய்ப்பிருந்தது. ரஹ்மானின் நண்பர் பரத்பாலா [வந்தேமாதரம் எடுத்தவர்] 19 ஆவது படி என்று ஒரு படம் எடுப்பதாக இருந்தார். எம்டி வாசுதேவன்நாயர் எழுதிய மூலக்கதைக்கு நான் தமிழ் வடிவை எழுதினேன். வால்ட் டிஸ்னி தயாரிப்பு. ரஹ்மான் இசை. பணி முடிந்து படப்பிடிப்பு ஆரம்பிக்கும் போது சில காரணங்களால் படம் கைவிடப்பட்டது. பொருளியல் ரீதியாக எனக்கு இழப்பேதும் இல்லை என்றாலும் ரஹ்மானைச் சந்திக்கமுடியாதது பெரிய இழப்பென்றே நினைக்கிறேன்

அந்தப்படத்தின் இசைக்காக பரத்பாலா ரஹ்மானுடன் ஜப்பானுக்குச் சென்றிருந்தபோது எடுத்த புகைப்படங்களை எனக்கு மின்னஞ்சல்செய்திருந்தார். பரத்பாலா எப்போதுமே ரஹ்மானைப்பற்றிபேசிக்கொண்டிருப்பவர். அவருக்கு ரஹ்மான் இசையமைப்பாளர் மட்டுமல்ல, தனிவாழ்விலும் ஆதர்ச புருஷன். நண்பர், வழிகாட்டி. அந்தப்புகைப்படங்களில் இயல்பாக உற்சாகமாக இருந்த ரஹ்மானின் தோற்றம் அகிலனின் இக்கட்டுரையிலும் தெரிகிறது

http://www.vallinam.com.my/issue15/column4.html

தொடர்புடைய பதிவுகள்


Permanent link to this article: http://www.jeyamohan.in/6651

15 comments

Skip to comment form

  1. Ramachandra Sarma

    ஏ.ஆர்.ரஹ்மான் நல்ல மனிதர் தான். அதை யாரும் மறுப்பதற்கில்லை. கேள்விகளும் விமரிசனங்களும் அவரது வியாபாரத்தன்மையுடனும், இசையமைப்பு விதம் குறித்தும்தான். உதாரணமாக அந்தக்கட்டுசையிலும் கூட அவர் வியாபரம் குறித்து எவ்வளவு விழிப்பாக இருக்கிறார் என்று பாருங்களேன்.

  2. Mathi

    வியாபாரம் குறித்து விழிப்பாக இருப்பதில் என்ன தவறு ? திறமையின் மிகப்பெரிய அளவுகோல்களில் இன்றைய தினம் வியாபாரமாகும் தன்மை மிக முக்கியமான ஒன்றாக இருக்கிறது. தன் அடிப்படைத் துறையில் பெரும் அர்ப்பணிப்பையும் உழைப்பும் ஆர்வத்தையும் அளித்த பின் அதனை வியாபாரப் படுத்தவும் அந்தக் கலைஞன் முனைவதில் குற்றமென்ன. சொல்லபோனால், ஆஸ்கர் மேடையில் தமிழ் ஒலித்த்து என்று நாமெல்லாம் பெருமைப் பட்டுக் கொள்வதில் ரஹ்மானின் மாபெரும் இசைத்திறமையோடு இந்த வியாபாரம் குறித்த விழிப்புணர்வும்தானே பெரும் பங்காற்றிருக்கிறது.

