தமிழியக்கம்:கடிதங்கள்

***

அன்புள்ள இளங்கோவன்

எனக்கு ஆர்வமுள்ள துறைகள் என்பதனால் நான் மூன்று தரப்பினரை எப்போதும் கூர்ந்து கவனிப்பேன். 1. தமிழாளர்கள் 2. வரலாற்றாளர்கள் 3. இந்திய தத்துவ இயலாளர்கள். ஆகவே நான் உங்கள் எழுத்துக்களை எப்போதும் கூர்ந்து படிப்பேன்.

ஆதிச்ச நல்லூர் பற்றி நீங்கள் என்ன எழுதியிருக்கிறீர்கள் என்று பார்த்தேன். அந்த இணைப்பு கிடைத்தது. நல்ல இனைப்பு அது. என் வாசகர்களின் ஒரு சாரார் தமிழாய்வுகளை விரும்பி கவனிப்பவர்கள்.

உங்கள் கட்டுரையின் பிரதியெடுப்பை கண்டேன். சரி, தகவல்கள் பரவட்டுமே என்று என்ணிக்கொள்ள வேண்டியதுதான்.

அ.கா.பெருமாள் தமிழினி இதழில் கவனிக்கப்படாத தமிழறிஞர்களைப் பற்றி ஒரு தொடர் எழுதுகிறார். கவனிக்கிறீர்கள் என எண்ணுகிறேன்

அச்சு வடிவ இதழ்களில் நீங்கள் தமிழினி மாத இதழுக்கு எழுதலாம். உங்களைப்போன்றவர்களுக்கு உகந்த இதழ். உங்களை வசந்தகுமாருக்கு தெரியும், நான் சொல்லியிருக்கிறேன்

ஜெ

தங்களின் ஆதிச்சநல்லூர் கட்டுரை நமது பன்பாடு மற்றும் கலாச்சாரத்தின் மீது எந்த அளவுக்கு நாம் அக்கறை வைத்துளோம் என்பதை கான்பிக்கின்றது. தமிழகம் மட்டுமல்ல, மோத்த இந்தியாவே தன்னை மேன் மேலும் சீரழித்துக்கொள்ளும் ஒரு குஷ்ட நோயாளி போல இருக்கின்றது. எல்லாவற்றிலும் போலித்தனமே பல்லிலிக்கின்றது.சத்தமாக சுரனையற்று இருக்கிறோம். எந்த வகையிலும் எந்த துறையிலும் விழிப்புணர்வு வருவதற்கான் வாய்ப்பு இருப்பதாக தோன்றவில்லை. தேர்தலின் மூலமாக வீட்டுகுள்ளேயும் ஊழல் வந்துவிட்டது. உங்கள் கட்டுரையை படித்த பிறகு ஆற்றாமையும், சோர்வுமே ஏற்பட்டது.