  3. Ramachandra Sarma

    அதேசமயம் தரம் சற்றே ஏறக்குறைய இருந்தாலும் நல்ல வியாபாரி அதை உலகிலேயே சிறந்ததாக கூவி விற்றுவிடமுடியும். ஷோமேன் & சேல்ஸ்மேன் என்று சொல்வார்கள். “ஆஸ்கர் மேடையில் தமிழ் ஒலித்த்து” – இதற்கெல்லாம் பெருமைபட்டுக்கொண்டு இருக்க முடியாது. இசைக்கு வரிகள்- மொழி குறித்து என்னுடைய நிலைப்பாடு வேறென்றாலும் அவரென்ன தமிழ்ப்பாட்டு போட்டா அவார்ட் வாங்கினார்? ஆஸ்கார் மேடையில் தமிழ் ஒலிக்காவிட்டால் எனக்கு கவலை இல்லை. இங்குள்ள கோவில்களில் எத்தனை தமிழர்கள் தமிழில் தொழுகிறார்கள் என்பது கவனிக்கத்தக்கது. இந்தமாதிரி அடையாள வெற்றிகளைக்கொண்டு தமிழுக்கு எதுவும் செய்ய இயலாது என்பதுதான் நிஜம். இது சும்மா ஒரு நாள் உண்ணாவிரதம் ஐந்து மணி நேர உண்ணாவிரதம்போல ஒரு சின்ன அடையாள ஜிம்மிக். அவ்வளவுதான். அதுசரி…….. ரஹ்மான் அல்ல தமிழகத்தின் பண்பாட்டு அடையாளம் என்பது நமக்குத் தெரியும் என்றே நினைக்கிறேன்.

  4. Diwakar Nagarajan

    ஜெ,

    புதிதாக ஒரு இடுகை எழுதி இருக்கிறேன், உங்கள் பார்வைக்கு.

    http://diwakarnagarajan.wordpress.com/2010/03/02/நம்பிக்கையாளர்களே-புதிய/

    நன்றி
    திவாகர்

  5. kuppan_yahoo

    ரஹ்மான் இசையால மட்டும் அல்ல, தன குணத்தாலும் ஒரு ரோல் மாடல் தான்.

    அவர் தமிழ் திரை உலகிற்கு வந்த காலத்தில் தான் எத்தனை எதிர்ப்புகள், குற்ற சாட்டுக்கள் அவர் மீது. அப்போது பெரும்பான்மை விமர்சகர்கள் அவரை காப்பி அடிப்பவர் என்று எழுதினர்.

    அந்த குற்ற சாட்டுக்களுக்கு எடிர்ப்பாடு பாடி தன பொழுதை வீண் அடிக்காமல் தன இசையால் பதில் அடி கொடுத்த நல்ல உள்ளம் அவர்.

    முத்து திரைப்படத்திற்கு விகடன் விமர்சனத்தில் கூட ரஜினி படத்திற்கு ரஹ்மான் இசை பொருந்த வில்லை என்ற விமர்சனம். இன்று ஆஸ்கார் வாங்கியதும் விகடன் தன விற்பனைக்கு ரஹ்மான் இருப்பாதி ஐந்து என்று தொடர்.

    ஜி வி பிரகாஷும் ரஹ்மான் போல ஒரு ரவுண்டு வருவார் என நினைக்கிறேன்.

  6. kapilan

    அய்யா ராமச்சந்திர சர்மா,

    ஏன் இந்த கொலைவெறி? கிராமத்துல, சில பெருசுகள் திண்ணைகளில் உட்காடர்ந்து கொண்டு , ரோட்டில போறவுக, வர்ரவுக எல்லாரையும் வாயாலேயே இப்படி கும்மு கும்முன்னு கும்மிகிட்டு இருக்கும்.

    ஒருவர் வியாபரம் குறித்து எவ்வளவு விழிப்பாக இருந்தா உங்களுக்கு என்ன? வியாபாரம் குறித்த பிரக்ஞை இல்லாமல் இருந்தால், அப்போது நீங்கள் சும்மா இருப்பீங்களா? “இப்படியிருந்தால் பொழைக்க முடியுமா?” என அதற்கும் ஒரு மடல் எழுதித் தள்ளியிருப்பீர். வெறும் சாக்லட்டிற்கு உலகில் மதிப்பில்லை. அதற்கும் ஒரு அழகான ரேப்பர் தேவைப்படுகிறது. அதுபோலத்தான் கலையும், வியாபாரமும். சிலர் பாராட்டி இன்புறுவார்கள். நீர், இப்படி குத்தம் கண்டுபிடித்து இன்புறுகிறீர். உங்கள் மனக்கசப்புக்களை கொட்ட இதுவா இடம்?

  7. Ramachandra Sarma

    கபிலன் அண்ணே, தின்னைல உக்காந்து புலம்புற அளவுக்கு நமக்கு அவ்வளவு வயசாகவில்லை. //இப்படி குத்தம் கண்டுபிடித்து இன்புறுகிறீர். உங்கள் மனக்கசப்புக்களை கொட்ட இதுவா இடம்?// சரி.. இப்போ முடிவாக என்ன சொல்கிறீர்கள்? ரஹ்மானை விமரிசிக்கக்கூடாது என்றா? அல்லது நீங்கள் விரும்பாத விஷயங்களை பேசக்கூடாது என்றா? என்ன சார் இது? நான் என்ன பேசவேண்டும் என்று கூட அடுத்தவர் தான் முடிவு செய்யவேண்டும் என்ற நிலை மிக மோசமானதாக இருக்காதோ? நீங்கள் உங்கள் தரப்புகளைச்சொல்லுங்கள். இந்தக் கட்டுரையைகுறித்து எனக்கு பலவித விமரிசனங்கள் உள்ளன. ஆனால் எனக்கு எழுதத்தெரியாது. நான் எழுத்தாளன் அல்ல. எனவே தின்னைப்பேச்சு மாதிரி இருக்கலாம். ஒரு விஷயத்தை நான் மறந்துவிடவில்லை, அகிலனின் பல கட்டுரைகளை நான் விரும்பிப்படித்திருக்கிறேன், எழுதியும் இருக்கிறேன். இன்னொன்றும் கூட, அவரும் இசைத்துறையில் வணிகம் சார்ந்த தொழிலில் தான் இருக்கிறார். சமரசங்களும் சாத்தியமே.

  8. Ramachandra Sarma

    குப்பன் யாஹூ அவர்கள் சொல்வது சரிதான். ஆனந்த விகடன், அவர்களுக்கு வியாபாரம் தவிர வேறென்ன கவலை? எது விற்கிறதோ அதைத் தருபவர்கள். அவ்வளவுதான். //ஜி வி பிரகாஷும் ரஹ்மான் போல ஒரு ரவுண்டு வருவார் என நினைக்கிறேன். :) :)

  9. Ramachandra Sarma

    சரி, இப்படிச்சொல்லி முடித்துவிடலாம். ரஹ்மானின் இசை இயங்கும் தளம் முற்றிலும் வேறேனது. என்னால் அதை புரிந்துகொள்ள முடியவில்லை. அல்லது புரிந்துகொள்ள நான் முயற்சிக்கவில்லை. எனவே ரஹ்மான் குறித்த விவாதங்களில் நான் வாய்மூடி இருப்பது நலம். தெரியாத விஷயம் குறித்து கருத்துச்சொல்வது தவறு என்ற விதத்தில்.

  10. perumal

    திரு ராமச்சந்திர சர்மா வை நான் வழிமொழிகிறேன்.

    பணிவன்புடன்
    பெருமாள்
    கரூர்

  11. ரவிஷா

    ஒரு காலத்தில் – எம்.எஸ்.வி. போன்றவர்கள் – புலம்புவார்கள்! “உழைக்கத் தெரிந்தது! பிழைக்கத்தெரியவில்லை” என்று! அடுத்த தலைமுறையில் இளையராஜா போன்றவர்கள் சம்பாதிதார்கள்! ஆனால் தங்களை அடுத்த லெவலுக்கு கொண்டுபோகமுடியவில்லை (அ) தெரியவில்லை! இப்போது ரஹ்மான் சம்பாதிப்பது மட்டும் அல்ல, சர்வதேச லெவலுக்கும் கொண்டு போகத்தெரிந்துருக்கிறார்! அதனால், அவர் இசை மற்றவர்களின் இசையை விட மேம்பட்டது என்று சொன்னால் சிரிக்கலாமே தவர சீர்யஸாக எடுத்துக்கொள்ளக்கூடாது! யாரோ ஒருவர் சொன்னதுபோல, ரஹ்மான் வாங்கிய அவார்டுகளின் எண்ணிக்கை அவர் பாடல்களுக்கு எழுதிய நோட்ஸ் புத்தகங்களைவிட அதிகம்! பரத்பாலா ரஹ்மானை சந்தித்தபோது ரஹ்மான் ”எங்கேயோ” போய்விட்டிருந்தார்! அப்போது ரஹ்மானுக்கு மெச்சூரிட்டி வந்திருக்கலாம்! ஆனால், நான் 1994 இலேயே பார்த்தவன்! சொல்லப்போனால், அவர் பங்குகொண்ட முதல் டி.வி. பேட்டி என்றே சொல்லலாம்! அதில் நான் இருந்தேன்! அப்போது அவர் பேசிய விதம், பழகிய விதம் கண்டு நாங்கள் எல்லாம் ஆடிப்போய்விட்டோம்! சரியாய் சொல்வதானால், ஒரு கார்ப்போரேட் ஆசாமி போல் இருந்தார்! இங்கே சுட்டுங்கள் http://therinjukko.blogspot.com/2009/06/blog-post_10.html.

    அன்புடன்
    ரவிஷா
    //

  12. chandanaar

    ரஹ்மானை பிடிக்காது என்று யாரும் சொல்லவில்லை. உண்மையில் எவ்வளவோ பேர் தலையால் தண்ணி குடித்தும் சாதிக்க முடியாத விஷயங்களை அவர் சாதித்து விட்டார் தான். எனினும் அவரது வளர்ச்சிக்கு அவருடைய இசை மட்டும் தான் காரணம் என்று அவரே ஒத்துக்கொள்ள மாட்டார்.
    தவிர அவருக்கு கிடைத்த ஆஸ்காரை எந்த விமர்சனமும் இன்றி ஏற்றுகொள்ளும் மக்கள் ஒன்றை மறந்து விடுகிறார்கள். அந்த படமும் இசையும் எந்த அளவீட்டிலும் அந்த விருதுக்கு தகுதியானவையே இல்லை. ஆசியா மார்க்கெட்டை பிடிக்க நினைக்கும் ஏகாதிபத்திய அமைப்பின் ‘சமரசம்’ தான் ஒரே படத்துக்கு அதுவும் மிக மிக சாதாரண பாடல் மற்றும் பின்னணி இசைக்கு ரஹ்மானுக்கு இரண்டு விருதுகள் கொடுத்தது. இந்த விருது பெறப்படவில்லை. ‘வாங்கப்பட்டது’. இதை பற்றி விவாதிக்க யாரும் தயாராய் இல்லை. விருது வாங்கின இசையாக்கும் ..அப்போ ‘சிறந்த’ இசை தான் என்று பெருமிதப்படும் சிலர்..பரிதாபத்துக்கு உரியவர்கள் தான். அந்த படமும் பாடலும் தான் இந்தியாவில் எத்தகைய வரவேற்பை பெற்றது என்று தான் தெரியுமே.
    உண்மையில் ரஹ்மான் ஒரு நல்ல படத்துக்கு மிக சிறந்த இசை அமைத்து விருது வாங்கியிருந்தால் தான் உண்மையில் அந்த விருதுக்கும் அவருக்கும் மதிப்பு. இனிமேல் அதை செய்வார் என்பதில் மட்டும் எனக்கு எந்த சந்தேகமும் இல்லை.

  13. sriram

    மொத்தத்தில் பார்த்தல் ரஹ்மானின் வெற்றியை கண்டு பலருக்கு பொறமை என்று தெரிகிறது. அதற்காக அவர் இசை சரியில்லை, நல்ல வியாபாரி என்றல்லாம் காரணம் கண்டு பிடிக்கிறார்கள்.

  14. Ramachandra Sarma

    ஸ்ரீராம்,
    இதை எப்பிடி கண்டுபிடிச்சிங்க? ஆகா… ரகசியம் வெளியில வந்துடுச்சே..!! ;) சும்மா தான் நண்ப, எல்லோரும் நித்யானந்தர் பிரச்சனைல இருக்காங்க. அதுலேர்ந்து நான் வெளியே வர இது ஒரு வழி அவ்வளவுதான்.

  15. Ramachandra Sarma

    http://www.youtube.com/watch?v=y0JXkgigVRI இசையைப்பற்றி அறிந்த யாரும் இதைத்தான் சொல்வார்கள். வேறு எப்படியும் இருக்கமுடியாது.

Comments have been disabled.